1 CORINTIOS 13:3 - Lengua Sur (Enxet) Nuevo Testamento

³ Elmeyásegkek agkok énxet meyke aksok apagkok ekyókxoho aksok ahagkok nak, ekmések agkok nahan sekyókxa yakwayam kawatnaxche, wánxa agkok, méko eyke katnehek seyásekhayo, yawanchek hepasmok xa.

1 CORINTIOS 13:3 Referans Kwoze

SAN JUAN 15:13

Cha'a negásekhayo ekyawe agko' ma'a negmáheyo nak ótsapok ekyanmaga egnámokkok.

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

GÁLATAS 5:26

Mantehek hana neleymáxkoho, tásek nahan mantekkesek nelenmexamaxche, tén han mantehek nennathaheyak egmók.

SAN LUCAS 18:28

Aptahak axta Pedro s'e: —Wese', negkexakkek axta negko'o ekyókxoho aksok egagkok axta, keñe negyetlawa exchep.

HEBREOS 13:9

Nágkólho aksa kamok kélwáxok kéxegke m'a nelxekmowásamáxche mók ektémakxa énatchásamáxkohol'a. Akke tásek katnésesek ekyennakwayam egwáxok neyseksa nenteme magya'áseyam ma'a Dios segásekhayo nak, megkaxnawok ma'a ektémakxa nak negyetleykekxa kéltémókxa antehek negmayhe antók; hakte axta kapasmók énxet xa kéltémókxa nak antehek.

1 TIMOTEO 4:8

Awanchek eykhe hempasmok xa nelyelaktésamaxche nak, akke ekyagwánxa agko' ekmowána hempasmok ma'a nempagkanchásamáxche nak Dios, cham'a ekyókxoho aksok nenlanakxa enxoho, hakte cháxa sempasma nak yakwayam katakmelek negha keso negwánxa nak, tén han peya hempasmok ma'a egmonye sat.

SAN JUAN 12:43

Axta apmenyék énxet'ák ma'a nentémakxa eklekkesamo nak apwáxok antehek énxet keso náxop, keñe axta eyesextoho apmopmenyého m'a nentémakxa eklekkesamókxa nak apwáxok antehek Dios.

SAN LUCAS 18:22

Xama axta apleg'a Jesús xa, aptahak axta apchátegmowágko s'e: —Xama aksok kéméxchek elának xép: ekxeykxa m'a ekyókxoho aksok apagkok ekyetnakxa nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

LOS HECHOS 21:13

Wánxa agkok, aptahak axta segátegmowágko Pablo s'e: —¿Yaksak ektaha kéllekxagweyncha'a nak, tén han sellapwagkasa ko'o? Háwe ekwánxa agkok sekmakawo ko'o helnaktetchesek emék, ekmakawók nahan watsapok ma'a tegma apwányam Jerusalén eñama sekyetlo ko'o Wese' egegkok Jesús.

SAN JUAN 13:37

Aptahak axta apchátegmowágko Pedro s'e: —Wese', ¿yaksak ektaha apxéna nak mowanchek eytlók keso kaxwo' nak? Ekmakawók ko'o agkések sekyókxoho ekyanmaga exchep.

SAN JUAN 6:63

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

SAN LUCAS 19:8

Apkempákxeyk axta néten Zaqueo. Aptahak axta apcháneya Wese' egegkok se'e: —Wese', elano, amlaskok sat ko'o énxet meyke aksok apagkok nekha aksok ahagkok ekyetnakxa nak ko'o; ekmenyexchesegkek agkok nahan aksok apagkok xama énxet enxoho, ayeykhásesamhok sat sekmeyáseykekxa makham.

FILIPENSES 2:3

Nágkóllána aksa xama aksok eñama enxoho m'a kélenmexamaxche nak esenhan ma'a kéleymáxkoho nak, wánxa agkok, kóllána cha'a aksok yetlo megkeymáxkoho kélwáxok. Nágkaxén aksa kélwáxok ektakmela kéltémakxa kéxegke. Kaxén aksa kélwáxok ektakmela apkeltémakxa m'a pók énxet'ák nak.