1 CORINTIOS 8:1 - Lengua Sur (Enxet) Nuevo Testamento

¹ Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

1 CORINTIOS 8:1 Referans Kwoze

1 CORINTIOS 8:7

Wánxa agkok, háwe eyke apyókxoho énxet apkelya'áseykegkoho xa amya'a ekmámnaksoho nak. Makhemek eyke makham aptéyak nápakha énxet'ák xa nento apkenagkama nak kólmésók aksok kéleykmáseso, cham'a énxet'ák eltámeyeyak axta apkelpeykesamo aksok kéleykmáseso; ekyelkamáxkoho apteme melya'áseyam cha'a kañék ekxénwayam apwáxók ektemésesa ekmanyása apkeltémakxa, eñama m'a kéleykmáseso.

ROMANOS 14:3

Enxet apsawhomo nak apto ekyókxoho aksok, kéméxchek mewanyaha pók meto nak mók xama aksok, keñe m'a énxet meto nak mók xama aksok, kéméxchek mématchesha m'a apsowhomo nak apto ekyókxoho aksok, hakte negyókxoho cha'a hegmok takha' Dios.

APOCALIPSIS 2:14

Mók xama aksok akke ektaknawasásak xép: cham'a megkólámenyého nak kólyenyekxak kélnapakha kéxegke m'a nelxekmowásamáxche eñama nak Balaam, cham'a apkeltennasama axta Balac apkeltémo elanaksek melya'asáxma énxet'ák Israel, cham'a apkelyáteyeykegkoho axta apkeltémo etawagkok nento kélméso axta kéleykmáseso, tén han apkeltémo elanagkok ma'a ekmaso nak nentémakxa mansexta.

1 CORINTIOS 8:4

Peyk kaxwo' axének ko'o ektémakxa m'a nento nak aksok kélmésol'a kéleykmáseso, negya'ásegkok negko'o ektaha mékoho agko' aksok kéleykmáseso keso náxop, negya'ásegkok nahan negko'o apyetna wánxa xama Dios.

1 CORINTIOS 8:2

Apkeneykek agkok ey'ásegkohok aksok enxama, mey'ásegkok makham ma'a eyéméxko nak ey'asagkohok.

ROMANOS 15:14

Elyáxeg selásekhayo, ekya'ásegkok ko'o ekyetna kéxegke ekyawe kélásekhamaxkoho, tén han ekyetna ekyókxoho ektémakxa kélya'áseyak, tén han ekyetna kélya'áseyak yakwayam kólmések kélpeywa kélmók;

EFESIOS 4:16

Cristo nahan keñamak ektakmela ekyepetcheykekxa mók ektémakxa nak negyókxa. Tásek nahan ekyepetcheykekxa mók xa ekyókxoho nak eñama m'a ekyepetcheyo nak mók, tásek agkok nahan eltamheykha ekyókxoho ekhéyak nak negyókxa, kaxñegkok nahan éktegeyák ekyókxoho nak, kayawagkok nahan ektémakxa nak elásekhamaxkoho.

1 CORINTIOS 15:34

Kólya'ásegwakxoho hana, nágkóllánekxa megkólya'asáxma, hakte melya'ásegkok kélnápakha kéxegke Dios. Ektemek ko'o seláneya kéxegke xa yakwayam enxoho kólmegkágwakxak.

LOS HECHOS 15:29

nágkóltaw aksa ápetek kélméso nak kéleykmáseso, nágkóltaw nahan éma, nágkóltaw nahan ápetek ma'a aksok kéltóso kélyakhakkaso nak ayespok ekmatña, nágkóllána nahan ma'a ekmaso nak nentémakxa mansexta. Agkok kóllanak kéxegke xa, tásek sat katnehek kéltahakxa kéxegke. Tásek sat katnehek kélxega.”

1 CORINTIOS 10:28

Wánxa agkok, aptemék agkok appeywa xama énxet se'e: “Keso ápetek kélméso axta kéleykmáseso s'e”, nágkóltaw aksa, kólyahakxoho m'a aptahakxa enxoho appeywa énxet, eñama m'a ektemesáseykha nak apwáxok.

LOS HECHOS 21:25

Nentáxésesek axta negko'o weykcha'áhak neltamhókxa etnahagkok ma'a énxet'ák metnaha nak judíos apteme axta melya'áseyam: megkeyméxchek etawagkok ma'a ápetek kélméso nak aksok kéleykmáseso, tén han ma'a éma, tén han metawagkek ápetek ma'a aksok kélnaktóso kélyakhakkaso nak ayespok ekmatña, kéméxchek nahan megkóllanyek ma'a ekmaso nak nentémakxa mansexta.

LOS HECHOS 15:10

¿Yaksak ektaha kélmoko nak kéxegke kólyekkónek Dios kélmoko nak kólyeykhásesagkohok kéltemo elanagkok énxet'ák apteme nak melya'áseyam Wese' egegkok ma'a kéltémókxa nak antehek, cham'a magkegwagko nak anlának negko'oxa, mopwancha'ak nahan ma'a ẽlyepmeyk nano' nak.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.

COLOSENSES 2:18

Nágkólho aksa émentók aksok kélxawé naksa kéxegke xa énxet'ák aptamheykegkohol'a máxa megkaleymáxkoho apwáxók, cham'a apkelpeykesamo nak Dios apkelásenneykha, apkexeyenmol'a apkelwetayo m'a aksok kélxekmósamo nak, cham'a megyésol'a eleykpoho' eñama ekteme elchetamso apwáxók ma'a ektémakxal'a elchetamso apwáxok énxet.

1 CORINTIOS 14:20

Elyáxeg, nágkatne aksa elchetamso kélwáxok kéxegke ektémakxal'a sakcha'a elchetamso awáxok; kólhésaxkoho m'a ektémakxal'a sakcha'a megkalané aksok ekmaso. Kólteme elchetamso kélwáxok ma'a ektémakxal'a elchetamso apwáxok énxet apkelwányam nak.

1 CORINTIOS 5:6

Megkatakmelak keyxkohok kélpeywa kéxegke eñama elánamáxche xa ektéma nak; Kélya'ásegkok eyke ektémol'a cha'a amya'a s'e: “ketsék kempáseyak awanchek kampasagkok apyókxoho hótahap kélyelakteso.”

1 CORINTIOS 5:2

¡Megkamassak makham eleymáxkoho kélwáxok kéxegke! ¡Tásek eykhe kalánhok kélwáxok ellapwámeyak! Enxet ektahakxa enxoho apteme xa, kéméxchek kóltekkesek kélnepyeseksa kéxegke.

1 CORINTIOS 4:18

Nápakha énxet apheykha kélnepyeseksa kéxegke nahan aptamhágkok apkeleymákpoho, hakte apkeneykek matyánegwakxók;

1 CORINTIOS 4:10

Cristo keñamak nelánémaxko negko'o antahak sẽlyéháxma; keñe kéxegke kelánémaxko kaxnak kélya'áseyak, Cristo eñamakxa. Negko'o nenteme nelyelkamáxkoho, keñe kéxegke kélteme ekha kélyennakte. Mólasekhaxchék cha'a negko'o, keñe kéxegke apchekawo cha'a énxet.

1 CORINTIOS 1:5

Cristo nahan keñamak apmésama kéxegke Dios ekxámokxoho aksok eltakmela eleñama nak néten, cham'a kélmowána nak kóltennaha appeywa, tén han ma'a ekxámokxoho ektémakxa nak kélya'ásegwayam.

ROMANOS 14:22

Cháxa ektémakxa nak ekxeyenma apwáxok xép kéméxchek katnehek nahan ekxeyenma apwáxok nápakto' Dios xa ektaha nak. Apkeleñémo énxet megkasagchamo nak apwáxok kaxénwakxohok apwáxok aptahakxa, cham'a ekxeyenmakxa nak apwáxok ektakmela elána'.

ROMANOS 14:14

Ekya'ásegkok ko'o méko xama aksok ektemésásamáxkoho agko' ekmanyása; wese' egegkok Jesús may'áseyam keñamak sektemésesa ko'o ekmámnaksoho xa. Xénchek agkok apwáxok énxet ektaha ekmanyása xama aksok, nakso' nahan etnésesek ekmanyása xa énxet nak.

ROMANOS 14:10

¿Yaksak ektaha kéltaha nak kélyekpelchémo kélyáxeg? ¿Yaksak ektaha kélyamatchásencha'a nak kélyáxeg? Negyókxoho sat anchaknágwók aphakxa Dios, yakwayam enxoho etnehek segyekpelchémo.

ROMANOS 12:16

Kólhésho cha'a mók kélwáxok, nágkóleyxkoho aksa, wánxa agkok, kólhésaxkoho m'a énxet'ák meyke kéláyo nak. Nágkaxén aksa kélwáxok kéltaha kéxakko' ekha kélmowána.

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.

ROMANOS 14:19

Kéméxchek negko'o ólwaskápekxohok anlának ekyókxoho aksok sentekkesesamo nak meyke ektahakxa egwáxok; cháxa egwanchek ólpasmaxkohok agyanchesagkohok nenteme magya'áseyam nentaha enxoho xa.

1 CORINTIOS 4:6

Elyáxeg, eltennásek ko'o kéxegke xa sekyetchásekxoho nak ma'a aptémakxa nak Apolos, tén han sektémakxa nak ko'o xa, yakwayam enxoho kólya'asagkohok kéxegke. Eltennásek ko'o kéxegke xa, yakwayam enxoho kaltámeyagkok megkólyeykháseykegkoho m'a ektémakxa nak eknaktáxésamaxche weykcha'áhak eñama kélyetleykekxa nentémakxa nak negko'o, yakwayam enxoho megkeyxkók kélwáxok eñama kélweyheneykekxoho xama énxet, keñe kóltaknók ma'a pók.

1 CORINTIOS 10:15

Ektahak ko'o selpakhetchesa kéxegke m'a sektémakxal'a alpakhetchesek énxet ekha nak apkelya'áseyak: kéxegke kélagko' kéméxchek kólyekpelkohok xa sektahakxa nak seláneya kéxegke.