1 SAN JUAN 1:3 - Lengua Sur (Enxet) Nuevo Testamento

³ Neltennáseyha negko'o kéxegke neltennasa m'a negwetaya axta negko'o, cham'a nenlegaya axta anhan, yakwayam enxoho hegyepetchekxak negko'o kéxegke, ekhawo ektémakxa nak negko'o negyepetcheyo Dios Egyap tén han ma'a Jesucristo aptaha nak Dios Apketche.

1 SAN JUAN 1:3 Referans Kwoze

1 CORINTIOS 1:9

Esawhohok cha'a elának Dios ma'a apxénakxa enxoho elána', axta anhan apkelwóneykha kéxegke yakwayam kólxek xamo' Apketche Jesucristo Wese' egegkok ma'a.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

LOS HECHOS 4:20

Magwanchek negko'o ólwátesók nenxeyenma m'a aksok negwetaya nak, tén han ma'a nenlegaya nak.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

FILIPENSES 2:1

Cristo agkok apkelwaskakkáseykekxoho kéxegke, mések agkok nahan ektakmelwayam kélwáxok kéxegke m'a ektémakxa nak segásekhayo Cristo, apheyk agkok nahan kélwáxok kéxegke Espíritu, kélya'ásegkok agkok nahan kéxegke ektémakxa m'a negásekhayo nak egmók, tén han ma'a ektémakxa nak apmopyósa anlanok egmók,

2 CORINTIOS 13:14

Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.

1 SAN JUAN 1:1

Nentáxesásak negko'o kéxegke neltennasa m'a amya'a ekyennaktésamo egnenyek ekyetnama axta sekxo' agko', cham'a nenlegaya axta tén han ma'a negwetaya axta, hakte negwetayak axta negko'o xa amya'a ekyennaktésamo nak egnenyek, nempaknegweykmók axta anhan.

HEBREOS 3:14

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

FILIPENSES 3:10

Emenyék eyke eykpelchágwomhok ko'o m'a Cristo, tén han eykpelchágwomhok agko' ma'a ektémakxa axta apmopwána apxátekhágweykmo, tén han hewatámho ko'o m'a ektémakxa axta aplegeykegkoho, tén han kaxhok sétsapma m'a ektahakxa axta apketsapma,

1 SAN PEDRO 5:1

Emenyék ko'o agkések kaxwo' sekpeywa m'a énxet'ák apkelámha apmonye'e nak kélakneykekxexa kéxegke, ko'o sektaha nak han sémha emonye sekhawo xa énxet'ák nak, sektaha nak han sekweteykegkoho m'a ektémakxa axta aplegeykegkoho Cristo, hewatámhok sat nahan ko'o xa Cristo apcheymákpoho, cham'a peya nak hẽlxekmósho', ekhawo nak han xa énxet'ák nak.

HEBREOS 3:1

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

LOS HECHOS 20:27

hakte eklegásek axta kéxegke ekyókxoho apmaheyókxa nak elának Dios, meyke sekpóso xama enxoho.

1 SAN JUAN 1:5

Cháxa amya'a sẽlxekmósama axta negko'o Jesucristo xa neltennáseyncha'a nak han kéxegkáxa: Dios apteme elseyexma, méko nahan ekyaktesóxma m'a.

HEBREOS 2:12

ekhawo ektémakxa nak appeywa ekyetnama nak eknaktáxésamaxche s'e: “Altennasha sat ko'o elyáxeg xép apwesey, anneykmaksek sat nahan ko'o xép apwesey neyseksa kélakneykekxexa.”

1 TIMOTEO 6:2

Yetneyk agkok énxet apmomap kéltemesáseykha aksa apteme wese' apagkok ma'a wese' apteme nak mey'áseyam Cristo, kéméxchek meyensemek apteme apcháyo, megkaxének apwáxok ewanyohok eñama m'a aptémo xamo' nak mey'áseyam. Kéméxchek eyánchesamhok aksa aptakmelchesamo aptamheykha, hakte kelwese'e melya'áseyam Cristo m'a kéltakmelchesesamol'a kélláneso aksok, ẽlyáxeg segásekhayo nahan ma'a. Eltennaha s'e, elxekmós nahan apnámokkok:

FILIPENSES 1:7

Payhawók agko' ko'o katnehek ekxeyenma ewáxok kélyókxoho kéxegke xa ektaha nak, hakte awanhok agko' ko'o selásekhayo kéxegke, hakte wákxók nahan kéxegkáxa kélxawé naksa m'a ektémakxa nak segemleykekxoho Dios, cham'a segkésa axta aksa ko'o, megkeyxek ma'a sekha enxoho sẽlpextétamakxa, esenhan selyentama enxoho nápakta'awo' ma'a kelwese'e ekha nak kélyaheykekxoho, yakwayam amyók tén han axének ektaha nakso' ma'a amya'a nelmeyamáxche nak.

EFESIOS 3:6

Keso ektaha nak amya'a ekpowásamáxkoho s'e: kaxhok sat mók apkelxawe aksok kélpagkancheso m'a énxet'ák metnaha nak judíos tén han ma'a énxet'ák judíos, eñama m'a tásek amya'a nak, hakte hawók mók appasmeykekxa Cristo apyókxa, weykekxók nahan apkelxaweyak ma'a apekkeneykekxa axta appeywa Dios eñama Cristo Jesús.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

1 TESALONICENSES 1:10

Exénhok nahan cha'a ektémakxa nak kélhaxneykha kéxegke yakwayam ewatak makham Jesús apkenyekta néten, Dios Apketche, aptaha axta nahan apxátekháseyam. Jesús apteme sẽlwagkaso teyp ekyentaxnakxa nak Dios senlegasáseykegkoho ekxegakmo nak.

1 CORINTIOS 15:1

Elyáxeg, kaxwo' emenyék ko'o kaxénwakxohok kélwáxok kéxegke m'a tásek amya'a seltennásencha'a axta kéxegke. Keso amya'a kélma axta takha' kéxegke s'e, cháxa keñamak ekyennakwokmo nak kélteme megkólya'áseyam kéxegke xa.

ROMANOS 15:27

Apmayhagkok axta elanagkok xa, tásek axta aptamhágkaxa, hakte payhawók axta etnahagkok xa. Enxet'ák judíos axta keñamak apkelxawáya aksok eltakmela eleñama Dios xa énxet'ák metnaha nak judíos, keñe xa énxet'ák metnaha nak judíos kéméxchek egkések aksok ma'a énxet'ák judíos apteme nak melya'áseyam yakwayam epasmok.

LOS HECHOS 13:41

‘Kóllano kéxegke kéltaha nak kélya'áseyam, kólyegwé, kólxegánem nahan. Hakte alának sat ko'o aksok neyseksa kélha makham kéxegke, kóltennasha sat eykhe kéxegke peya alának ko'o xa, kólya'asok sat eyke.’ ”

LOS HECHOS 13:32

“Nenlegásek negko'o kéxegke s'e amya'a ektakmela nak: Negko'o axta enláneyásak Dios ma'a ektémakxa axta appekkencháseykekxa appeywa ẽlyepmeyk nano', negko'o nentaha nak Abraham aptawan'ák neptámen. Cháxa apkelana axta Dios xa, cham'a apxátekhásekmo axta Jesús ekhawo ektémakxa nak eknaktáxésamaxche Salmo dos se'e: ‘Xép apteme hatte, ektemék kaxwo' xép hatte.’

LOS HECHOS 2:42

Axta nahan elyenseykmok ektémakxa axta apkelxekmóso seykha amya'a xa apyókxoho nak, emlassakpohok axta nahan cha'a aksok apagkok ekyetnakxa enxoho, etnahagkohok axta nahan cha'a nempeywa nelmaxnagko, yaknekxohok axta nahan cha'a aptókagko enxoho aptéyak apteme nak melya'áseyam.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 19:35

Cháxa énxet ektaha axta apweteykegkoho xa, ektaha nak han apxeyenma xa, ekmámnaksoho nahan apxeyenma; apya'ásegkok nahan aptéma ekmámnaksoho appeywa, yakwayam enxoho kóltehek kéxegkáxa megkólya'áseyam.

2 SAN PEDRO 1:16

Hakte ekmámnaksoho agko' ma'a ektahakxa axta nelxekmóso negko'o kéxegke, cham'a ektémakxa nak Dios apmopwána tén han ma'a Jesucristo Wese' egegkok apkexyeyam sat, háwe m'a amya'a kéltenneykha naksal'a, cham'a apyeykháseykegkohol'a ektémakxa apkeltenneykha énxet. Hakte negweté egagko' axta negko'o m'a ektémakxa nak apcheymákpoho Wese' egegkok Jesús.