1 CORINTIOS 2:12 - Lengua Sur (Enxet) Nuevo Testamento

¹² Axta negko'o anxakak espíritu apkeñama nak keso náxop, wánxa axta nenxaka m'a Espíritu apkeñama nak Dios, yakwayam enxoho agya'ásegwók ma'a aksok segméso axta Dios eñama segásekhayo.

1 CORINTIOS 2:12 Referans Kwoze

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

1 SAN JUAN 2:20

Apmések axta kéxegke Cristo Espíritu Santo, kélyókxoho nahan yetnak kélya'ásegwayam kéxegke.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

SANTIAGO 4:5

Nágkólána aksa ekteme agko' ekpeywa eknaktáxésamaxche s'e: “Apchásekha'awók Dios yetlo apkelmeyeykha m'a espíritu sempekkenchesama axta egwáxok negko'o.”

ROMANOS 8:32

Axta emyágweykekxak Apketche Dios segmésa negko'o, apcha'awok axta aksa apmatña negko'o eñamakxa, ékeso eñamakxa peya nak hegmések negko'o Dios ekyókxoho aksok xamo' ma'a Apketche.

APOCALIPSIS 22:6

Aptahak axta seyáneya Dios apchásenneykha s'e; “Ekmámnaksoho agko' se'e amya'a nak, kélwanchek megkólya'asók, apcháphásek axta apchásenneykha Dios Wese' egegkok, aptaha axta apméso Espíritu apagkok ma'a énxet'ák ektaha nak apkellegaso appeywa, yakwayam enxoho exekmósek apkelásenneykha peya kañehémhok katnehek xa.”

1 CORINTIOS 3:22

Pablo, tén han ma'a Apolos, Pedro, tén han keso náxop, tén han ma'a ektémakxa nak negyennakte, tén han ma'a nétsapma nak, tén han se'e kaxwo' nak, tén han ma'a egmonye sat: ekyókxoho ekteme kélagkok kéxegke,

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

1 CORINTIOS 2:6

Wánxa agkok, negmáha eyke cha'a negko'o nempeywa eñama negya'ásegwayam nepyeseksa m'a énxet'ák ektaha nak ekyennakwayam apteme magya'áseyam, háwe eyke eñama m'a negya'ásegwayam ekyetna nak keso náxop, háwe nahan eñama m'a kelwese'e nak keso náxop, cham'a peya nak kanyehémhok elmassegwók.

1 CORINTIOS 1:27

Apkelyésáha axta Dios énxet'ák apkelánémakpo nak elyéháxma keso náxop, yakwayam enxoho egkések apkelmegkakto m'a énxet'ák ekha nak apkelya'áseyak; apkelyésáha axta anhan Dios ma'a énxet'ák apkelánémakpo nak etnahak mékoho keso náxop, yakwayam egkések apkelmegkakto m'a énxet'ák apkelyennakte nak.

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.