1 CORINTIOS 4:10 - Lengua Sur (Enxet) Nuevo Testamento

¹⁰ Cristo keñamak nelánémaxko negko'o antahak sẽlyéháxma; keñe kéxegke kelánémaxko kaxnak kélya'áseyak, Cristo eñamakxa. Negko'o nenteme nelyelkamáxkoho, keñe kéxegke kélteme ekha kélyennakte. Mólasekhaxchék cha'a negko'o, keñe kéxegke apchekawo cha'a énxet.

1 CORINTIOS 4:10 Referans Kwoze

1 CORINTIOS 2:3

Ekyelkáxchek axta senegwokmo kélnápakta'awo' kéxegke, elpexyenegkek axta eñama seyeye.

LOS HECHOS 26:24

Xama axta aptaha appeywa Pablo apchátegmowágko amya'a xa, aptahak axta Festo apyennaktésawo appeywa s'e: —¡Pablo! ¡Yéhayaxma' exchep! Yeykhágwokmok ektémakxa nak apkeltámesamap, la'a aptaha nak ekyéháxma.

LOS HECHOS 17:18

Nápakha énxet'ák apkelxekmóso apnámokkok axta apkelpakhetcháseykpohok Pablo, cham'a énxet'ák apkeltamhomakpo axta epicúreos, axta anhan ma'a énxet'ák apkeltamhomakpo axta estoicos. Aptahak axta apkelpakmeta s'e: —¿Yaksak apxéna xa ekxákma nak appeywa? Keñe axta nápakha aptaha apkelpeywa s'e: —Pók dios aptekkesáseykha apwesey ko'o nek xa. Aptahak axta apkelpeywa énxet'ák xa, hakte axta apkeltennáha Pablo m'a amya'a ektakmela ekxeyenma nak Jesús, tén han ekxeyenma m'a apxátekhágwayam axta.

1 SAN PEDRO 4:14

Kéleñémo agko' kéxegke apyamatchásencha'a enxoho énxet eñama kélyetlo Cristo, hakte megkamassegwomek cha'a apha kélwáxok kéxegke Espíritu, ekha nak apcheymákpoho apkeñama Dios.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

1 CORINTIOS 3:18

Nágkólteméses aksa ekmámnaksoho m'a aksok kélanagkamakxa nak katnék: apkeneykek agkok keytnak apya'áseyak kélxama kéxegke ekhawo ektémakxa nak apkelya'áseyak énxet keso náxop, kéméxchek etnésesakpok máxa meyke apya'áseyak aksok, yakwayam enxoho etnehek ekmámnaksoho apya'áseykegkoho, aptaha enxoho xa.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

2 CORINTIOS 11:29

Apháxekpek agkok xama énxet, wahaxaxchek nahan ko'o xa. Kéltegkesek agkok nahan xama énxet, helapwók cha'a ko'o.

2 CORINTIOS 11:19

Kéxegke kéltaha ekha kélya'áseyak, wánxa agkok kélláneyha akke aksa cha'a yetlo kélmáheyo kóleyxhok apkelpeywa m'a énxet'ák elyéháxma nak.

2 CORINTIOS 10:10

Yetneyk énxet apxeyenma nak sekmésama cha'a sekpeywa ekyennakte, tén han magweyseykekxo cha'a sekpeywa, cham'a sektáxéseso nak cha'a weykcha'áhak seyaphásesama kéxegke, keñe exnek cha'a sekwokmo enxoho sekyókxoho m'a, méko hetnehek seyáyo, kawanyexkohok cha'a sektahakxa enxoho sekpeywa.

1 CORINTIOS 10:12

Enxet apkenagko nak keynnák apteme mey'áseyam nápakto' Dios, kéméxchek etakmelchesakpoho', etyamok katnehek.

1 CORINTIOS 4:8

¿Kélteméya kaxwo' kéxegke ekxámokma aksok kélagkok? ¿Sawhexkoya ekyetna kéxegke ekyókxoho aksok? ¿Kélhagweykxóya kéxegke kelwese'e megkalmopmenyého nak aksok eleñama nak negko'o? Katnoho anna nakso' kélteme kéxegke kelwese'e, keñe nahan negko'o xa antehek kelwese'e xamo' kéxegke.

1 CORINTIOS 3:2

Ekmések axta ko'o kéxegke nelxekmowásamáxche meyke ekmáske ektémol'a sakcha'a kaxwé ekteyam kólagkok ma'a neme, megkaxkeyk ma'a ekto ekyennakte nak, hakte megkólwanchek axta makham kólnaksapok kéxegke kélto ekyennakte nak. Megkólwanchek eyke makham kólnaksapok se'e kaxwo' nak,

1 CORINTIOS 2:14

Enxet meyke nak apwáxok Espíritu megkamhek apwáxok aksok eleñama nak ma'a Espíritu apkeñama nak Dios, hakte ekyéháxma yána'. Mopwanchek nahan ey'ásegwomho', hakte Espíritu aksa cha'a etnehek apyekpelchémo xa.

LOS HECHOS 17:32

Xama axta apkelleg'a énxet'ák xa apnakxétekhágwayam nak apkeletsapma, apkellektegmaha axta nápakha, keñe axta nápakha aptaha apkelpeywa s'e: —Anlegak sat nahan exének egmonye sat.

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

SAN LUCAS 18:9

Apkeltennáha axta anhan Jesús se'e apyetcháseykekxoho nak, yakwayam enxoho ellegak ma'a nápakha énxet'ák apkenagkama nak katakmelak apkeltémakxa, cham'a apkelyamatcháseykencha'awol'a apnámokkok:

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

SAN MATEO 24:9

“Keñe sat kólmaxchek kéxegke yakwayam kólnaktawasagkoho'; kóltekyók sat nahan, apyókxoho énxet sat nahan etaknók kéxegke ko'o eñamakxa.

SAN MATEO 5:11

“Kéleñémo agko' kéxegke kéltaha enxoho kélwanyeykha, tén han ma'a kéltawásegkoho enxoho, tén han ma'a kélxénáxko enxoho aksa, cham'a ekxámokxoho ektémakxa nak amya'a megkamámnaksoho, ko'o eñamakxa.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

1 CORINTIOS 1:23

Wánxa agkok, nenlegásek eyke negko'o m'a Mesías kélyepetchesama axta aksok ektegyéso. Cháxa ellókasa nak cha'a énxet'ák judíos xa, keñe m'a énxet'ák metnaha nak Judíos apkenagkama cha'a ekyéháxma neltenneykha;

1 CORINTIOS 1:25

Hakte aksok aptemésesamol'a Dios máxa ekyéháxma elanok énxet apheykha nak keso náxop, cháxa ektaha ekyeykhágweykmoho agko' ektémakxa nak apkelya'ásegwayam énxet keso náxop; keñe m'a aptemésesamol'a Dios máxa meyke ekyennakte, cháxa aksok ektaha ekyennakte agko' megkaxnawok ma'a ekwánxal'a apkelyennakte énxet keso náxop.

2 CORINTIOS 6:8

Mók xama cha'a negko'o hentehek segáyo énxet, mók xama nahan cha'a etnehek segwanyémo énxet, mók ekhem cha'a katakmelek senxeyenma énxet, keñe cha'a mók ekhem kasók senxeyenma. Negmowána amya'a cha'a hentemésesek negko'o neyseksa eykhe ekteme cha'a ekmámnaksoho nempeywa.

2 CORINTIOS 4:12

Keto' cha'a negko'o nentekyómakxa, keñe kéxegke ekyetna ekyennakte kélnenyek.