1 CORINTIOS 2:6 - Lengua Sur (Enxet) Nuevo Testamento

⁶ Wánxa agkok, negmáha eyke cha'a negko'o nempeywa eñama negya'ásegwayam nepyeseksa m'a énxet'ák ektaha nak ekyennakwayam apteme magya'áseyam, háwe eyke eñama m'a negya'ásegwayam ekyetna nak keso náxop, háwe nahan eñama m'a kelwese'e nak keso náxop, cham'a peya nak kanyehémhok elmassegwók.

1 CORINTIOS 2:6 Referans Kwoze

HEBREOS 5:14

Nento ekyennakte nak, wánxa aksa etawagkok ma'a ektaha nak metnaha apketkók, cham'a apmopwancha'al'a elyekpelkohok aksok, hakte apwanchek elyekpelkohok ma'a aksok ektakmela nak, tén han ma'a aksok ekmaso nak.

SANTIAGO 3:15

Hakte megkañamak Dios xa ektéma nak negya'ásegwayam, náxop akke keñamak xa, ekteme nahan énxet elchetamso apwáxok, kelyekhama' nahan keñamak xa.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

1 SAN PEDRO 5:10

Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

1 CORINTIOS 1:28

Apkelyésáha axta Dios énxet megyásekhamap nak, tén han ma'a meyke nak kéláyo keso náxop, cham'a énxet'ák mékoho nak, yakwayam enxoho etnésásekxak meyke kéláyo m'a énxet'ák apkelánémakpo nak etnahak néten nepyeseksa apnámokkok.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

SANTIAGO 3:2

Nenxámokxoho cha'a yetnak magakhémo; apchakhawók agkok aptahakxa appeywa enxama, méko enxoho megyakhémo aptahakxa appeywa, cháxa énxet apteme appéwomo xa, apteme nahan apmopwána elanagkohok aptémakxa.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

1 CORINTIOS 14:20

Elyáxeg, nágkatne aksa elchetamso kélwáxok kéxegke ektémakxal'a sakcha'a elchetamso awáxok; kólhésaxkoho m'a ektémakxal'a sakcha'a megkalané aksok ekmaso. Kólteme elchetamso kélwáxok ma'a ektémakxal'a elchetamso apwáxok énxet apkelwányam nak.

1 CORINTIOS 2:13

Anxénhok cha'a negko'o xa yetlo negmeykha m'a nempeywa sẽlxekmóso axta Espíritu apkeñama nak Dios, háwe eyke m'a nempeywa sẽltameye nak eñama negya'ásegwayam egagko'. Cháxa nentahakxa nak negko'o neltennáseykha eñama Espíritu m'a énxet'ák apyetna nak apwáxók Espíritu.

1 CORINTIOS 2:1

Elyáxeg, axta ko'o amáha ektémakxa nak negmowána nempeywa, tén han ma'a amya'a magmowána nak agya'asagkohok, cham'a sekmahágko axta kélnepyeseksa kéxegke seltennáseyncha'a amya'a ekmámnaksoho eñama Dios ektaha nak ekyexamaxche.

SAN LUCAS 16:8

Apyekpelchágwokmek axta wese' apkepwagko elának aksok ma'a apkemha apmonye apkeláneykha ekmaso axta aptémakxa. Hakte apkelya'ásegkok ektémakxa apkelyanmagkásamap ma'a énxet'ák apheykha nak keso náxop, kaxnók ma'a énxet'ák apkeleñama nak neyseksa elseyexma.

SAN MATEO 19:21

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

SAN MATEO 13:22

Aktek ekpálwayam nak neyseksa yányemmék ekteme ekyetchesamaxkoho m'a énxet'ák apkellegé nak amya'a kéllegaso, wánxa agkok, akke xéneykha apwáxók ma'a aksok nenxamáseyak nak keso náxop, tén han eknaktawáseykencha'a m'a apkelmopmenyého nak etnahagkok ekxákma aksok apagkok, kamaséseshok cha'a ekyetno apwáxók amya'a kéllegaso ekyókxoho xa aksok nak, megkahayók nahan kótaksek apyakmagkaso axnagkok apkeltémakxa.

1 CORINTIOS 3:1

Elyáxeg, mowanchek axta ko'o selpakhetchesa kéxegke ektémol'a ólpakhetchesek énxet appeykesáseyak nak Espíritu apkeñama Dios, wánxa axta aksa sektaha selpakhetchesa kéxegke m'a nentémakxal'a ólpakhetchesek énxet keso náxop, ekhawo ektémakxal'a sakcha'a ekmasextoho ekya'áseyak aksok eleñama nak Cristo.

1 CORINTIOS 12:8

Espíritu nahan keñamak apxawáya cha'a enxama yakwayam epakmétek yetlo apya'áseykegkoho; keñe nahan pók énxet'ák apkelxawáya yakwayam elpakmétek cha'a yetlo ekyawe apkelya'áseyak.

2 CORINTIOS 4:3

Wánxa aksa askehek cha'a elya'asagkohok tásek amya'a neltenneykha negko'o m'a énxet'ák peya nak elmassegwók, máxa cha'a katnésesek ma'a apáwa kélapmal'a.

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

HEBREOS 6:1

Anlenxanmohok hana negko'o ekwokmoho nentaha negwányam, agyenyók sekxo' ma'a émha amonye nelxekmowásamáxche ekxeyenma nak Cristo. Kéméxchek cha'a manlenxanmók negko'o nenxeyenma m'a nelxekmowásamáxche ekmanyehe nak agya'asagkohok, cham'a nenxeyenma nak negyakmagkaso egwáxok, tén han ma'a negyamasma nak nentamheykha segya'asamo nak nétsapmakxa, tén han ma'a mólwateseyam nak nenxeyenma magya'áseyam eñama nak Dios,