1 CORINTIOS 13:1 - Lengua Sur (Enxet) Nuevo Testamento

¹ Ekpakmetchek agkok ko'o m'a ektémakxal'a apkelpakmeyesma énxet tén han sekpakmeta enxoho m'a ektémakxa nak apkelpakmeyesma Dios apkelásenneykha, wánxa agkok, méko eyke katnehek seyásekhayo, máxa atnehek ko'o m'a sawó ekyentaxno elletnaheykhal'a, esenhan axhok ko'o m'a sawó elpayhe ekmasol'a elletnaheykha.

1 CORINTIOS 13:1 Referans Kwoze

1 TIMOTEO 1:5

Emenyék axta ko'o keytek nelásekhamaxkoho sektaha seyáneya exchep xa, cham'a negásekhayo eñama nak nenteme eyáxñeyo egwáxok, tén han eñama m'a megkaxénweykekxohol'a egwáxok nentémakxa, tén han eñama m'a magya'áseyam ekmámnaksoho nak.

1 SAN PEDRO 4:8

Akke ekyagwánxa agkok ektakmela keytek kélnepyeseksa kéxegke m'a ekyawé kélásekhamaxkoho nak, hakte nelásekhamaxkoho cha'a kañék meyakmagkáseykekxa Dios nentémakxa mólya'asáxma.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

1 CORINTIOS 13:8

Megkamassegwomek xa negásekhayo nak. Xama ekhem sat kamassegwók apkelxeyenma énxet'ák ma'a amya'a eñama nak Dios, kamaskok sat nahan apkelpakmeta m'a amya'a magya'áseyak nak. Kamaskok sat nahan apkelapmenyého m'a negya'ásegwayam nak.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

2 SAN PEDRO 2:18

Máxa cha'a katnehek ektakmela enxoho aksok apkelxeyenma xa énxet'ák nak, cham'a ektaha nak mékoho, ellekwomhok nahan cha'a m'a énxet'ák eyáskexho nak apkelwáteséyak appaxkeykha m'a énxet'ák megyakhémo nak apkeltémakxa, eñama m'a ektémakxa nak aksok negyespagko nenteme nak énxet.

ROMANOS 14:15

Apto agkok keñamak megkalcha apwáxok apyáxeg aptahakxa exchep, metnahak xép ma'a ektémakxa nak negásekhayo. ¡Ná etwasha aksa exchep apyáxeg aptaha axta apyanmaga Cristo eñama m'a aksok apto nak!

SAN MATEO 25:45

Keñe sat etnehek yátegmowagkok Wese' apwányam se'e: ‘Eltennásek ko'o kéxegke kéltemésesama nak cha'a énxet'ák ahagkok meleymákpoho xa ektaha nak, eltemésesegkek nahan ko'o xa mehelpasmoma xa ektaha nak.’

1 CORINTIOS 12:8

Espíritu nahan keñamak apxawáya cha'a enxama yakwayam epakmétek yetlo apya'áseykegkoho; keñe nahan pók énxet'ák apkelxawáya yakwayam elpakmétek cha'a yetlo ekyawe apkelya'áseyak.

1 CORINTIOS 12:16

Temék agkok ekpeywa kélheykok se'e: “Háwe ko'o señama kélyókxa, hakte háwe ko'o kélaktek”, megkamassegwomek eyke ekteme eñama kélyókxa ektaha enxoho ekpeywa xa ektaha nak.

2 CORINTIOS 12:4

kélyentamákxeyk axta m'a néten yókxexma ektakmela nak, axta aplegágwomhok amya'a ekpowásamáxkoho m'a megkólhayo nak epakmétek xama énxet enxoho.

SAN MARCOS 16:17

Keytek sat kélnepyeseksa kéxegke aksok magkenatcheso nak agweta' kéxegke kélteme nak megkólya'áseyam se'e: kólántekkesek sat kelyekhama' yetlo kélxeyenma sekwesey ko'o; katyapok sat nahan mók ektémakxa kélpeywa;

1 CORINTIOS 12:10

Enxama nahan cha'a apxakak apmopwána elának aksok sempelakkaso nak agweta', keñe nahan cha'a enxama apxaka apmopwána eltennaha amya'a eñama nak Dios, keñe nahan cha'a enxama apmésa Dios apmopwána ékpelkohok ma'a espíritu apmopwána amya'a nak, keñe nahan ékpelkohok ma'a Espíritu apmámnaksoho nak; enxama nahan cha'a apxakak apmopwána epakmétek mók ektémakxa appeywa magya'áseyak nak; keñe anhan enxama apxaka apmopwána exénekxohok ektémakxa xa amya'a magya'áseyak nak.

1 CORINTIOS 14:2

Enxet ektahakxa enxoho appakmeyesma mók ektémakxa amya'a magya'áseyak nak, Dios aksa epakhetchesek, háwe apkelpakhetcheso m'a énxet'ák nak, hakte méko kay'asagkohok aptahakxa enxoho appeywa, exének ma'a aksok ekyexamaxche ektaha nak aptekkeseso Espíritu, méko nahan kay'asagkohok.

1 CORINTIOS 14:4

Enxet ektahakxa enxoho appakmeyesma mók ektémakxa amya'a magya'áseyak nak, apxakko' etnehek apwánegkeso m'a mey'áseyam nak; keñe m'a énxet ektahakxa enxoho apkeltenneykha amya'a eñama nak Dios, ewánegkesesek apteme melya'áseyam ma'a Dios énxet'ák apagkok nak.

1 CORINTIOS 14:5

Emenyék ko'o kólpakmétek kélyókxoho kéxegke m'a mók ektémakxa amya'a magya'áseyak nak; wánxa agkok, emenyék eyke ko'o kóltennaha kéxegke amya'a eñama nak Dios, cháxa ektaha nak ektakmela agko' xa, megkaxnawok ma'a nempakmeyesma nak mók ektémakxa amya'a magya'áseyak nak. Tásek eyke nahan xa, akke entemék ma'a apha enxoho énxet apmopwána nak exénekxak ektémakxa xa amya'a nak, yakwayam enxoho ewánegkesesek apteme melya'áseyam Dios énxet'ák apagkok.

APOCALIPSIS 14:2

Keñe axta sekleg'a ko'o extegyawa eñama m'a néten, máxa axta extegyawa m'a ekteyeykenxal'a yegmen, máxa axta nahan ma'a elmahágweykmohol'a etyamok takha', máxa axta nahan entahak ma'a apxámakxa enxoho énxet yát'axpog apyawe apkelpáwaso.