1 CORINTIOS 3:10 - Lengua Sur (Enxet) Nuevo Testamento

¹⁰ Ko'o eyke sekteme sémha emonye tegma apkelánamap, ektaha axta apkeltémo Dios alának tegma apówhak ekyennaktésamakxa nak, pók énxet akke ektaha apkelané xa tegma nak. Wánxa agkok, negyókxoho eyke kéméxchek antakmelcheshok nenlané xa tegma nak.

1 CORINTIOS 3:10 Referans Kwoze

1 CORINTIOS 3:11

Hakte méko kawának kalánekxak makham pók tegma apówhak ektaha axta Dios appekkenma apmonye, cham'a Jesucristo.

EFESIOS 2:20

Kéxegke kélteme máxa xama tegma apkelánamapla'a néten tegma apówhak ekyennaktesol'a tegma, cham'a aptaha nak seykha amya'a, tén han ma'a énxet'ák Dios appeywa apkellegaso nak. Jesucristo eyke apteme meteymog apyennakteso xa tegma nak.

ROMANOS 15:20

Cháxa sektahakxa axta ko'o selenxanakmoho seltennáseykha amya'a segwagkasamo teyp ma'a megkañamáxchexa axta amya'a exénakpok Cristo, yakwayam enxoho ko'o malánegwomek sektamheykha ektaha axta aptekkeso apmonye pók énxet,

SAN MATEO 24:45

“¿Yaksak m'a kélásenneykha meyenseyam nak aptamheykha, tén han ma'a ekha nak apya'áseykegkoho aksok, cham'a apchásenneykekxohol'a wese' apagkok etakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak?

APOCALIPSIS 21:19

Mók ektémakxa meteymog ektakmalma axta kélyepetchesók kélnaxegkáseykencha'a xa tegma apwányam kélhaxtegkeso nak nepyáwa, cham'a ektaha axta ekyennaktéso; meteymog ektakmalma ekyennakte axta sekxo', keñe axta nahan ma'a meteymog ekyapakmatél'a, axta nahan ma'a meteymog ekhól'a sokpeysyam ekhal'a ektáxama, axta nahan ma'a meteymog hópa'atla'a;

1 CORINTIOS 9:2

Pók énxet'ák kexaha apkeneyk matnaha ko'o seykha amya'a; wánxa agkok, kélya'ásegkok eyke kéxegke sektaha ko'o seykha amya'a. Hakte cha'a keñamak ekwetamaxche sektaha ko'o nakso' seykha amya'a m'a kélyepetcha'awo nak kéxegke Wese' egegkok.

SAN MATEO 7:24

“Kéxegke ektahakxa enxoho kélháxenmo sekpeywa keñe kóllának ma'a sektahakxa enxoho sekpeywa, máxa kóltehek ma'a énxet ekhal'a apya'áseykegkoho apkeláneya axta tegma ekyetnakxa meteymog.

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

2 TIMOTEO 2:15

Elenxanmoho sat xép etnehek ma'a aptémakxal'a énxet ekha aptamheykha ekleklamol'a apwáxok Dios, cham'a megkagkésol'a apmegkakto xama aksok apkelané, cham'a aptakmelchesamol'a apkelxekmóso apnámokkok amya'a ekmámnaksoho nak.

COLOSENSES 4:17

Kólteme sat kólának Arquipo s'e: “Elenxanmoho sat esawhohok elának ma'a aptamheykha, cham'a apkeltamhókxa axta etnehek Wese' egegkok.”

ROMANOS 12:3

Dios segkéso sektamheykha eñama seyásekhayo, keñamak seltennasa kélyókxoho kéxegke seltamho megkólyeykhasaxkók ekxéneykha kélwáxók kéxegke kélagko'. Emenyék ko'o kaxénmakha cha'a apwáxok kélxama kéxegke, yakwayam meyeykhasakpók ekxéneykha apwáxók apagkok apagko', cham'a ektémakxa axta apméso apmopwána Dios yetlo mey'áseyam.

ROMANOS 1:5

Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.

LOS HECHOS 18:27

Xama axta apmoko emhagkok Apolo m'a yókxexma Acaya, appasmeyk axta énxet'ák aptémo xamo' nak melya'áseyam, kéltáxésesek axta weykcha'áhak énxet'ák apteme melya'áseyam Wese' egegkok apheykha m'a Acaya, yakwayam enxoho kóláhapmakha Apolo apwokmo enxoho m'a. Xama axta apwokmo Apolo m'a yókxexma Acaya, awanhek axta appasmo énxet'ák apteme axta melya'áseyam ma'a, eñama m'a apkelásekhayo axta Dios xa énxet'ák nak.

SAN LUCAS 11:35

Kóllenxánem keytek kéxegke elseyexma, kápok katnehek ekyaktesóxma.

SANTIAGO 3:1

Elyáxeg, nágkólho aksa exámak kélnepyeseksa kéxegke m'a énxet'ák apkelxekmóso nak apnámokkok, hakte kélya'ásegkok kéxegke negko'o nentaha nak nelxekmóso ennámokkok peya hẽlyekpelcháseshok ekyentaxno agko', megkaxók sat ma'a pók énxet'ák nak.

1 TIMOTEO 4:16

Etakmelchesakpoho cha'a exchep, etakmelchesho nahan cha'a m'a ektémakxa nak apkelxekmóso apnámokkok, elenxanmoho apwaskápeykekxoho eñama apkelané ekyókxoho xa, aptemék agkok xép xa, ewagkasakpohok sat apagko' teyp xép, elwagkasek sat nahan teyp ma'a énxet'ák ektaha nak apháxenmo apkeltenneykha exchep.

COLOSENSES 1:29

Ekeso eñamakxa sekwaskápeykxoho nak sektamheykha yetlo sekyennakte, tén han sekmowána, ektaha nak cha'a segkéso m'a Cristo.

ROMANOS 15:15

wánxa agkok, magweyseykxak ko'o sektáxésesa kéxegke nekha aksok keso weykcha'áhak nak, yakwayam enxoho megkalwagkamagke'. Elanak ko'o m'a apkeltamhókxa axta atnehek Dios eñama segkéso sektamheykha,

SAN LUCAS 21:8

Aptahak axta apchátegmowágko Jesús se'e: “Kólleyxmakha sat, nágkólho aksa kólyexanchesha. Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’. Etnehek sat nahan se'e: ‘Wokmek kaxwo' ekhem.’ Nágkólyetlakxa aksa kéxegke.

APOCALIPSIS 21:14

Doce meteymog axta nahan héyegkok ekméyak xa tegma nepyáwa kélhaxta nak, cham'a meteymog eknaktáxésamaxko nak apkelwesey doce Nekkések Apketkok seykha amya'a apagkok nak.”

2 CORINTIOS 10:15

Megkeyxkók cha'a negko'o nelpeywa anxének ma'a pók énxet'ák nak apkeltamheykha. Magyeykhágwokmohok cha'a negko'o m'a ekwánxa axta sempekkencheso néxa Dios. Egmenyék eyke negko'o agyánchesamhok nentamheykha kélnepyeseksa kéxegke neyseksa kélyancháseyak kélteme megkólya'áseyam, akke cha'a agyeykhágwokmohok ma'a sempekkencheso axta néxa Dios.

1 TESALONICENSES 3:2

egyáxeg Timoteo axta eyke eyáphásak ko'o, aptaha nak han sempasmo nenlané nentamheykha eñama nak Dios, cham'a ektémakxa nak nenlegaso amya'a ektakmela ekxeyenma nak Cristo. Eyáphásek axta ko'o xa egyáxeg nak, yakwayam enxoho etnehek meyk'a kéxegke, tén han elyennaktésesek kélteme megkólya'áseyam, tén han yának kóllenxanmoho,

2 SAN PEDRO 3:15

Kaxén cha'a kélwáxok senláneykencha'a aksa Wese' egegkok yetlo mepekhésamap, yakwayam enxoho hẽlwagkasek teyp. Aptáxésesegkek axta nahan kéxegke egyáxeg negásekhayo Pablo xa ektéma nak, ekhawo m'a ektémakxa nak apya'ásegwayam ektaha axta apméso Dios.