1 CORINTIOS 5:4 - Lengua Sur (Enxet) Nuevo Testamento

⁴ Kélaknakxeyk sat agkok kéxegke, kaxének sat ko'o ewáxok kéxegke, máxa sat katnehek sekwokmo enxoho sekyókxoho, keytek sat nahan Jesús Wese' egegkok apmopwána kélnepyeseksa kéxegke.

1 CORINTIOS 5:4 Referans Kwoze

COLOSENSES 3:17

Kóllána cha'a yetlo kélxeyenma Wese' egegkok Jesús apwesey ekyókxoho aksok kéllanakxa enxoho esenhan ma'a kélxénakxa enxoho, kólmés nahan cha'a ekxeyenma kélwáxok Dios Egyap eñama m'a Wese' egegkok Jesús.

2 CORINTIOS 13:3

hakte kélmenyék kéxegke kólwethok appakmeta Cristo eñama ko'o. Hakte háwe ekyelkamáxkoho m'a aptemésesamakxa nak cha'a kéxegke Cristo, wánxa agkok, apxekmósek eyke ektémakxa ekha apyennakte kélnepyeseksa kéxegke.

SAN JUAN 20:23

Enxet ektahakxa enxoho megkólyakmagkáseykekxa kéxegke apkeltémakxa melya'asáxma, megkólyakmagkásekxék sat apkeltémakxa xa énxet'ák nak, keñe m'a énxet kélyakmagkásekxexa enxoho apkeltémakxa melya'asáxma, kólyakmagkásekxak sat apkeltémakxa melya'asáxma.

2 TESALONICENSES 3:6

Elyáxeg, neltennásek negko'o kéxegke yetlo nenxeyenma Jesucristo Wese' egegkok apwesey, neltamho megkólyepetchaha egyáxeg nentémo xamo' magya'áseyam, memáheyo nak etneykha, cham'a meláneya nak han ma'a nentahakxa axta nelxekmóso negko'o kéxegke.

SAN MATEO 16:19

Agkések sat ko'o exchep ketchesama átog aptémakxa nak Wese' apwányam Dios; megkólhok sat kalanaxchek néten ma'a megyahayo nak kalanaxchek xép keso náxop, kólhok sat nahan kalanaxchek néten ma'a apchahayo nak xép kalanaxchek keso náxop.

EFESIOS 5:20

Kólmés cha'a ekxeyenma kélwáxok Dios Egyap, cham'a ektahakxa enxoho cha'a kéxegke yetlo kélxeyenma Jesucristo Wese' egegkok apwesey.

2 CORINTIOS 13:10

Ektáxésesek kéxegke s'e weykcha'áhak nak amonye sekteyánegweykekxoho kéxegke, yakwayam enxoho meynnaktésaxkók amha m'a sekmowána nak alának aksok kélnepyeseksa kéxegke, cham'a segkésa axta Wese' egegkok, háwe eyke yakwayam amasésesók kélteme megkólya'áseyam kéxegke, yakwayam alyennaktésesek kélteme megkólya'áseyam akke.

LOS HECHOS 16:18

Wegkak axta anhan ekteme xa ekwokmoho ekleklágwokmo Pablo, appeynchakpok axta, aptahak axta apcháneya espíritu ekmaso s'e: —Yetlo sekxeyenma Jesucristo apwesey eltamhok katyapok xa kelán'a awáxok nak. Ñohok axta anhan ektepa espíritu ekmaso awáxok xa kelán'a étkok nak.

LOS HECHOS 3:6

Wánxa agkok, aptahak axta Pedro apcháneya s'e: —Méko ko'o selyakye, méko nahan ma'a aksok ekmomnáwa nak, wánxa peyk agkések xép se'e aksok ekyetna nak ko'o: yetlo Jesucristo Wese' egegkok apwesey ektahak seyáneya exchep, etnamha, exeg.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN MATEO 18:20

Kélaknákxeyk sat agkok kélkánet, kélkantanxo esenhan, kélxéna enxoho sekwesey, axek sat ko'o kélnepyeseksa.”

LOS HECHOS 4:30

yána' óltakmelchesók énxet'ák apkelháxamap eñama m'a xép apmopwána nak, tén han anlának ma'a aksok magkenatcheso nak agweta', tén han ma'a aksok sempelakkaso nak agweta' eñama apwesey m'a Jesús, aptaha nak xép apchásenneykha appagkanamap.”

2 CORINTIOS 2:6

Tásek ma'a ekwánxa axta ekyentaxno kéllegasáseykegkoho kéxegke xa énxet nak.