1 CORINTIOS 13:4 - Lengua Sur (Enxet) Nuevo Testamento

⁴ Ekha negásekhayo ekteme m'a negya'áseykegkoho nak nelenmáxamáxkoho, tén han ma'a ektakmela nak nentemésesakxa egmók, ekha negásekhayo nahan ekteme m'a magnatha nak egmók, tén han ma'a megkeymáxkoho nak nempeywa, tén han ma'a mageymáxkoho nak,

1 CORINTIOS 13:4 Referans Kwoze

1 SAN PEDRO 4:8

Akke ekyagwánxa agkok ektakmela keytek kélnepyeseksa kéxegke m'a ekyawé kélásekhamaxkoho nak, hakte nelásekhamaxkoho cha'a kañék meyakmagkáseykekxa Dios nentémakxa mólya'asáxma.

EFESIOS 4:32

Kólteme ektakmeleykha kélwáxok, kólteme nahan apmopyósa kóllanok kélmók, nágkólyakmagkásekxa cha'a aptemésesakxa kélmók, ekhawo aptahakxa axta Dios meyakmagkáseykekxo nentémakxa eñama m'a Cristo.

COLOSENSES 3:12

Apkelásekha'awók kéxegke Dios, apkelyésáha axta nahan yakwayam kóltehek énxet'ák apagkok. Kólteme kélahakkásamáxche m'a ekmámnaksoho nak apmopyósa anlanok egmók, ektakmeleykha egwáxok, megkeymáxkoho egwáxok, meyke ekyenneykha egwáxok anlanok egmók, tén han ma'a mampekhésamaxche nak.

1 SAN JUAN 4:11

Elyáxeg selásekhayo, kéméxchek negko'o xa ólásekhaxkoho', hakte axta temék segásekhayo negko'o Dios xa ektaha nak.

1 SAN PEDRO 3:8

Kólteme cha'a megkólexpanchásamáxche kéxegke, kólhésho cha'a mók kélwáxok, kólásekhaxkohok cha'a nentémol'a anlának egyáxeg nentémo xamo' nak magya'áseyam. Kólteme cha'a ektakmeleykha kélwáxok, tén han megkeymáxkoho kélwáxok.

1 TESALONICENSES 5:14

Elyáxeg, neltamhok nahan negko'o kólmések kélpeywa kéxegke m'a énxet'ák memáheyo nak eltemeykha, neltamhok nahan kólyáteyagkohok ma'a énxet'ák ektaha nak elleklámeyak, neltamhok nahan kólpasmok ma'a énxet'ák eyéméxko nak kólpasmok, neltamhok nahan kóltehek megkólpekhésamaxche nepyeseksa m'a apyókxoho énxet'ák nak.

2 SAN PEDRO 1:7

keñe m'a nempagkanchásamáxche nak Dios kólyepetchesek ma'a ektémakxa nak nelásekhamaxkoho nenteme nak magya'áseyam Cristo; keñe m'a ektémakxa nak nelásekhamaxkoho nenteme nak magya'áseyam Cristo, kólyepetchesek ma'a negásekhayo nak.

EFESIOS 4:2

Kólteme megkeymáxkoho kélwáxok, kólteme nahan ektakmeleykha kélwáxok; kólteme megkólpekhésamaxche, kólteme nahan kélenmáxamáxkoho kélmók yetlo kélásekhayo.

2 CORINTIOS 6:6

Nenxekmowásawók nahan nentaha negko'o Dios apkelásenneykha eñama m'a eyáxñeyo nentémakxa nak, eñama nahan negya'ásegwayam ma'a amya'a ekmámnaksoho nak, tén han eñama m'a mampekhésamaxche nak, tén han eñama m'a ektakmeleykha nak egwáxok, tén han eñama m'a apha nak negko'o egwáxok Espíritu Santo, tén han eñama m'a negásekhayo ekmámnaksoho nak,

COLOSENSES 1:11

Nelmaxnakkek negko'o Dios neltamho etnésesek kéxegke ekha kélyennakte eñama m'a apmopwána eyeymáxkoho nak; yakwayam enxoho kólewának kólenmaxaxkohok kéxegke ekyókxoho aksok, yetlo kélwaskápeykekxoho tén han kéllenxányam,

GÁLATAS 5:26

Mantehek hana neleymáxkoho, tásek nahan mantekkesek nelenmexamaxche, tén han mantehek nennathaheyak egmók.

1 CORINTIOS 4:6

Elyáxeg, eltennásek ko'o kéxegke xa sekyetchásekxoho nak ma'a aptémakxa nak Apolos, tén han sektémakxa nak ko'o xa, yakwayam enxoho kólya'asagkohok kéxegke. Eltennásek ko'o kéxegke xa, yakwayam enxoho kaltámeyagkok megkólyeykháseykegkoho m'a ektémakxa nak eknaktáxésamaxche weykcha'áhak eñama kélyetleykekxa nentémakxa nak negko'o, yakwayam enxoho megkeyxkók kélwáxok eñama kélweyheneykekxoho xama énxet, keñe kóltaknók ma'a pók.

2 TIMOTEO 3:10

Wánxa agkok, tásek axta eyke exchep apyetlo m'a ektémakxa axta cha'a selxekmóso ko'o, apyetlamchek axta anhan ma'a sektémakxa nak, tén han apyetlama m'a ektémakxa nak ko'o sekmáheyo alána', apyetlamchek nahan ma'a ektémakxa nak may'áseyam ko'o, tén han apyetlama m'a ektémakxa nak ko'o mapekhésamaxche, apyetlamchek nahan ektémakxa nak seyásekhayo, tén han ma'a ektémakxa nak ko'o sekwaskápeykekxoho selenmaxamáxkoho

1 SAN PEDRO 2:1

Kólyenyaw kéxegke m'a ekyókxoho ektémakxa nak nentémakxa ekmaso, tén han ma'a ekyókxoho ektémakxa nak nelyexancháseykha egmók, kólyenyaw nahan ma'a nelmeyókasamáxkoho egagko' nak nentémakxa, tén han ma'a nelyásekkáseykha, tén han ma'a ekyókxoho ektémakxa nak nenxeyenma naksa egmók.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

1 CORINTIOS 3:3

hakte makhemek makham kélweyheneykekxoho kéxegke apkeltémakxa nak énxet keso náxop. Yetneyk makham kélnepyeseksa kéxegke kélnatha kélmók nak, tén han ma'a kélenmexamaxche nak, hakte kélyetlákxeyk makham kéxegke m'a apkeltémakxa nak énxet'ák keso náxop, kéltemegkek nahan cha'a m'a apkeltémakxa nak énxet.

LOS HECHOS 7:9

“Cháxa Jacob apketchek, aptaha axta negko'o ẽlyepmeyk nano' xa, apnatha'ak axta apyáxeg apwesey axta José, kélyenyekxeyk axta José kéltegyákxo selyakye yakwayam enxoho kólyentemekxak ma'a Egipto. Wánxa agkok, Dios axta eyke aptahak apxegexma José,

2 TIMOTEO 2:25

tén han egkések appeywa yetlo megkeymáxkoho apwáxok ma'a énxet'ák sẽlenmexeykha nak, eleyxmakha aksa elyakmagkasesek apwáxók Dios, tén han elyekpelchásesamhok ma'a amya'a ekmámnaksoho nak,

1 TIMOTEO 6:4

énxet eyeymáxkoho apwáxok xa aptéma nak, mey'ásegkok nahan aksok. Mopmenyék nahan eyensók apkelátegmomap pók exének ektémakxa m'a amya'a kélpeykáseykekxa nak ektémakxa. Cháxa keñamak ekteyapma cha'a nelyásekáseykha xa, tén han ma'a nexpanchásamáxche nak, tén han ma'a negwanyeykha egmók nak, tén han ma'a negaye nak hentemésesamhoxma énxet,

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

ROMANOS 1:29

Yeykhágweykmók apkeláneyak ma'a apkeltémakxa megkapéwomo nak, apkeltémakxa ekmanyása, apkeltémo eyeykhasakpohok aksok, tén han ekmaso apkeltémakxa. Apteme nahan apkelyásekkáseykha, apchakhe pók, apkelenmexamap, apkelyexancháseykha pók, apmopwána elanagkok aksok ekmaso, tén han aptekkesáseykha aksa apwesey pók.

SANTIAGO 4:5

Nágkólána aksa ekteme agko' ekpeywa eknaktáxésamaxche s'e: “Apchásekha'awók Dios yetlo apkelmeyeykha m'a espíritu sempekkenchesama axta egwáxok negko'o.”

1 CORINTIOS 4:18

Nápakha énxet apheykha kélnepyeseksa kéxegke nahan aptamhágkok apkeleymákpoho, hakte apkeneykek matyánegwakxók;

ROMANOS 13:13

Kólteme cha'a kéltakmelchásamáxkoho, nentémakxal'a neyseksa ekteyapma ekhem, mantehek sat anmenát'ák, mólmahagkek sat cha'a m'a apkelyeykhásamákpexa nak apmayheyak etawagkok aptéyak énxet yetlo ekyennamáxma, tásek manlának cha'a ekmaso nentémakxa mansexta, tén han magyeykhasaxkók ma'a nentémakxa nak, tén han mantehek nelenmexamaxche, tén han mantehek nelyásekkáseykha.

COLOSENSES 2:18

Nágkólho aksa émentók aksok kélxawé naksa kéxegke xa énxet'ák aptamheykegkohol'a máxa megkaleymáxkoho apwáxók, cham'a apkelpeykesamo nak Dios apkelásenneykha, apkexeyenmol'a apkelwetayo m'a aksok kélxekmósamo nak, cham'a megyésol'a eleykpoho' eñama ekteme elchetamso apwáxók ma'a ektémakxal'a elchetamso apwáxok énxet.

FILIPENSES 1:15

Nakso' nahan apkeltenneyncha'a nápakha énxet'ák amya'a eñama nak Cristo, eñama m'a apnathé nak pók, tén han eñama m'a apkelenmexamap nak, wánxa agkok, nápakha énxet akke apkeltennáha yetlo ektakmela elchetamso apwáxok.

2 CORINTIOS 12:20

Hakte eyekak ko'o alwetágwakxak megkóltaha kéxegke m'a sekmámenyého nak ótak kóltehek kéxegke, eyekak nahan ko'o xa helwetak kéxegke atnehek ko'o m'a megkólamenyého nak helwetak atnehek. Eyekak ko'o keytek kélnepyeseksa kéxegke kélenmexamaxche, kélnatha kélmók, kélló, kélmeyókasamáxkoho kélagko' kéllané aksok, kélxeyenma aksa kélmók, kélwanyeykha kélmók, eyeymáxkoho kélwáxok, tén han megkóltakmelchesamo kéltamheykha.

1 CORINTIOS 5:2

¡Megkamassak makham eleymáxkoho kélwáxok kéxegke! ¡Tásek eykhe kalánhok kélwáxok ellapwámeyak! Enxet ektahakxa enxoho apteme xa, kéméxchek kóltekkesek kélnepyeseksa kéxegke.

SAN MATEO 27:18

Hakte apyekpelchágwokmek axta Pilato kélmésa Jesús eñama kélnathé.