1 CORINTIOS 7:12 - Lengua Sur (Enxet) Nuevo Testamento

¹² Apyókxoho énxet kaxwo' eltennásak ektaha nak sekpeywa ahagko', háwe eñama m'a Wese' egegkok; yetneyk agkok kelán'a aptáwa xama egyáxeg megkatnaha nak megkay'áseyam Cristo, wánxa agkok, kaxének eyke awáxok kalenxanmohok ekyepetcheykha m'a atáwa, megkapayhawok ényók egyáxeg nentémo xamo' magya'áseyam xa kelán'a nak.

1 CORINTIOS 7:12 Referans Kwoze

2 CORINTIOS 11:17

Ektemék agkok ko'o eyeyxkoho sekpeywa xa ektaha nak, ekyéháxma katnehek sekpeywa ko'o, megkatnehek sekpeywa ko'o m'a ekleklamókxa nak apwáxok katnehek nempeywa Wese' egegkok.

1 CORINTIOS 7:6

Eltennásek ko'o kélewagko kóllának xa, ektahakxa nak elchetamso ewáxok, háwe eyke m'a seltémo ahagko' enxoho kóllának.

1 CORINTIOS 7:25

Peyk kaxwo' axének ko'o ektémakxa m'a meyke entáwa nak, méko eyke ko'o m'a nelánémaxchexa nak antehek eñama Wese' egegkok ekxeyenma xa, wánxa agkok, altennaksek sat eyke ektahakxa nak elchetamso ewáxok, ektémol'a énxet megkólya'áseyamla'a exének aksok, eñama m'a seyemleykekxoho axta Wese' egegkok.

1 CORINTIOS 7:11

Yenyókek agkok atáwa kelán'a, kéméxchek megkategyekxék pók énxet, kásekhekxohok aksa makham ma'a atáwa axta. Hawók nahan ma'a énxet, megkatakmelak ényók aptáwa.

1 CORINTIOS 7:13

Hawók nahan ma'a kelán'a ekteme nak megkay'áseyam Cristo ekteme enxoho atáwa énxet metné nak mey'áseyam Cristo, wánxa agkok, kaxének eyke apwáxok elenxanmohok apyepetcheykha xa aptáwa nak, megkapayhawok kayenyók kelán'a xa énxet nak.

1 CORINTIOS 7:27

Yetneyk agkok xép aptáwa, ná eyenyaw aksa; méko agkok nahan xép aptáwa, neytegyaha aksa.