1 CORINTIOS 9:1 - Lengua Sur (Enxet) Nuevo Testamento

¹ ¿Yagkapayhawok alának ko'o sekmokókxa enxoho alának? ¿Háweya ko'o seykha amya'a? ¿Ya axta ko'o ateyk Jesús Wese' egegkok? ¿Háweya kéxegke kélteme megkólya'áseyam Wese' egegkok eñama m'a sektamheykha axta ko'o?

1 CORINTIOS 9:1 Referans Kwoze

LOS HECHOS 9:17

Apmahágkek axta Ananías ma'a tegma aphakxa axta Saulo. Xama axta aptaxnegwokmo m'a, apnegkenchek axta apmék apyetseksek Saulo. Aptahak axta apcháneya s'e: —Eyáxeg Saulo, Wese' egegkok Jesús eyáphásak ko'o yakwayam enxoho éteyekxaxma exchep, tén han elánhok apwáxok Espíritu Santo, cham'a Jesús apxekmowáseykpoho axta náxet ámay neyseksa apxegayam.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

1 CORINTIOS 3:6

Ko'o axta seneykekxa, keñe axta Apolos aptaha apkexpakhéyak yegmen, Dios axta eyke aptaha apwánegkeso xa negkeneykekxa nak.

LOS HECHOS 23:11

Mók axta'a axta entahak apxekmowáseykpekxoho Wese' egegkok Pablo. Aptahak axta apcháneya s'e: “Ewaskápekxoho Pablo, cháxa aptahakxa nak apkeltenneykha sekwesey s'e Jerusalén, sat nahan etnehek apkeltennáseykha sekwesey énxet'ák apheykha tegma apwányam Roma xa ektaha nak.”

LOS HECHOS 9:3

Xama axta apwokmo Saulo keto' tegma apwányam Damasco, pelakkasek axta ekweywento elseyexma eñama néten eyahapwa'a Saulo.

1 CORINTIOS 9:19

Mehetnesásak eykhe ko'o sekmomaxche xama énxet enxoho, ektemesásexkók ahagko' eyke ko'o máxa sekmomaxche nápakta'awo' apyókxoho énxet'ák, yakwayam enxoho axámásekxak énxet apteme mey'áseyam Cristo.

2 TIMOTEO 1:11

Egkések axta ko'o Dios yakwayam atnehek seklegaso s'e amya'a nak, eyáphásek axta nahan yakwayam atnehek seykha amya'a, tén han atnehek selxekmóso enámokkok.

GÁLATAS 5:1

Egmések axta negko'o Cristo yakwayam hẽlchexeykxa' nentéma axta máxa nelmomaxche, yakwayam enxoho antehek mólmomaxche. Ekeso eñamakxa seltamho nak ko'o kólwaskápekxohok kéxegke kólmeyók xa kéltemésesama nak kaxwo' megkólmomaxche, nágkóltemekxa makham kéxegke máxa kélmomaxche.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

GÁLATAS 1:1

Ko'o Pablo sektaha nak seykha amya'a megkatnaha énxet seyápháseykha, tén han megkatnaha énxet selyéseykha, Jesucristo apagko' axta eyke selyéseykha ko'o, tén han ma'a Dios Egyap, aptaha axta apxátekháseyam ma'a Jesús.

1 TESALONICENSES 2:6

Axta anhan óltémók negko'o hegáwhok énxet, axta anhan óltémók hegáwhok kéxegke, tén han ma'a pók énxet'ák nak.

2 CORINTIOS 11:5

Megkaxének cha'a ko'o ewáxok heyeykhágwomhok ma'a seykha amya'a ekha kéláyo nak, ektaha axta axayók apkelánteyapma.

1 CORINTIOS 1:1

Ko'o Pablo, elwóneyha axta ko'o yakwayam atnehek Jesucristo seykha amya'a apagkok eñama Dios apmopmenyého.

ROMANOS 11:13

Yetneyk eyke aksok yakwayam altennaksek kéxegke megkóltaha nak judíos. Hakte axta eyáphásak ko'o Dios nepyeseksa m'a énxet'ák metnaha nak judíos, ékeso eñamakxa sekxeyenma nak ko'o ektaha ektakmela m'a sektamheykha nak.

ROMANOS 1:5

Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.

LOS HECHOS 14:14

Xama axta apyekpelchágwokmo Bernabé tén han Pablo, apkelyepteyk axta apkelántaxno magkenatcheso megkalcha apwáxók kéltemésesakxa, apchánwokmek axta nepyeseksa énxet. Aptahak axta anhan apkelyennaktésawo apkelpeywa s'e:

LOS HECHOS 14:4

Wánxa agkok, apkexpancháseykpek axta eyke énxet'ák ma'a tegma apwányam nak, nápakha énxet'ák axta leyawok apwáxók apkeltémakxa m'a énxet'ák judíos, keñe axta nápakha énxet'ák ekleyawo apwáxók apkeltémakxa m'a énxet'ák seykha amya'a.

LOS HECHOS 13:2

Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”

LOS HECHOS 9:15

Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.

LOS HECHOS 9:5

Aptahak axta apkelmaxneyeyncha'a Saulo s'e: “¿Wese', yaksak exchep?” Entahak axta amya'a kélategmowágko s'e: “Ko'o Jesús, neykhe s'e apyakmáseyncha'a nak xép.”

1 CORINTIOS 10:29

Ekxénak ko'o m'a ektémakxa nak ektamheykha apwáxok pók énxet, akke axénak kéxegke. Kéméxchek ko'o magwohók kasók ekxeyenma apwáxok pók énxet ektémakxa nak ko'o sekmowána alának sekmokókxa enxoho alána'.

1 CORINTIOS 10:30

Ekmések agkok ko'o ekxeyenma ewáxok Dios eñama m'a sekto nak, kéméxchek ko'o magwohók kasók ekxénamaxche m'a aksok, eñamakxa nak sekméso ekpayheykekxa ewáxok Dios.

1 CORINTIOS 11:16

Apmokók agkok nahan exének énxet mók amya'a eñama nak xa, kéméxchek ey'asagkohok magya'ásegko negko'o m'a mók apkeltémakxa nak énxet, tén han melya'ásegko m'a Dios énxet'ák apagkok nak.

2 CORINTIOS 10:7

Kóllano hana kéxegke ektémakxa. Xénchek agkok apwáxok enxama aptaha apkeñama nepyeseksa Cristo énxet'ák apagkok, kéméxchek nahan kaxének apwáxok nentaha negko'o xa Cristo énxet'ák apagkok.