1 CORINTIOS 3:6 - Lengua Sur (Enxet) Nuevo Testamento

⁶ Ko'o axta seneykekxa, keñe axta Apolos aptaha apkexpakhéyak yegmen, Dios axta eyke aptaha apwánegkeso xa negkeneykekxa nak.

1 CORINTIOS 3:6 Referans Kwoze

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

1 CORINTIOS 9:1

¿Yagkapayhawok alának ko'o sekmokókxa enxoho alának? ¿Háweya ko'o seykha amya'a? ¿Ya axta ko'o ateyk Jesús Wese' egegkok? ¿Háweya kéxegke kélteme megkólya'áseyam Wese' egegkok eñama m'a sektamheykha axta ko'o?

LOS HECHOS 19:1

Apyeykhágwokmek axta Pablo yókxexma ekxámakxa axta xóp elekhaheyak elyawe, apwákxeyk axta tegma apwányam Efeso, apkelwetágwokmek axta pók xama énxet'ák apteme melya'áseyam Jesús ma'a, cham'a neyseksa apha axta Apolo tegma apwányam Corinto.

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

1 TESALONICENSES 1:5

Xama axta nenlegasa negko'o kéxegke tásek amya'a, háwe axta nempakmeteykha aksa, yetlo Espíritu Santo apmopwána axta eyke, tén han yetlo negya'áseykegkoho agko' ektaha ekmámnaksoho s'e amya'a nak. Kélya'ásegkok kéxegke nentémakxa axta cha'a negko'o kélnepyeseksa kéxegke, neltémo ampasmok.

ROMANOS 15:18

hakte magwakye' cha'a ko'o axének ma'a aksok apkeláneya nak Cristo eñama ko'o, yakwayam enxoho atnesásekxak apkelyaheykekxoho Dios énxet'ák metnaha nak judíos. Cháxa elánéxko axta xa, cham'a seltenneyncha'a axta ko'o, tén han eñama m'a aksok selané axta,

LOS HECHOS 21:19

Apkelpeykásegkek axta Pablo xa énxet'ák nak, keñe axta apkeltennáseyncha'a ekyókxoho m'a ektémakxa axta aksok apkelané Dios nepyeseksa énxet'ák metnaha nak judíos eñama apchásenneykekxa m'a Pablo.

LOS HECHOS 18:24

Chakhémok axta anhan apweykmo Efeso xama énxet judío apwesey axta Apolo. Tegma apwányam Alejandría axta apkeñamak ma'a. Apwanchek axta apkeltenneykha m'a. Apya'ásegkok axta anhan ektémakxa nak eknaktáxésamaxche Dios appeywa.

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

LOS HECHOS 14:27

Xama axta apkelwákxo tegma apwányam Antioquía Pablo tén han Bernabé, apchánchesakxeyk axta m'a énxet'ák ektaha nak apkeltamheykha kélakneykekxexa, apkeltennáseyha axta ekyókxoho aptemésesamakxa Dios Pablo tén han Bernabé, apkeltennáseyha axta anhan ektahakxa apkelya'asásegwokmo Wese' egegkok ma'a énxet'ák metnaha nak judíos, yakwayam enxoho nahan etnahagkok melya'áseyam.

1 CORINTIOS 1:12

Eyke ekmokók ko'o altennaksek kéxegke kéltéma cha'a kélpeywa kélnápakha s'e: “ko'o sekteme Pablo apkelxekmóso”; keñe nápakha etnehek cha'a apkelpeywa s'e: “ko'o eyke sekteme Apolos apkelxekmóso”; keñe etnehek nahan cha'a nápakha s'e: “ko'o eyke sekteme Pedro apkelxekmóso”; keñe etnehek nahan nápakha apkelpeywa s'e: “ko'o eyke sekteme Cristo apkelxekmóso”.

1 CORINTIOS 3:7

Háwe eyke kélayókxa m'a énxet ektaha nak apkeneykekxa, háwe nahan ma'a énxet ektaha nak apkexpakhéyak yegmen, akke apwánxa apagkok kélayókxa m'a Dios, hakte cham'a ektaha apwánegkeso aksok kélcheneykekxa m'a.

1 CORINTIOS 3:22

Pablo, tén han ma'a Apolos, Pedro, tén han keso náxop, tén han ma'a ektémakxa nak negyennakte, tén han ma'a nétsapma nak, tén han se'e kaxwo' nak, tén han ma'a egmonye sat: ekyókxoho ekteme kélagkok kéxegke,

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.