1 CORINTIOS 1:8 - Lengua Sur (Enxet) Nuevo Testamento

⁸ Dios sat elyennaktésesek kéxegke kélteme megkólya'áseyam ekwokmoho ektemegwánxa néxa ekhem, yakwayam enxoho megkólxénchásekxók kéltémakxa kéxegke apwakto sat Jesucristo Wese' egegkok.

1 CORINTIOS 1:8 Referans Kwoze

1 TESALONICENSES 3:13

Wese' egegkok sat nahan elwaskakkasek kélwáxok kéxegke, etnésesek sat nahan kélpagkanamaxche, tén han etnésesek kéxegke meyke kélxéncháseykekxoho kéltémakxa nápakto' Dios Egyap, cham'a apwa'akto sat Wese' egegkok Jesús yetlo m'a apyókxoho ektaha nak énxet'ák apagkok. Katnahagkok sat.

COLOSENSES 1:22

Wánxa agkok, aptemesáseykxeyk eyke kaxwo' kélásekhamaxchekxoho kéxegke m'a Dios eñama m'a apketsapma axta Cristo, cham'a ektahakxa axta eklegeykegkoho apyókxa. Apkelanak axta Dios xa, yakwayam enxoho etnésesek kéxegke kélpagkanamaxche enaklakxak ma'a aphamakxa nak, meyke ekyepetche xama aksok ekmanyása, tén han meyke kélxéncháseykekxoho kéltémakxa.

FILIPENSES 1:6

Nakso' ektemesásak ko'o peya esawhohok aptamheykha Dios, cham'a apchénawo axta apkelana aptamheykha ektakmela kélnepyeseksa kéxegke, ekwokmoho m'a ekhem apkexyekmo sat makham Jesucristo.

2 TESALONICENSES 3:3

Wese' egegkok akke apteme mehegyenyaweykha, elwaskakkasek sat nahan kéxegke m'a, elmeyók sat kéxegke neyseksa aksok ekmaso.

EFESIOS 5:27

yakwayam enxoho etnésesek apkeleymákpoho enaklakxohok apagko' ma'a aphamakxa nak, meyke ekyepetche xama aksok ekmanyása, esenhan ma'a aksok ekmaso nak, tén han meyke m'a xama aksok ekhawo nak xa, wánxa agkok apkelpagkanamap aksa etnésesagkok, tén han etnésesagkok apkelpéwomo.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

1 SAN PEDRO 5:10

Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.

FILIPENSES 1:10

yakwayam enxoho kólewának kólyésha kéxegke m'a aksok ektakmela nak. Keñe sat kólewának kóltehek eyáxñeyo kéltémakxa, méko sat xama kélxéncháseykekxoho kéltémakxa, cham'a apkexyekmo sat Cristo.

2 SAN PEDRO 3:14

Elyáxeg selásekhayo, kóllenxánem cha'a yakwayam enxoho elwetágwatak kéxegke Dios ekyetna meyke ektahakxa kélwáxok, tén han meyke elenchahamaxche kéltémakxa ekmaso, tén han meyke kélsexnánemaxche, neyseksa kélhaxanma katnehek xa.

ROMANOS 14:4

¿Yaksak apkenagkama etnahak xep apmoko nak ématchesha pók wese' apkeláneykha? Tásek agkok aksok apkelané esenhan ma'a eyesagko enxoho aksok apkelané, wese' apagkok aksa ey'asagkoho'. Wánxa agkok, kalkohok sat eyke apwáxok Wese' apagkok, hakte yetneyk apmopwána Wese' egegkok etnésesek apchásekhayo wese' apagkok xa apkeláneykha nak.

2 SAN PEDRO 3:10

Katlakkasek sat ewatak Wese' egegkok, ektémol'a énxet apmenyexma ekpelakkaso ewa'. Keñe sat kamaskok ma'a néten yetlo ekyennakte extegyawa. Táxa sat kamasesók ekyókxoho aksok ekhéyak nak néten tén han náxop, kasawhaxkohok sat kalmétek ekyókxoho aksok

2 CORINTIOS 1:21

Dios aptaha segyennaktéseso nenteme magya'áseyam negko'o tén han kéxegkáxa, cham'a segyepetcháseykxo axta Cristo, entemésesek axta anhan nelpagkanamaxche.

2 CORINTIOS 1:14

ekhawo ektahakxa nak nekha kélya'áseyak nentémakxa negko'o, apkexyekmek sat agkok Wese' egegkok Jesucristo kalpayhekxak sat kélwáxok kéxegke negko'o eñamakxa, kalpayhekxak sat nahan negko'o xa egwáxok kéxegke eñamakxa.

1 CORINTIOS 5:5

Keñe sat kólmések Satanás, yakwayam kamasésók apyókxa xa énxet nak, aphagák sat eyke kawagkasaxchek teyp, apwakto sat Wese' egegkok.

SAN LUCAS 17:24

Máxa sat katnehek takha' apkelyenma eksawheykekxohol'a elsáseykmohoxma néten, cham'a ekwokmo sat ekhem yakwánxa ewatak ma'a aptaha nak Apketche énxet.

SAN LUCAS 17:30

Sat nahan katnehek apkexyekmo sat ma'a aptaha nak Apketche énxet.

ROMANOS 8:19

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

1 CORINTIOS 3:13

Wánxa agkok, tásek sat eyke katnehek ekwetamaxche ekhem nelyekpelchamáxchexa sat xa, ektémakxa nak cha'a nentamheykha, hakte yetlo táxa sat katnehek ekwa'a enxoho xa ekhem nak, táxa sat nahan keykkónek ma'a ektémakxa nak cha'a nenlané nentamheykha.

2 CORINTIOS 1:13

Mantahak negko'o nentáxéseso kéxegke m'a megkólmowánal'a kólyetsetek, tén han ma'a megkólmowánal'a kólya'asagkohok. Emenyék ko'o kólya'ásegwomhok ektakmela agko' kéxegke xa,

COLOSENSES 2:7

kéméxchek kóltehek kéxegke kélyepetcheyo kélagko' ma'a Cristo, tén han kóltehek kélasenneykekxa kélagko' eñama m'a megkólya'áseyam nak, ekhawo ektahakxa axta kélxekmóso kéxegke, kólmések nahan cha'a ekxeyenma kélwáxok Dios.

1 TESALONICENSES 5:2

Kélya'ásegkok ektakmela kéxegke yakwánxa nak katnehek apweykta Wese' egegkok, ewatak sat neyseksa megkólhaxneykha, ekhawo ektémakxal'a énxet apmenyexma ewak axta'a.

2 TESALONICENSES 2:2

megkóltehek ekmanyehe kólyakmagkasek ektémakxa nak elchetamso kélwáxok, móltamhók nahan kalyegwakkasek kéxegke xama enxoho m'a amya'a ekxénamaxche nak ektaha eñama Dios, tén han ma'a ektahakxa enxoho amya'a kéltenneykha, esenhan ma'a ektahakxa enxoho kéltáxéseso weykcha'áhak kéxegke, ekxeyenma enxoho ekweykmo m'a ekhem yakwánxa nak ewatak makham Wese' egegkok.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.

2 TIMOTEO 1:18

Wese' egegkok sat yemlekxohok ma'a ekhem nelyekpelchamáxchexa sat. Apya'ásegkok xép ma'a ektahakxa axta ekyawe sẽlpasmo negko'o m'a tegma apwányam Efeso.