1 CORINTIOS 16:2 - Lengua Sur (Enxet) Nuevo Testamento

² Ekyókxoho domingo cha'a kéméxchek kéxegke kólyetnakhaksek aksok kélyókxoho nak, akke entemék ma'a ekwánxa enxoho kélweté selyakye. Kóltakmelches nahan yakwayam enxoho megkólanchásekxék ma'a sekwákxo enxoho ko'o.

1 CORINTIOS 16:2 Referans Kwoze

LOS HECHOS 20:7

Negaknákxeyk axta negko'o eyeynókxa ekxega ekhem la'a yakwayam enxoho anlának nempasmo ektakmela. Apkeltennáseyha axta Pablo m'a énxet'ák apteme axta melya'áseyam. Mók ekhem axta peyk etyapok Pablo m'a, ékeso eñamakxa ekwokmoho axta apkeltenneykha axta'a eysekso'.

SAN LUCAS 16:10

“Kéxegke ektahakxa enxoho kéltakmelcheso aksok kélxawé antawo' nak, kóltakmelchesek nahan ma'a kélxaka enxoho ekxámokma; keñe kéxegke megkóltakmelcheso nak aksok kélxawé nak antawo', megkóltakmelchesek nahan ma'a kélxaka enxoho ekxámokma.

APOCALIPSIS 1:10

Apmeyk axta ko'o sekwanmagko Espíritu Santo cham'a Wese' egegkok ekhem apagkok ekpagkanamaxchel'a, ekleg'ak axta ko'o netámen kélpeywa ekyennakte agko' ektémol'a kapáwak kélakkahaso.

SAN JUAN 20:19

Xama axta ekyaktésa m'a émha amonye ekxega ekhem la'a, apchápeykxók axta átog apchaknákxo apkeltámeséyak kañe' tegma, hakte judíos axta apkelakak. Aptaxneyk axta Jesús ma'a, apkenegwokmek axta nepyeseksa apkeltámeséyak. Aptahak axta apkelpeykásegko s'e: —¡Meyke ektahakxa kélwáxok sat katnehek kéxegke!

SAN LUCAS 24:1

Axto'ok agko' axta elmeyákxo makham kelán'ák takhaxpop, cham'a eyeynókxa ekxega ekhem semanal'a, kelsákxók axta anhan ma'a sokmátsa eláneykxo axta.

SAN JUAN 20:26

Ocho ekhem axta entahak ekyeykhe, keñe axta apchaknákxo makham Jesús apkeltámeséyak xama tegma, apheyk axta kaxwo' Tomás ma'a. Apkelápégkakxók axta nahan atña'ák, aptaxnegwokmek axta eyke Jesús ma'a, apkenegwokmek axta nepyeseksa. Aptahak axta apkelpeykásegko s'e: —Meyke ektahakxa kélwáxok sat katnehek kéxegke.

SAN MARCOS 14:8

Kelanak eyewagkexa kalának xa kelán'a nak: penchásók expakha'a sokmátsa sekyókxa amonye selatawanya.

2 CORINTIOS 8:10

Eltennásek ko'o kéxegke s'e ektahakxa nak ekxeyenma ewáxok hakte tásek kóllának kéxegke xa seltennasa nak. Kélanchesákxeyk axta kéxegke aksok pók apyeyam axta, yakwayam kólpasmok ẽlyáxeg'a, yetlo kélmáheyo axta nahan kéllana kéxegke xa.