1 CORINTIOS 3:7 - Lengua Sur (Enxet) Nuevo Testamento

⁷ Háwe eyke kélayókxa m'a énxet ektaha nak apkeneykekxa, háwe nahan ma'a énxet ektaha nak apkexpakhéyak yegmen, akke apwánxa apagkok kélayókxa m'a Dios, hakte cham'a ektaha apwánegkeso aksok kélcheneykekxa m'a.

1 CORINTIOS 3:7 Referans Kwoze

SAN JUAN 15:5

“Ko'o sekteme anmen yámet, kéxegke eyke kélteme aktegák xa anmen yámet nak. Enxet ektahakxa enxoho apkelenxáneykmoho apteme sépetcheyo ko'o, xámok katnehek apkelané aksok ektémol'a ekxákma ekyexna anmen yámet, cham'a sektaha enxoho ko'o xa sekyepetcheyo. Megkólwanchek kéxegke kóllának xama aksok méko enxoho ko'o.

GÁLATAS 6:3

Apkeneykek agkok etnahak néten xama énxet apteme enxoho mékoho, yának nakso' ma'a ektaha nak megkamámnaksoho.

2 CORINTIOS 12:9

wánxa agkok, aptahak axta aksa seyáneya Wese' egegkok se'e: “Ko'o seyásekhayo akke yetnak xép, wánxa m'a; hakte xekmowáséxkók ko'o sekmowána m'a énxet'ák apkelyelkamákpoho nak.” Emenyék ko'o keyxkohok sekpeywa axének ektémakxa nak sekyelkamáxkoho, yakwayam enxoho keytek ko'o m'a Cristo apmopwána nak.

1 CORINTIOS 13:2

Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

1 CORINTIOS 3:6

Ko'o axta seneykekxa, keñe axta Apolos aptaha apkexpakhéyak yegmen, Dios axta eyke aptaha apwánegkeso xa negkeneykekxa nak.

1 CORINTIOS 3:8

Aphawók eyke pók ma'a énxet ektaha nak apkeneykekxa, tén han ma'a ektaha nak apkexpakhéyak yegmen aksok kélcheneykekxa. Dios sat egkések ekyanmaga xa ektémakxa nak apkeltamheykha.

2 CORINTIOS 12:11

Ektemegkek axta ko'o máxa seyéháxma, hakte kéxegke axta selyateyeykegkoho atnehek ko'o máxa seyéháxma, kéxegke axta eyke kéméxchek katakmelek sexeyenma ko'o, hakte meheyeykhágweykmohok ko'o m'a seykha amya'a ekha kéláyo nak, ¡énxet mékoho eykhe ko'o!