1 CORINTIOS 2:10 - Lengua Sur (Enxet) Nuevo Testamento

¹⁰ Cháxa segya'asásegwokmo axta Dios eñama Espíritu Santo xa, hakte Espíritu Santo apteme apsawhomo apkelanyo xa ekyókxoho nak, ekweykmoho m'a ektémakxa nak elchetamso apwáxok Dios ektaha nak ekpowásamáxkoho.

1 CORINTIOS 2:10 Referans Kwoze

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

SAN LUCAS 10:21

Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.

EFESIOS 3:3

Apxekmósek axta Dios ektémakxa aksok apkeláneykekxa ektaha nak megkótémaxche, ey'asásegwokmek axta ko'o, ekhawo m'a sektahakxa axta sektáxéseso ekyakwate kéxegke.

GÁLATAS 1:12

Háwe axta énxet segkéso xa, háwe axta nahan seltámeso énxet xama enxoho, Jesucristo axta eyke sey'asásegwayam ko'o xa.

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SAN JUAN 16:13

Apxegakmek sat agkok Espíritu aptaha nak apmámnaksoho, elya'asásegwók sat kéxegke ektémakxa m'a ektaha nak ekmámnaksoho agko'; hakte metnehek sat apxeyenma apagko' ma'a aptahakxa enxoho appeywa, wánxa sat exének ma'a ekyókxoho ektémakxa nak aplegé, elya'asásegwók sat nahan kéxegke m'a peya nak katnehek.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

1 CORINTIOS 2:11

¿Yaksak énxet apwanchek ey'asagkohok ekyetno nak kañó' agko' apwáxok énxet? Wánxa ey'asagkohok ma'a espíritu apha nak apwáxok, ekhawo nak han ma'a Espíritu apkeñama nak Dios wánxa aksa ey'asagkohok ma'a aksok ekyetnama nak Dios.

1 SAN JUAN 2:20

Apmések axta kéxegke Cristo Espíritu Santo, kélyókxoho nahan yetnak kélya'ásegwayam kéxegke.

1 CORINTIOS 14:30

Wánxa agkok, apmések agkok Dios yakwánxa etnehek appeywa pók énxet ektahakxa enxoho apha m'a neyseksa kélakneykekxa, tásek elwataksek appakmeyesma m'a ektaha appakmeyesma apmonye.

SAN LUCAS 2:26

apya'asásegweykmek axta anhan peya megyetsepek met'a enxoho makham Cristo, cham'a apxeyenma axta yáphaksek Wese' egegkok.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

1 TIMOTEO 4:1

Tásek apxeyenma Espíritu peya elwátesagkok aptamheyak melya'áseyam nápakha énxet'ák ektemegwánxa sat néxa ekhem, apkelyetlákxo sat ma'a espíritu sẽlyexancháseykha nak, tén han apkelyetlákxo enxoho m'a nelxekmowásamáxche eñama nak kelyekhama'.

APOCALIPSIS 2:24

Kéxegke kélheykha nak tegma apwányam Tiatira megkólyetleykekxa nak xa nelxekmowásamáxche nak, megkaltámeyeykegko nak han ma'a apkeltamhomol'a cha'a nápakha énxet aksok ekyexamaxche eñama Satanás, eltennásek ko'o mamoko agkeyásekxak makham kéxegke kéltamheykha ekyentaxno.