1 CORINTIOS 3:16 - Lengua Sur (Enxet) Nuevo Testamento

¹⁶ ¿Yagkólya'ásegkok kéxegke kéltaha Dios tegma appagkanamap apagkok, tén han Espíritu apkeñama nak Dios apha kélwáxok kéxegke?

1 CORINTIOS 3:16 Referans Kwoze

1 CORINTIOS 6:19

¿Yagkólya'ásegkok kéxegke kélyókxa ekteme Espíritu Santo tegma appagkanamap apagkok, Dios axta apméso kéxegke, apheyk nahan kélwáxok kéxegke xa Espíritu Santo nak? Háwe kéxegke kélteme kélagkok kélagko' xa kéltémakxa nak.

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

ROMANOS 8:11

Apheyk agkok kélwáxok kéxegke m'a Espíritu apkeñama nak Dios, cham'a apxátekhásekmo axta Jesús, etnésesók sat kéxegke kélhaxnagcha'ak natámen kéletsapma m'a Dios apxátekhásekmo axta Cristo, eñama apha kélwáxok ma'a Espíritu apkeñama nak Dios.

ROMANOS 8:9

Massegkek eyke kélyetleykekxa kéxegke xa nentémakxa egagko' nak, wánxa m'a apkeltémókxa nak antehek Espíritu, cham'a eyámnaksoho enxoho apha kélwáxok kéxegke Espíritu apkeñama nak Dios. Méko agkok negko'o m'a Espíritu apkeñama nak Cristo, mantehek negko'o Cristo énxet'ák apagkok.

1 SAN PEDRO 2:5

Ekeso eñamakxa apmeyncha'a nak han kéxegke Dios appekkena m'a tegma appagkanamap ektaha nak apkelané Espíritu, hakte kéxegke kélteme meteymog megkamassegwayam; etnésesek sat nahan kéxegke kélpagkanamaxche Dios kélpasmo kélmaxnéseso m'a ektaha nak énxet'ák apagkok, kólmések sat nahan kéxegke Dios aksok kélméso, cham'a ekleklamol'a apwáxok Dios agmések eñama m'a aksok apkelané axta Jesucristo. Espíritu Santo eyke aptekkeso egwáxok yakwayam anlának xa.

2 TIMOTEO 1:14

Etakmelches xép ma'a nelxekmowásamáxche ektakmela apxaka axta exchep eñama apméso Dios, yetlo appasmo Espíritu Santo apha nak egwáxok negko'o.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

1 SAN JUAN 4:12

Méko ekwetaya aptémakxa Dios xama enxoho; wánxa agkok, nelásekhaxkók agkok negko'o, exek egwáxok Dios, ekmámnaksoho nahan katnegwók ekyetna negko'o negyeseksa m'a Dios segásekhayo nak.

ROMANOS 6:3

¿Yagkólya'ásegkok kéxegke nétsapawo xamo' Cristo, cham'a nentamhákxo axta negyepetcheyo Cristo eñama yakpasama yegmen?

1 CORINTIOS 9:24

Kélya'ásegkok kéxegke ektémakxa m'a nelteyásamáxche nak. Apyókxoho yenyahagkok, xama eyke exkak ekyanmaga. Kólenyahak kéxegkáxa kóltesaxchek, yakwayam enxoho kólxawak ekyanmaga.

1 CORINTIOS 9:13

Kélya'ásegkok kéxegke ektémakxa énxet'ák apkeltamheykha nak kañe' tegma appagkanamap, tegma appagkanamap nahan cha'a kañék aptéyak, keñe m'a énxet'ák apkeláneykhal'a ekwatnamáxchexa aksok kélméso Dios, etawagkok nekha m'a ápetek kélmésol'a Dios.

1 CORINTIOS 6:9

¿Yagkólya'ásegkok kéxegke m'a énxet'ák elmasagcha'a nak apkeltémakxa peya mexkekxék ma'a aptémakxa nak Wese' apwányam Dios? Nágkólana aksa katakmelak ma'a kélanagkama nak katakmelak kéltahakxa, hakte mexkekxék sat aptémakxa nak Wese' apwányam Dios ma'a énxet'ák elmasagcha'a nak apkeltémakxa kalmopsexta'a, tén han ma'a énxet'ák apkelpeykesamo nak kéleykmáseso, tén han ma'a énxet'ák aptawáseykha nak ektémakxa sẽlyamhopma, tén han ma'a énxet'ák aphó kelwána nak, tén han ma'a énxet'ák apkelmenyexmo nak, tén han ma'a énxet'ák apkelmeyókásamákpoho nak aksok apagkok, tén han ma'a énxet'ák anmenát'ák nak, tén han ma'a énxet'ák aptekkesáseykha nak aksa apwesey pók, tén han ma'a énxet'ák apmopwána nak elyexanchesha pók yakwayam exkak selyakye.

1 CORINTIOS 6:16

¿Yagkólya'ásegkok kéxegke xama énxet apyepetcheykha nak kelán'a ekyakmagkáseyak nak pók énxet ekpathetéyak ektegye selyakye, xama katnekxak ekyókxa xa ánet nak? Hakte temegkek eknaktáxésamaxche weykcha'áhak se'e: “Yepetcha'ak agkok mók xa ánet nak, xama aksa katnekxa'.”

1 CORINTIOS 5:6

Megkatakmelak keyxkohok kélpeywa kéxegke eñama elánamáxche xa ektéma nak; Kélya'ásegkok eyke ektémol'a cha'a amya'a s'e: “ketsék kempáseyak awanchek kampasagkok apyókxoho hótahap kélyelakteso.”

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

ROMANOS 6:16

Kélya'ásegkok kéxegke ektakmela m'a kélmeyásexkoho enxoho kélagko' xama wese' yakwayam kólyahakxohok, keñe kóltehek kéxegke kélmomaxche apkelma xa wese' nak, yakwayam kólyahakxoho. Katnohok cha'a xa, cham'a kéltaha enxoho kéxegke kélyaheykekxoho mólya'asáxma eknaklamol'a cha'a nétsapmakxa, ekhawo nahan ektémakxa m'a kéltaha enxoho kélyaheykekxoho Dios, yakwayam enxoho kóltehek ekpéwomo kéltémakxa.

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

1 CORINTIOS 3:17

Aptawáseyha agkok xama énxet Dios tegma appagkanamap apagkok, Dios sat emasésók xa énxet nak, hakte Dios tegma appagkanamap apagkok apteme appagkanamap, kéxegke kélagko' kélteme xa tegma appagkanamap nak.

1 TIMOTEO 3:15

yakwayam enxoho ey'asagkohok xép ma'a nentémakxal'a nepyeseksa Dios énxet'ák apagkok, ektaha nak Dios megyetsapma énxet'ák apagkok, cham'a énxet'ák appasmoma nak apmasma m'a amya'a ekmámnaksoho nak, cham'a sekyeykhasa enxoho yakwánxa awatak xa.