1 CORINTIOS 2:9 - Lengua Sur (Enxet) Nuevo Testamento

⁹ Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

1 CORINTIOS 2:9 Referans Kwoze

SANTIAGO 1:12

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.

ROMANOS 8:28

Negya'ásegkok negko'o apkelanésama cha'a ekyókxoho aksok Dios ma'a énxet'ák ektaha nak apkelásekhayo, yakwayam enxoho kapasmok, cham'a énxet'ák ektaha axta apkelwóneykha Dios, ekhawo m'a ektahakxa axta apmopmenyého.

SANTIAGO 2:5

Elyáxeg selásekhayo, kóleyxho hana s'e: Apkelyésáha Dios ma'a ektaha nak meyke aksok apagkok keso náxop, yakwayam enxoho kayáwak melya'áseyam, yakwayam enxoho nahan exkekxak ma'a aptémakxa nak Wese' apwányam Dios, cham'a apxeyenma axta egkések Dios ma'a ektaha nak apkelásekhayo;

HEBREOS 11:16

wánxa agkok apmenyék axta eyke étak apkelókxa ektakmela xa énxet'ák nak, cham'a negókxa ekyetna nak néten. Ekeso eñamakxa memegkaktama nak Dios apkeltéma énxet'ák apagkok xa énxet'ák nak, hakte yetneyk apkeláneso xama tegma apwányam.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

1 SAN JUAN 4:19

Negásekhayok negko'o Dios hakte segásekhayo apmonye axta.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

SAN MATEO 20:23

Aptahak axta apchátegmowágko Jesús se'e: —Kóllegagkohok sat kéxegke xa nenlegeykegkoho nak, cham'a ekyetchesamaxkoho nak xama egheykok negyal'a aksok ekmáske, akke ko'o hepayhawok wának exek énxet ekpayhókxa nak selya'asamakxa tén han ma'a nésagkalwa. Appagkanchesek eyke Táta m'a énxet ektaha nak apkelyéseykha.