1 CORINTIOS 15:3 - Lengua Sur (Enxet) Nuevo Testamento

³ Elmeyókásók axta amonye selxekmósa kéxegke m'a nelxekmowásamáxche seltámeye axta emonye ko'o. Elxekmósek axta ko'o kéxegke m'a apketsapma axta Cristo eñama m'a nentémakxa nak mólya'asáxma, ekhawo m'a ektémakxa nak ekxeyenma eknaktáxésamaxche;

1 CORINTIOS 15:3 Referans Kwoze

1 SAN PEDRO 2:24

Appata apagko' axta aptahak Cristo mólya'asáxma cham'a ekyetlóko axta apkexnákpo axta néten aksok ektegyéso, yakwayam enxoho kamaskok nénmexo negko'o m'a ektémakxa nak mólya'asáxma ektémol'a ótsapok, yakwayam enxoho antehek nentémakxa ekpéwomo. Kélyensasegkek axta Cristo yakwayam enxoho kóltakmelwók kéxegke.

GÁLATAS 1:4

Apmeyáseykpók axta apagko' Jesucristo yakwayam emátog, eñama m'a nentémakxa nak mólya'asáxma, yakwayam hẽlmeyók se'e negwokmo nak eyesagkexa, ekhawo m'a apmopmenyého nak katnehek Dios Egyap.

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

GÁLATAS 1:12

Háwe axta énxet segkéso xa, háwe axta nahan seltámeso énxet xama enxoho, Jesucristo axta eyke sey'asásegwayam ko'o xa.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

ROMANOS 4:25

cham'a apxawáya axta yakwayam emátog eñama m'a mólya'asáxma nak negko'o, cham'a kélxátekháseykmo axta anhan yakwayam hegkexakkasek negko'o ektémakxa nak nelsexnánémaxche.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

2 CORINTIOS 5:21

Axta elaneyk Cristo mey'asáxma xama enxoho. Negko'o axta eyke keñamak aptemésesa Dios máxa ekha mey'asáxma Cristo, yakwayam enxoho hentemésesek negko'o nelpéwomo Dios, eñama senteméseso m'a Cristo.

1 CORINTIOS 11:23

Ekxakak axta ko'o s'e nelxekmowásamáxche eñama nak Wese' egegkok, cham'a selxekmósa axta kéxegke: chakhawók axta apma pan Wese' egegkok Jesús ma'a axta'a kéláneyakxa axta emakpok,

LOS HECHOS 3:18

Apkelanak axta eyke Dios ma'a apxeyenma axta nano', eñama apkeltenneykha m'a énxet'ák ektaha axta Dios appeywa apkellegaso aptéma axta s'e: payhawók axta yetsapok Mesías apagkok.

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

1 SAN PEDRO 1:11

Nano' axta apkelya'asáseyak Cristo Espíritu apagkok énxet'ák ektaha axta apkellegaso Dios appeywa m'a yakweykenxa axta katnehek aplegeykegkoho Cristo, tén han apkelya'asásegweykmo ekmáheyo exkak Cristo apcheymákpoho natámen aplegeykegkoho, apkeltémók axta eykhe elya'ásegwomhok énxet'ák ektaha axta Dios appeywa apkellegaso xa, tén han apkeltémo elya'ásegwomhok ekwánxa ekhem katnehek xa, tén han apkeltémo elya'ásegwomhok ektémakxa m'a aptahakxa axta apxeyenma Espíritu apha axta apwáxók xa énxet'ák nak.

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

GÁLATAS 3:13

Ẽlhaxyawasekxeyk axta negko'o Cristo eyesagkexa yakweykenxa hentemésesek segánamakxa, cham'a apxaka axta Cristo Dios aplo, negko'o eñamakxa, hakte temegkek eknaktáxésamaxche s'e: “Dios aplo apxawé énxet ektahakxa enxoho apketsapma kélmakheyáseykha néten yámet.”

ROMANOS 3:25

Aptemésesek axta Dios Cristo yakwayam etnehek apmaseso mólya'asáxma, cham'a apyegkena axta éma apagkok, hegwetaksohok cha'a megkólyakmagkáseykekxa nentémakxa mólya'asáxma xa, eñama m'a magya'áseyam nak. Enxekmósek axta Dios ektaha ekpéwomo aptémakxa, cham'a apkelana axta xa, metnésesamók axta cha'axma Dios énxet'ák apkeláneyak melya'asáxma nano' axta,

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.

HEBREOS 5:3

kéméxchek nahan egkések aksok apméso naksa Dios ma'a apkemha apmonye nak appasmo apkelmaxnéseso Dios énxet'ák apagkok, yakwayam enxoho megkólyakmagkásekxék ma'a ektémakxa nak mey'asáxma, tén han megkólyakmagkásekxék ma'a ektémakxa nak apkeláneyak melya'asáxma énxet'ák.

HEBREOS 5:1

Apyókxoho apkelámha apmonye'e nak appasmo apkelmaxnéseso Dios énxet'ák apagkok, apteme kélyéseykha nepyeseksa énxet'ák, yakwayam enxoho epasmok énxet'ák nápakto' Dios, tén han egkések aksok apméso naksa Dios yakwayam enxoho kólmasésesek apteme melya'asáxma énxet.

1 CORINTIOS 11:2

Egkések cha'a ko'o kéxegke ekpayheykekxa ewáxok, hakte kaxénhok cha'a kélwáxok ko'o, kélenxanakmók nahan kéllané m'a sektahakxa axta selxekmóso kéxegke.

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN LUCAS 24:25

Keñe axta aptaha apkeláneya Jesús se'e: —Méko kélya'áseyak kéxegke, askehek nahan cha'a yakwayam megkólya'ásemek ma'a ekyókxoho ektémakxa axta apkeltenneykha énxet'ák apkellegaso axta Dios appeywa.

LOS HECHOS 8:32

Keso nekha eknaktáxésamaxche apkelyetsetakxa axta s'e. “Kélyentamákxeyk axta ektémol'a kólyentemekxak nekkések aptekyómakxa; cham'a aptémakxal'a anhan nekkések apketkok ewanmeyha aksa neyseksa kélyeseso, axta nahan kapayheyha apátog ma'a.

LOS HECHOS 17:2

Aptaxnegwokmek axta Pablo m'a apchakneykekxexa nak énxet'ák judíos, ekhawo aptémakxa axta cha'a ekyókxoho ekhem nellókasamakxa negyampé, antanxo semana axta weykmohok apkeltennáseykha énxet'ák. Appeykesáseykekxók axta m'a ektémakxa nak eknaktáxésamaxche,