1 CORINTIOS 16:1 - Lengua Sur (Enxet) Nuevo Testamento

¹ Emenyék ko'o altennásekxohok kéxegke m'a aksok peya axta kólánchesásekxak ẽlyáxeg'a apteme nak Dios énxet'ák apagkok apkelpagkanamap. Tásek kóltehek ma'a sektahakxa axta seláneya ko'o énxet'ák apchakneykekxexa nak ma'a yókxexma Galacia.

1 CORINTIOS 16:1 Referans Kwoze

1 SAN JUAN 3:17

Enxet ekxákma nak aksok apagkok, apwet'ak agkok apyáxeg aptémo xamo' mey'áseyam eyéméxko kólpasmok, wánxa agkok, megkések eyke m'a aksok eyéméxchexa enxoho, megkeytek apwáxok ma'a negásekhayo eñama nak Dios.

ROMANOS 12:13

Kólpásem Dios énxet'ák apagkok ma'a ektémakxa nak ekha eyéméxchexa aksok, kólahapmakha cha'a meyk'a kélagkok.

GÁLATAS 2:10

Wánxa axta apkeltamho kaxénmakha egwáxok negko'o m'a énxet'ák meyke aksok apagkok nak, cháxa selenxanakmo nak cha'a sekmáheyo alának yetlo sektakmelchesamo xa.

LOS HECHOS 24:17

“Ektakháwok axta ko'o seyókxa yakwayam enxoho almésagkok aksok énxet'ák, tén han agkések aksok ma'a Dios, cham'a natámen axta elyekhéyak apyeyam sekweynchámeykha mók nekha.

FILEMÓN 1:7

Awanhok agko' ko'o ekpayheykekxa ewáxok, ekwaskápekxók nahan eñama m'a ektémakxa nak sẽlásekhayo exchep, eyáxeg, xép keñamak kélpeykesásekxo apwáxók apyókxoho énxet'ák apteme nak melya'áseyam.

FILEMÓN 1:5

hakte ekleg'ak axta ko'o amya'a ektémakxa apchásekhayo exchep tén han ektémakxa mey'áseyam ma'a Wese' egegkok Jesús, tén han apkelásekhayo exchep ma'a apyókxoho énxet'ák apteme nak Dios énxet'ák apagkok.

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

LOS HECHOS 11:30

Apkelánegkek axta nahan xa. Bernabé axta kélmeyásak, tén han ma'a Saulo, axta kéláphasásak aksok ma'a apkelámha apmonye'e nak yókxexma Judea.

LOS HECHOS 16:6

Apkelyeykhágwokmek axta yókxexma Frigia tén han ma'a Galacia Pablo tén han ma'a apkelxegexma'a, hakte axta eltamhok kóltennaha amya'a eñama Dios Espíritu Santo m'a yókxexma Asia.

GÁLATAS 1:2

Ektáxésesek ko'o weykcha'áhak apchakneykekxexa nak énxet yókxexma Galacia, yetlo nahan selxegexma'a ẽlyáxeg nentémo xamo' nak magya'áseyam apheyncha'a nak se'e sekhakxa nak.

LOS HECHOS 18:23

Aphakmek axta anhan yakwatakxoho m'a, keñe axta apxegákxo makham yakwayam eweynchamha ekyókxoho yókxexma m'a Galacia tén han ma'a Frigia, apkelwaskakkáseykxók axta énxet'ák apteme melya'áseyam Jesús ma'a.

LOS HECHOS 11:28

Apkenmáha axta xama énxet Dios appeywa aplegaso, apwesey axta Agabo, yetlo Espíritu Santo apya'asáseykegkoho axta apkeltenneyncha'a peya kawa' meyk segakhe ekyókxoho yókxexma keso náxop. Temegkek axta anhan xa, cham'a aptémakxa axta wese' apwányam Claudio.

LOS HECHOS 9:41

Apmeyk axta ámek Pedro xa kelán'a nak, apkempáseykxeyk axta néten; keñe axta apkeláneyeyncha'a m'a énxet'ák apteme axta melya'áseyam Jesús, tén han ma'a kelán'ák tampe', yennakxók agko' axta apxekmowasékxo Pedro énxet'ák xa kelán'a nak.

LOS HECHOS 9:13

Xama axta apleg'a Ananías xa, aptahak axta s'e: “Wese', apxámok énxet'ák seltennaso ko'o aptémakxa m'a énxet nak, eltennáseykha nahan ekyókxoho aksok ekmaso apkelané Saulo m'a tegma apwányam Jerusalén apkenmexma m'a xép énxet'ák apagkok apkelpagkanamap nak.

1 CORINTIOS 4:17

Cháxa keñamak seyáphásesa nak kéxegke Timoteo, aptaha nak seyásekhayo tén han aptaha hatte meyenseyam apyetlo Wese' egegkok. Sat eltennásekxohok makham kéxegke sektémakxa nak ko'o may'áseyam Cristo Jesús ma'a, ekhawo sektémakxal'a ko'o alxekmósek énxet ekyókxoho apchakneykekxexa sekmahágkaxa enxoho.

1 CORINTIOS 11:34

Meyk agkok enchakhak kélxama, tásek etwok apto apxagkok, yakwayam enxoho melegásesagkok Dios eñama ekteme kélakneykekxa xa ektaha nak. Mók aksok sat alánekxések kéxegke, cham'a sekteyánegwákxoho sat kéxegke.

1 CORINTIOS 16:15

Elyáxeg, kélya'ásegkok kéxegke Estéfanas tén han ma'a ekheykha nak apxagkok ektaha axta amonye'e megkalya'áseyam Cristo yókxexma Acaya, pasmeyk nahan cha'a m'a ẽlyáxeg'a aptamheyak nak melya'áseyam Cristo.