1 CORINTIOS 8:4 - Lengua Sur (Enxet) Nuevo Testamento

⁴ Peyk kaxwo' axének ko'o ektémakxa m'a nento nak aksok kélmésol'a kéleykmáseso, negya'ásegkok negko'o ektaha mékoho agko' aksok kéleykmáseso keso náxop, negya'ásegkok nahan negko'o apyetna wánxa xama Dios.

1 CORINTIOS 8:4 Referans Kwoze

1 TIMOTEO 2:5

Hakte wánxa xama Dios, wánxa nahan xama énxet apmopwána nak épetchásekxak Dios apyókxoho énxet'ák: cham'a Jesucristo.

EFESIOS 4:6

Apwánxa xama Dios aptaha nak Egyap nenxámokxoho, aptaha nak Wese' apwányam nepyeseksa apyókxoho énxet, aptamháha cha'a Dios eñama segásenneykekxa negyókxoho nak, apheyk nahan egwáxok negyókxoho nak.

SAN MARCOS 12:29

Aptahak axta apchátegmowágko Jesús se'e: —Keso ektahakxa nak ektakmela agko' segánamakxa neyseksa ekyókxoho segánamakxa s'e: ‘Kóleyxho énxet'ák Israel, Dios Wese' egegkok aptaha wánxa xama, méko pók.

1 CORINTIOS 8:10

Aphakmek agkok xép aptáswokmo apto m'a kélpagkanchesamakxa nak kéleykmáseso, xép aptaha nak apya'áseykegkoho xa aksok nak, apwet'ak agkok xama egyáxeg ekyelkamáxkoho apteme mey'áseyam aphakmo exchep ma'a, emawhok kexaha anhan katnehek etwok aksok kélméso nak kéleykmáseso xa egyáxeg nak.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

LOS HECHOS 19:26

Kélwet'ak eyke kéxegke, kélleg'awók nahan apxeyenma Pablo megkatnaha dios ma'a kéleykmáseso énxet apkelané nak. Cháxa keñamak apkelyakmagkasesa nak apwáxók énxet'ák xa, háwe ekwánxa agkok se'e Efeso, wákxók nahan ma'a ekyókxoho yókxexma Asia.

LOS HECHOS 14:15

—Enxet'ák, ¿Yaksak ektaha kéltaha nak xa? Enxet negko'o, neghawo negko'o kéxegke. Axta keñamak nelwa'a negko'o neltamho kólyenyók xa ektémakxa nak kélpeykesamo ektaha nak mékoho, neltamhok negko'o kóltemekxa megkólya'áseyam Dios aptaha nak memassegwayam, aptaha axta apkelané néten, tén han keso náxop, tén han ma'a wátsam ekwányam, tén han ekyókxoho aksok ekheykegko nak.

1 TIMOTEO 1:17

¡Antehek hana negáyo Wese' apwányam memassegwayam nak, aptaha nak megyetsapma, aptaha nak han metémap, aptaha nak han wánxa xama Dios, óltemésesek nahan apcheymákpoho! Katnahagkok sat.

LOS HECHOS 15:20

Wánxa aksa ko'o seltamho kóltáxésesek énxet'ák yakwayam kóltennaksek eyéméxko metawagkok ma'a ekyókxoho aksok ekteméseso nak ekmanyása eñama kélméso m'a aksok kéleykmáseso, tén han melanagkek ma'a ekmaso nak nentémakxa mansexta, tén han metawagkek ápetek ma'a aksok kélnaktóso kélyakhakkaso nak ayespok ekmatña, cham'a megkóltekkeseso nak éma agkok ekmatña enxoho, tén han metawagkek ma'a éma.

1 CORINTIOS 8:11

Cháxa kañék aptegkeso exchep apyáxeg ekyelkamáxkoho apteme mey'áseyam eñama xa apya'áseykegkoho nak xép, cham'a apketsapma axta anhan Cristo aptaha apyanmaga xa egyáxeg nak.

GÁLATAS 4:8

Kelmomchek axta kéxegke aksok ekha elmowancha'a ekheyásamáxkoho nak dios, cham'a megkólya'áseykegkaxa axta Dios.