1 CORINTIOS 4:12 - Lengua Sur (Enxet) Nuevo Testamento

¹² tén han nelyampayo eñama nentamheykha. Hentakneyagkohok cha'a negko'o énxet, keñe cha'a negko'o agámenyéhok katakmelek ektahakxa énxet; ẽlmenxenáha agkok negko'o, ólenmaxaxkoho' aksa.

1 CORINTIOS 4:12 Referans Kwoze

1 SAN PEDRO 3:9

Nágkólhésho cha'a mók kéltemésesakxa ekmaso, nágkólhésho nahan mók ma'a kélwanyencha'a enxoho, wánxa agkok kólmaxnéses aksa yakwayam enxoho epasmok Dios, hakte apkelwóneyha axta kéxegke Dios yakwayam kólxawak aksok eltakmela eleñama néten.

SAN MATEO 5:11

“Kéleñémo agko' kéxegke kéltaha enxoho kélwanyeykha, tén han ma'a kéltawásegkoho enxoho, tén han ma'a kélxénáxko enxoho aksa, cham'a ekxámokxoho ektémakxa nak amya'a megkamámnaksoho, ko'o eñamakxa.

ROMANOS 12:14

Kólmaxnéses énxet'ák apmenxeneykha nak kéxegke, kólána epasmok Dios. Kólmaxnéses, nágkóltakneyagkoho.

ROMANOS 12:20

Temék nahan eknaktáxésamaxche s'e: “Meyk agkok enchakhak énxet apkenmexeykha nak xép, egkés apto, hem agkok nahan enchakhak, egkés yegmen; sat kañék apmegkagweykekxa pók eñama apteméseso exchep xa ektaha nak.”

LOS HECHOS 18:3

Hawók axta ektémakxa aptamheykha Pablo xa ánet nak apkelané kélpakxanma axta. Ekeso eñamakxa aphakmoho axta Pablo m'a yakwayam etneykha xamo'.

SAN LUCAS 6:28

Kólána' epasmok Dios ma'a énxet'ák apkeltémo nak katnegwomhoxma kéxegke, kólmaxnéses nahan ma'a énxet'ák apxéneykha ekmaso nak kéxegke.

1 SAN PEDRO 3:14

Peyk agkok kóllegagkohok makham kéxegke eñama kéllané m'a kéltémakxa ekpéwomo nak, kéleñémo sat kóltehek kéxegke. Nágkólé' aksa xama énxet enxoho, nágkatneykha nahan kélwáxok,

1 SAN PEDRO 2:23

Axta yátegmowágkok Jesús ma'a kélwanyeyncha'a axta, axta nahan epagkaneykha yakwayam exnéshok mók ma'a kéllegasáseykegkoho axta, wánxa agkok Dios axta eyke aksa apchásenneykekxa Jesús, aptaha nak segyekpelchémo ekmámnaksoho agko'.

SAN LUCAS 23:34

Aptahak axta Jesús se'e: —Táta, ná eyakmagkásekxa apkeltémakxa xa énxet'ák nak, hakte melya'ásegkok xa aksok apkelánégko nak. Xama aksok axta aptawásegkok sẽlpextétamo yakwayam enxoho katakmelhok apmelassamap Jesús aptaxno.

SAN MATEO 5:44

Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke.

LOS HECHOS 7:60

Keñe axta apkeltekxeya aptapnák xóp. Aptahak axta apyennaktésawo appeywa s'e: “¡Wese', né eyakmagkásekxa aksa ektémakxa nak melya'asáxma xa énxet'ák nak!” Xama axta aptaha appeywa xa, yetlókók axta apketsapma.

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN JUDAS 1:9

Wánxa agkok, axta eyke ewanyeyha Miguel apkenmexa kelyekhama', cham'a apmeyawa axta Moisés aphápak ekmoko kamok, cham'a Miguel aptaha nak apkemha apmonye Dios apchásenneykha apkeñama néten. Wánxa axta aksa aptaha apcháneya s'e: “¡Wese' egegkok sat egkések ekyennakte appeywa enókasha!”

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

2 TESALONICENSES 3:8

axta anhan antókasók aksa kéltéyak meyke negyanmagkaso kélxama enxoho. Wánxa agkok, nenlenxáneykmok axta eyke aksa nentamheykha, neltamheykha axta ekyókxoho ekhem tén han ekyókxoho axta'a, yakwayam enxoho manxamásesek kéltahakxa kéxegke kélxama enxoho.

1 TESALONICENSES 2:9

Elyáxeg, kélya'ásegkok kéxegke ektémakxa axta negko'o nentamheykha, nenlenxaneykmók axta yakwayam antókasaxchek. Nentamheykha axta cha'a negko'o ekyókxoho ekhem tén han ekyókxoho axta'a, yakwayam enxoho manxámásesek kéltahakxa kélxama kéxegke neyseksa nenlegaso amya'a eñama nak Dios.

1 CORINTIOS 9:6

¿Negko'o enxeykel'a wánxa egagkok Bernabé megkapayhawo hempasmok ma'a neghóxo nentémo xamo' nak magya'áseyam?

LOS HECHOS 20:34

kélya'ásegkok ektakmela kéxegke sektamheykencha'a axta ko'o yakwayam enxoho ótak ma'a aksok eyéméxchexa nak, yakwayam enxoho nahan ótaksek aksok eyéméxchexa m'a selxegexma'a nak ko'o.

1 SAN PEDRO 4:19

Apkellegágkok agkok nápakha énxet'ák eñama enxoho Dios apmopmenyého katnehek, kéméxchek elenxanmohok aksa apkelané m'a apkeltémakxa ektakmela nak, tén han yásenneykxak Dios yakwayam etakmelchesek, cham'a Dios aptaha axta senlané, aptaha nak han mehegyenyaweykha.

ROMANOS 8:35

¿Yaksak sat kawának hegyenyókasek negko'o m'a ektémakxa nak Cristo segásekhayo? ¿Nenlegeykegkohoya, enxeykel'a m'a ekyentaxno nak negha, enxeykel'a m'a sẽlmenxeneykha nak, enxeykel'a m'a meyk segakhe nak, enxeykel'a m'a senteme nak meyke apáwa, enxeykel'a m'a aksok segakhamo nak, nétsapma enxeykel'a?

2 CORINTIOS 11:8

Máxa selyementama selyakye ektemék ko'o m'a mók apchakneykekxexa nak, cham'a sekma axta selyakye segkéso, yakwayam apasmok kéxegke.

EFESIOS 4:28

Enxet apmenyexmo axta, elwatés apmenyexma, etneykha, etakmelchesho nahan apkelané m'a aptamheykha, yakwayam enxoho keytek apmésakxa aksok ma'a énxet meyke nak aksok apagkok.