1 CORINTIOS 3:8 - Lengua Sur (Enxet) Nuevo Testamento

⁸ Aphawók eyke pók ma'a énxet ektaha nak apkeneykekxa, tén han ma'a ektaha nak apkexpakhéyak yegmen aksok kélcheneykekxa. Dios sat egkések ekyanmaga xa ektémakxa nak apkeltamheykha.

1 CORINTIOS 3:8 Referans Kwoze

ROMANOS 2:6

yakwayam enxoho kólhéshok mók ma'a ektémakxa axta cha'a apkeláneyak aksok apyókxoho énxet.

2 SAN JUAN 1:8

Kólleyxmakha cha'a kéxegke yakwayam enxoho megkamassegwomek ma'a kélweté axta ekyakmageykekxa eñama kéltamheykha, yakwayam enxoho kasawhaxkohok kélxawé m'a aksok kélxawé naksa nak.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

APOCALIPSIS 22:12

“Nakso', kaxwo' sat awata' asantámhok sat nahan ko'o ekyakmageykekxa m'a ektémakxa enxoho aksok apkelané énxet.

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

1 SAN PEDRO 5:4

Kéltemék agkok xa, kólxawak sat kéxegke aksok kélxawé naksa ekha nak eyeymáxkoho, cham'a aksok nenxawé naksa ektaha nak megkatsagkásamáxche, cham'a senxekmowáseykpoho sat ma'a aptaha nak apkemha apmonye keláneykha nekkések.

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

GÁLATAS 6:4

Enxama cha'a kéméxchek etnehek apkelányo apagko' ma'a aptémakxa nak, leyawók agkok apwáxok ma'a aptémakxa nak, tásek kalkohok apwáxok ma'a aptémakxa apagko' nak, háwe yetlo apkelányo m'a apkeltémakxa nak pók énxet'ák.

1 CORINTIOS 3:14

Apkelanak agkok enxama tegma megkamopwána nak emyetek, exkak sat ekyanmaga.

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

1 CORINTIOS 3:7

Háwe eyke kélayókxa m'a énxet ektaha nak apkeneykekxa, háwe nahan ma'a énxet ektaha nak apkexpakhéyak yegmen, akke apwánxa apagkok kélayókxa m'a Dios, hakte cham'a ektaha apwánegkeso aksok kélcheneykekxa m'a.

1 CORINTIOS 4:15

Diez mil eykhe katnehek apyókxoho énxet apkelxekmóso kéxegke apkeltennaso m'a amya'a eñama nak Cristo, wánxa agkok apkantawók eyke m'a kélyepmeyk. Ko'o sekteme kélyap kéxegke hakte eltennasegkek axta kéxegke m'a amya'a segwagkasamo nak teyp, axta keñamak kélyepetcheykekxo kéxegke Cristo Jesús xa amya'a nak.

1 CORINTIOS 9:7

Magwetyehek etnehek aptegye apagko' sẽlpextétamo m'a aksok apagkok nak. Magwetyehek nahan xama énxet ektaha apkeneykekxa xama anmen yámet meto enxoho ekyexna. Metnehek nahan meya nekkések neme apyegmenek apagkok ma'a énxet ektaha nak aptakmelcheso nekkések, cham'a apkelyakhapa enxoho.

GÁLATAS 6:5

Hakte negyókxoho negko'o kéméxchek cha'a antehek nenláneykegkoho egagko' nentémakxa.

SAN LUCAS 19:19

Keñe axta aptaha apcháneya wese' s'e: ‘Xép sat etnehek wese' yakwayam elanha cinco yókxexma.’