1 CORINTIOS 5:1 - Lengua Sur (Enxet) Nuevo Testamento

¹ Legáxchek axta amya'a kélxama kéxegke aptamhákxo aptáwa apteme egken. Cháxa ektaha nak magmasexta ekmaso agko' nentémakxa xa, magwetyehek nahan katnehek nepyeseksa énxet'ák melya'áseyak nak Dios xa.

1 CORINTIOS 5:1 Referans Kwoze

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

APOCALIPSIS 2:21

Elháxanmeyk axta aksa ko'o katnehek megkay'áseyam Dios xa kelán'a nak, yámenyék axta eyke kayakmagkasek awáxok, yámenyék axta anhan kalwataksek elané ekmaso nentémakxa mansexta.

COLOSENSES 3:5

Kólmasésem kéxegke m'a ekyókxoho nentémakxa eñama náxop ekyetna nak kéxegke: nágkóllána aksa kélxama ekmaso nak nentémakxa mansexta, nágkóllána anhan nentémakxa ekmanyása nak, nágkólyeykhasaxkoho nahan kélmámenyého kóllának aksok, nágkólteme anhan kélmeyókásamáxkoho kélxakko' aksok (cháxa ekhawo nelpeykesamo nak kéleykmáseso xa).

EFESIOS 5:3

Kéxegke kélteme nak Dios énxet'ák apagkok, megkatakmelak kólxének ma'a ekmaso nak nentémakxa mansexta xama enxoho, tén han ma'a mansexta ekmanyása nak, megkatakmelak nahan kólxének mansexta kélámenyéxa enxoho kóllának.

GÁLATAS 5:19

Ñohok cha'a agyekpelkohok aksok apkeláneyak ma'a énxet apkeláneykegkoho nak aksok ekmaso apkelyespagkamakxa nak: elanagkok cha'a m'a ekmaso nentémakxa mansexta nak, tén han elanagkok cha'a m'a aksok ekmanyása nak, tén han elyeykhasakpohok cha'a apmáheyo elanagkok ma'a mansexta nak,

1 TESALONICENSES 4:7

Hakte axta hẽlwóneyha negko'o Dios yakwayam antehek ekmanyása nentémakxa, wánxa apkeltémo antehek wánxa nempagkanchásamáxche m'a Dios.

2 CORINTIOS 12:21

Eyekak nahan ko'o hegkések sekmegkakto Wese' egegkok kéxegke eñamakxa, cham'a sektaha sat makham meyk'a kéxegke, hegkések nahan katnehek selekxagweykha eñama megkólwáteseyam kéllané megkólya'asáxma kélnápakha kéxegke, megkólwáteseykmók nahan kéllané kéltémakxa ekmanyása, tén han ma'a ekmaso kéltémakxa megkólmasexta nak, tén han megkólwateseykmo kéllané m'a aksok ekmaso kélyespagkamakxa nak.

1 CORINTIOS 6:18

¡Kólyetnakhes ekmaso nentémakxa nak mansexta! Ekyókxoho mók ektémakxa nak apkelané mey'asáxma énxet megkatwásesha apyókxa; keñe m'a énxet apkelané nak ekmaso nentémakxa mansexta, elának ma'a mólya'asáxma enmexma nak negyókxa.

1 CORINTIOS 6:13

Katnohok nahan cha'a amya'a s'e: “Nento ekyetneykemxa egwokmo', egwokmo' ekyetnamakxa nento.” Nakso' xa, Dios sat eyke emasésók xa ánet aksok nak. Háwe eyke negyókxa yakwayam anlanaksek ekmaso nentémakxa mansexta. Negyókxa ekteme Wese' egegkok apagkok, Wese' egegkok akke apagkok xa negyókxa nak.

1 CORINTIOS 6:9

¿Yagkólya'ásegkok kéxegke m'a énxet'ák elmasagcha'a nak apkeltémakxa peya mexkekxék ma'a aptémakxa nak Wese' apwányam Dios? Nágkólana aksa katakmelak ma'a kélanagkama nak katakmelak kéltahakxa, hakte mexkekxék sat aptémakxa nak Wese' apwányam Dios ma'a énxet'ák elmasagcha'a nak apkeltémakxa kalmopsexta'a, tén han ma'a énxet'ák apkelpeykesamo nak kéleykmáseso, tén han ma'a énxet'ák aptawáseykha nak ektémakxa sẽlyamhopma, tén han ma'a énxet'ák aphó kelwána nak, tén han ma'a énxet'ák apkelmenyexmo nak, tén han ma'a énxet'ák apkelmeyókásamákpoho nak aksok apagkok, tén han ma'a énxet'ák anmenát'ák nak, tén han ma'a énxet'ák aptekkesáseykha nak aksa apwesey pók, tén han ma'a énxet'ák apmopwána nak elyexanchesha pók yakwayam exkak selyakye.

1 CORINTIOS 5:11

Axta eyke eltennásak ko'o kéxegke maltamho kólyepetchaha m'a énxet apkeltemesásamap nak egyáxeg, cham'a apkelané nak ekmaso nentémakxa mansexta, esenhan ma'a apkelmeyókásamákpoho nak aksok apagkok, esenhan ma'a apkelpeykesamo nak kéleykmáseso, esenhan ma'a aptekkeseyam nak apmopwána amya'a, esenhan ma'a anmenáto nak, esenhan ma'a apmenyexmo nak. Nágkóltawho nahan xamo' kélto énxet apteme nak xa.

LOS HECHOS 15:29

nágkóltaw aksa ápetek kélméso nak kéleykmáseso, nágkóltaw nahan éma, nágkóltaw nahan ápetek ma'a aksok kéltóso kélyakhakkaso nak ayespok ekmatña, nágkóllána nahan ma'a ekmaso nak nentémakxa mansexta. Agkok kóllanak kéxegke xa, tásek sat katnehek kéltahakxa kéxegke. Tásek sat katnehek kélxega.”

LOS HECHOS 15:20

Wánxa aksa ko'o seltamho kóltáxésesek énxet'ák yakwayam kóltennaksek eyéméxko metawagkok ma'a ekyókxoho aksok ekteméseso nak ekmanyása eñama kélméso m'a aksok kéleykmáseso, tén han melanagkek ma'a ekmaso nak nentémakxa mansexta, tén han metawagkek ápetek ma'a aksok kélnaktóso kélyakhakkaso nak ayespok ekmatña, cham'a megkóltekkeseso nak éma agkok ekmatña enxoho, tén han metawagkek ma'a éma.

2 CORINTIOS 7:12

Axta ko'o kaxénak ewáxok énxet apteme axta aptekkeso ekmaso, megkaxénak nahan ewáxok ma'a énxet ektaha axta kéltemeseseykmoho exma, cham'a sektáxésesa axta kéxegke weykcha'áhak, axta eyke keñamak sektáxésesa kéxegke weykcha'áhak yakwayam enxoho katakmelhok ekwetamaxche nápakto' Dios ekyetna kéxegke ekyetnakhayo kélwáxok negko'o eñamakxa.

1 CORINTIOS 1:11

Elyáxeg selásekhayo, ektemék ko'o seláneya kéxegke xa, hakte ekleg'ak axta ko'o amya'a ekyetna kélexpanchásamáxche kéxegke, axta seltennáseykha m'a ekheykha nak Cloé apxagkok.

2 CORINTIOS 2:5

Yetneyk agkok kélxama ektaha apkelapwagkaso pók, mehelapwagkásak wánxa ko'o, wákxók eyke nahan apkellapwagkáseyak kélyókxoho kéxegke. Ekxénchek ko'o eyesextawo cha'a ellapwámeyak kélnápakha, yakwayam enxoho magkések sekpeywa ekyennakte.