1 CORINTIOS 13:2 - Lengua Sur (Enxet) Nuevo Testamento

² Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

1 CORINTIOS 13:2 Referans Kwoze

1 SAN JUAN 4:8

Enxet ektahakxa enxoho megyásekhayo pók, mey'ásegkok Dios ma'a, hakte Dios apteme eñamakxa m'a negásekhayo nak.

1 CORINTIOS 13:3

Elmeyásegkek agkok énxet meyke aksok apagkok ekyókxoho aksok ahagkok nak, ekmések agkok nahan sekyókxa yakwayam kawatnaxche, wánxa agkok, méko eyke katnehek seyásekhayo, yawanchek hepasmok xa.

SAN MATEO 17:20

Aptahak axta apkeláneya Jesús se'e: —Asextók eyke megkólya'áseyam kéxegke. Yetneyk agkok megkólya'áseyam, kaxhok eykhe megkólya'áseyam ma'a ekwánxal'a aktek yámet ekweseyl'a mostaza, kóltehek kólának egkexe s'e: ‘Kapatyep xa, katnegwom mók nekha’, kapatyapok nahan xa egkexe nak. Megkólapagkanaxchék nahan kéxegke. Nakso' xa sektahakxa nak seláneya.

1 CORINTIOS 16:22

Agkok agásekha'awok enxama Wese' egegkok Jesucristo, payhawók henlegásesagkohok Wese' egegkok. ¡Exyem Wese' egegkok!

SAN MATEO 21:21

Aptahak axta apchátegmowágko Jesús se'e: —Yetneyk agkok kéxegke megkólya'áseyam, cham'a megkólya'ásekmo enxoho, kélwanchek kóltehek xa sektemésesakxa exchek ko'o higo yámet, kélwanchek nahan kóltehek kólának egkexe s'e: ‘Kapatyep xa, kataxnegwom wátsam ekwányam’, katnehek han xa.

EFESIOS 3:4

Kélyetsetmeyk agkok xa, kólyekpelchágwók sat sekya'ásegkoho ko'o m'a amya'a ekpowásamáxkoho eñama nak Cristo.

1 CORINTIOS 13:1

Ekpakmetchek agkok ko'o m'a ektémakxal'a apkelpakmeyesma énxet tén han sekpakmeta enxoho m'a ektémakxa nak apkelpakmeyesma Dios apkelásenneykha, wánxa agkok, méko eyke katnehek seyásekhayo, máxa atnehek ko'o m'a sawó ekyentaxno elletnaheykhal'a, esenhan axhok ko'o m'a sawó elpayhe ekmasol'a elletnaheykha.

GÁLATAS 5:16

Ekeso eñamakxa sektaha nak seláneya kéxegke s'e: kólho kéxegke etnehek appeykesáseyak Espíritu, nágkóltegyaha cha'a yakwayam kagkések ekpayheykekxa kélwáxok ma'a aksok ekmaso kélyespagko nak.

COLOSENSES 1:26

cham'a amya'a aptemésesama axta ekpowásamáxkoho Dios nano' axta, cham'a megyahayo axta anhan kataxchek Dios nentámen axta, apxekmósek eyke kaxwo' Dios ma'a ektaha nak énxet'ák apagkok.

GÁLATAS 6:3

Apkeneykek agkok etnahak néten xama énxet apteme enxoho mékoho, yának nakso' ma'a ektaha nak megkamámnaksoho.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

1 CORINTIOS 12:28

Apmenyék axta Dios etnehek apkemha apmonye nepyeseksa énxet'ák apagkok ma'a seykha amya'a apwetaya axta Jesús; keñe etnehek aptéteyak ma'a énxet'ák apkelxeyenmo nak amya'a eñama Dios; keñe xa etnehek aptéteyak ma'a énxet apkelxekmóso nak apnámokkok; tén han ma'a énxet apmopwána nak elának aksok sempelakkaso nak agweta', tén han ma'a énxet apmopwána nak eltakmelchesók elháxamáxche, esenhan ma'a énxet appasmo nak apnámokkok, esenhan ma'a apxegkeso nak kélakneykekxexa, esenhan ma'a ekteyapmol'a aksa mók ektémakxa appeywa magya'áseyak nak.

1 CORINTIOS 7:19

Akke tásek negko'o ólyahakxohok ma'a apkeltémókxa nak antehek Dios, megkeyxek ma'a ekyetna enxoho sẽlkahaso kélyenyekhamol'a egyempehek esenhan ma'a méko enxoho.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

EFESIOS 6:19

Helmaxnéses nahan ko'o xa, yakwayam enxoho hegkések Dios ma'a eyéméxchexa nak atnehek sekpeywa, yakwayam enxoho nahan wawának apakmétek yetlo meyke seyeye, tén han alyekpelchásesamhok énxet'ák ma'a amya'a melya'áseykegko axta, ektaha nak segwagkasamo teyp.

1 CORINTIOS 4:1

Kéméxchek kaxének kélwáxok kéxegke nentaha negko'o nempasmeykha aptamheykha Cristo, nenxawáyak axta negko'o yakwayam ólxekmósek énxet'ák ma'a aksok ekpowásamáxkoho apkeláneykekxa axta Dios.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.

SAN MATEO 21:19

Apwet'ak axta higo yámet nekha ámay, apyo'ókmek axta enmakxa, wánxa axta aksa áwa' apwet'a. Aptahak axta apcháneya higo yámet se'e: —¡Megkeyxnekxék sat cha'a exche'! Yetlókók axta anhan ekyamaye.

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

2 CORINTIOS 12:11

Ektemegkek axta ko'o máxa seyéháxma, hakte kéxegke axta selyateyeykegkoho atnehek ko'o máxa seyéháxma, kéxegke axta eyke kéméxchek katakmelek sexeyenma ko'o, hakte meheyeykhágweykmohok ko'o m'a seykha amya'a ekha kéláyo nak, ¡énxet mékoho eykhe ko'o!

1 CORINTIOS 14:39

Elyáxeg selásekhayo, kólteme kélmámenyého kéxegke kóltennaha amya'a eñama nak Dios, kólho nahan elpakmétek kélnámokkok ma'a amya'a mók ektémakxa magya'áseyak nak;

1 CORINTIOS 8:4

Peyk kaxwo' axének ko'o ektémakxa m'a nento nak aksok kélmésol'a kéleykmáseso, negya'ásegkok negko'o ektaha mékoho agko' aksok kéleykmáseso keso náxop, negya'ásegkok nahan negko'o apyetna wánxa xama Dios.

LOS HECHOS 13:1

Apheykha axta énxet'ák Dios appeywa apkellegaso m'a apchakneykekxexa nak énxet tegma apwányam Antioquía, tén han ma'a énxet apkelxekmóso nak apnámokkok. Bernabé axta m'a, tén han ma'a Simón, (apkeltamhomakpo axta nahan appeysyam), Lucio apkeñama Cirene axta anhan ma'a, Menahén axta anhan ma'a (aptaha axta apkektegeykegkoho xamo' Herodes, cham'a aptéma axta wese' apwányam yókxexma Galilea), Saulo axta nahan ma'a.

ROMANOS 15:14

Elyáxeg selásekhayo, ekya'ásegkok ko'o ekyetna kéxegke ekyawe kélásekhamaxkoho, tén han ekyetna ekyókxoho ektémakxa kélya'áseyak, tén han ekyetna kélya'áseyak yakwayam kólmések kélpeywa kélmók;

1 CORINTIOS 11:4

Apchaklásek agkok apkátek énxet aptaha enxoho nempeywa nelmaxnagko, esenhan ma'a apkeltenneyncha'a enxoho amya'a eñama nak Dios, metnahak apcháyo m'a Cristo, aptaha nak apkemha apmonye apagkok.

1 CORINTIOS 13:8

Megkamassegwomek xa negásekhayo nak. Xama ekhem sat kamassegwók apkelxeyenma énxet'ák ma'a amya'a eñama nak Dios, kamaskok sat nahan apkelpakmeta m'a amya'a magya'áseyak nak. Kamaskok sat nahan apkelapmenyého m'a negya'ásegwayam nak.

1 CORINTIOS 14:4

Enxet ektahakxa enxoho appakmeyesma mók ektémakxa amya'a magya'áseyak nak, apxakko' etnehek apwánegkeso m'a mey'áseyam nak; keñe m'a énxet ektahakxa enxoho apkeltenneykha amya'a eñama nak Dios, ewánegkesesek apteme melya'áseyam ma'a Dios énxet'ák apagkok nak.

1 CORINTIOS 14:29

Hawók nahan ektémakxa apkelpakmeta enxoho m'a apkellegaso nak Dios appeywa, tásek elpakmétek apkánet, apkántanxo esenhan, keñe nahan nápakha énxet apwanchek ékpelkohok ma'a ektahakxa enxoho aksok apkelxeyenma xa.

1 CORINTIOS 15:51

Wánxa agkok, emenyék eyke ko'o kólya'ásegwomhok kéxegke aksok ekpowásamáxkoho apmáheyo nak elának Dios. Mansawhaxkok sat agmaskok, hẽlyakmagkasesek sat aksa ektémakxa negyókxa negyókxoho nak,