1 CORINTIOS 2:8 - Lengua Sur (Enxet) Nuevo Testamento

⁸ Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

1 CORINTIOS 2:8 Referans Kwoze

SANTIAGO 2:1

Elyáxeg, kéxegke kéltaha nak megkólya'áseyam Wese' egegkok Jesucristo ekha nak apcheymákpoho, nágkólteméses aksa apyeykhamap kóllanok kélmók, tén han ma'a pók énxet'ák nak.

LOS HECHOS 13:27

Hakte axta elya'áseykegkok aptémakxa Jesús ma'a énxet'ák apkelámha apmonye'e apheykencha'a axta tegma apwányam Jerusalén, axta anhan elyekpelchék ektémakxa m'a kélyetsetchesama axta weykcha'áhak kañe' apchakneykekxexa énxet'ák judíos yókxoho ekhem negheykekxexa nak, cham'a apnaktáxeseyak axta énxet'ák Dios appeywa apkellegaso; apkeláneyák apancha'awók axta anhan aptamheykegkok yakweykenxa katnehek xa énxet'ák nak, cham'a apchakha axta Jesús.

LOS HECHOS 7:2

Aptahak axta Esteban apchátegmowágko s'e: “Elyáxeg, tén han apkelwányam nak, heleyxho hana sekxo': Apxekmowasékpók axta Dios egagkok ekha apcheymákpoho m'a egyap negko'o Abraham, cham'a aphamakxa axta Abraham Mesopotamia, amonye aphayam ma'a yókxexma Harán.

1 CORINTIOS 2:6

Wánxa agkok, negmáha eyke cha'a negko'o nempeywa eñama negya'ásegwayam nepyeseksa m'a énxet'ák ektaha nak ekyennakwayam apteme magya'áseyam, háwe eyke eñama m'a negya'ásegwayam ekyetna nak keso náxop, háwe nahan eñama m'a kelwese'e nak keso náxop, cham'a peya nak kanyehémhok elmassegwók.

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

2 CORINTIOS 3:14

Axta eyke elya'ásegkok ektahakxa xa énxet'ák nak, akke elya'ásegkok makham so kaxwo' nak, hakte apkelyetsátegkek agkok ma'a nano' nelpakhetchásamáxkoho axta Dios, cháxa apáwa, megyahayo nak cha'a elya'ásegwomhok xa énxet'ák nak, hakte megkólekkesók makham, Cristo eyke aksa cha'a kañék kéllekkeso xa apáwa nak.

SAN JUAN 16:3

Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

SAN JUAN 7:48

¿Enxeykel'a anhan elya'ásekmok Jesús ma'a apkelámha apmonye'e egagkok nak, tén han ma'a fariseos?

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

SAN LUCAS 23:34

Aptahak axta Jesús se'e: —Táta, ná eyakmagkásekxa apkeltémakxa xa énxet'ák nak, hakte melya'ásegkok xa aksok apkelánégko nak. Xama aksok axta aptawásegkok sẽlpextétamo yakwayam enxoho katakmelhok apmelassamap Jesús aptaxno.

SAN MATEO 13:22

Aktek ekpálwayam nak neyseksa yányemmék ekteme ekyetchesamaxkoho m'a énxet'ák apkellegé nak amya'a kéllegaso, wánxa agkok, akke xéneykha apwáxók ma'a aksok nenxamáseyak nak keso náxop, tén han eknaktawáseykencha'a m'a apkelmopmenyého nak etnahagkok ekxákma aksok apagkok, kamaséseshok cha'a ekyetno apwáxók amya'a kéllegaso ekyókxoho xa aksok nak, megkahayók nahan kótaksek apyakmagkaso axnagkok apkeltémakxa.

1 CORINTIOS 1:20

¿Háxko apmahágkaxa kaxwo' ma'a énxet ekha nak apya'áseyak? ¿Háxko nahan apmahágkaxa m'a énxet apkelxekmóso nak apnámokkok? ¿Háxko nahan apmahágkaxa m'a énxet apya'áseykegkoho nak apya'asakxa appeywa exének aksok keso náxop? Aptemesásekxeyk axta Dios mékoho negya'ásegwayam eñama nak keso náxop.

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

EFESIOS 4:18

melya'ásegkok nahan aksok. Megkaweykekxohok nahan axnagkok nentémakxa eñama Dios xa énxet'ák nak, hakte méko nahan apkelya'áseyak eñama m'a elyennakte apwáxók.