Biblia Todo Logo
Bib sou entènèt

- Piblisite -




1 CORINTIOS 1:7 - Lengua Sur (Enxet) Nuevo Testamento

7 Ekeso eñamakxa eksawhexkoho nak ekyetna kéxegke m'a kélmowána Dios apméso nak, neyseksa kélhaxanma ekhem yakwánxa nak ewatak Jesucristo Wese' egegkok.

Gade chapit la Kopi




1 CORINTIOS 1:7
25 Referans Kwoze  

Negko'o eyke nentaha neleñama néten. Nelhaxneyk nahan negko'o exyók Jesucristo Wese' egegkok segmasma apkeñama m'a néten,


Kólleyx kéxegke kammok ekhem apxeyenmakxa nak Dios, kóllenxanmoho cha'a yakwayam enxoho kañehémhok kawak xa ekhem nak. Táxa sat kamasesók néten ekwa'a sat xa ekhem nak, ekyókxoho aksok sat kalpayhekxak neyseksa táxa eyálewe;


ekhawo ektémakxa nak han Cristo ektéma wánxa xama apmeyásamákpekxoho Dios yakwayam enxoho exámhok apmaséseso melya'asáxma énxet'ák. Keñe sat henxekmósakpekxohok makham, háwe eyke kaxwo' yakwayam ey'ótak mólya'asáxma, wánxa aksa yakwayam elwagkasek teyp ma'a énxet'ák ektaha nak apkelhaxanma.


Kóltakmelches ma'a segásekhayo eñama nak Dios, kólleyx nahan ma'a ekhem yakwánxa nak hegmések ekyennakte egnenyek megkatnegwayam enéxa Wese' egegkok Jesucristo, eñama m'a ektémakxa nak ektakmeleykha apwáxok henlano'.


Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.


Wánxa agkok, kalpayhekxa aksa kélwáxok ekwákxoho enxoho kéxegke m'a ektémakxa axta aplegeykegkoho Cristo, yakwayam enxoho kayáwhok agko' ekpayheykekxa kélwáxok, cham'a ekxekmowásexkoho sat kéxegke m'a ektémakxa nak Cristo apcheymákpoho.


neyseksa nelhaxanma katnehek ma'a aptémakxa axta sempekkencháseykekxa appeywa Dios ektaha nak ektakmela: cham'a apkexyekmo sat Dios egagkok yetlo apcheymákpoho, cham'a aptaha nak Jesucristo segwagkasamo teyp.


Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.


Sat nahan katnehek apkexyekmo sat ma'a aptaha nak Apketche énxet.


Kéltemék agkok xa, kólxawak sat kéxegke aksok kélxawé naksa ekha nak eyeymáxkoho, cham'a aksok nenxawé naksa ektaha nak megkatsagkásamáxche, cham'a senxekmowáseykpoho sat ma'a aptaha nak apkemha apmonye keláneykha nekkések.


Kóllánekxa kéltahakxa, kólteme kélmowána kélláneykegkoho kéltémakxa, kólleyxmakha m'a aksok peya nak egkések Dios eñama m'a ektémakxa nak segemleykekxoho, cham'a senxekmowáseykpoho sat Wese' egegkok Jesucristo.


Kaxwo' eyke, eltakmelchesesek ko'o selháxakxo ekpayhawo nak axkak ko'o, cham'a peya nak hegkések Wese' egegkok ekhem sat, aptaha nak segyekpelchémo ekpéwomo agko'. Háwe sat exakko' ko'o yakwayam hegkések xa, sat nahan elmésagkok ma'a apxámokxoho énxet'ák apkelhaxanma nak ewata' yetlo apchásekhayo.


payhawók nahan ellókasesek kélyampé kéxegke Dios, kéxegke kéltaha nak kéllegeykegkoho, ekhawo yakwánxa nak hentemésesek negko'oxa Dios, cham'a ekhem apwakto sat Wese' egegkok Jesús yetlo apkelásenneykha ekha nak apmopwancha'a, cham'a apkexyekmo sat neyseksa táxa eyálewe apkeñama m'a néten.


Exénhok nahan cha'a ektémakxa nak kélhaxneykha kéxegke yakwayam ewatak makham Jesús apkenyekta néten, Dios Apketche, aptaha axta nahan apxátekháseyam. Jesús apteme sẽlwagkaso teyp ekyentaxnakxa nak Dios senlegasáseykegkoho ekxegakmo nak.


Cristo neykhe xa ektémakxa nak kélyennakte kéxegke. Apkexyekmek sat agkok makham Cristo keso náxop, kéxegke sat nahan kóltehek kélxegexma, kawakxohok sat nahan kéxegkáxa m'a ektémakxa nak apcheymákpoho.


Nágkólteme aksa kélyekpelchémo kélmók kéxegke amonye ekwayam ekhem nelyekpelchamáxchexa; kólleyx ewata' Wese' egegkok, kólleyx nahan enegkenekxak neyseksa elseyexma m'a aksok ekhágko nak neyseksa ekyaktesakxaxma, kólleyx nahan elyekpelchásesók kéxegke ektémakxa nak ekmámenyého kalának egwáxok. Keñe sat egkések ekpayheykekxa apwáxok Dios apyókxoho énxet ekpayhawo nak exkak xa.


Kólteme kéxegkáxa m'a aptamheykegkaxal'a wese' apkeláneykha apkelhaxanmol'a ewatak wese' apagkok yenyentak elánéxchexa sẽlyamhopma, yakwayam enxoho emeykesesek átog ekmanyehe agko', cham'a aptekpagwakto enxoho átog apwa'akto m'a wese'.


“Máxa sat katnehek aptémakxa nak Wese' apwányam Dios ma'a ektémakxa axta diez kelán'a étkók elya'áyekmo axta sẽlyamhopma, kelmákxeyk axta chálewaso yetlo égmen'ák, kelanyexágkek axta m'a ektaha axta yakwayam kalyamhápok.


Helemlekxoho aksa kélnathawo enxoho sektahakxa sekpeywa, xama aksok aksa megkaxnawok sekteméseso kéxegke m'a sektemésesamakxa nak cha'a m'a mók apchakneykekxexa nak, cham'a maltémo nak cha'a helpasmok kéxegke.


Háwe ekwánxa agkok ellegágkoho m'a, nellegágkok eyke nahan negko'o xa, nenxawáyak eykhe m'a Espíritu aptaha nak apmonye nenxawé, amonye nenxawé m'a aksok peya nak anxawa'. Awanhek negko'o nenlegeykegkoho neyseksa nelhaxanma kawók ekhem yakwánxa hẽltemésesek Dios apketchek, cham'a yakwánxa sat hẽlyenyókasek ma'a ektémakxa nak negyókxa.


Wánxa agkok nelhaxneyk negko'o henxének Dios nentaha nelpéwomo eñama m'a Espíritu, tén han eñama m'a nenteme nak magya'áseyam.


Swiv nou:

Piblisite


Piblisite