1 CORINTIOS 1:6 - Lengua Sur (Enxet) Nuevo Testamento

⁶ Hakte ekmámnaksoho temegwokmok ekyetno kélnepyeseksa kéxegke m'a amya'a ekxeyenma nak Cristo Jesús.

1 CORINTIOS 1:6 Referans Kwoze

APOCALIPSIS 1:2

Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

2 TIMOTEO 1:8

Neymegké' aksa eltennaha apwesey Wese' egegkok, neymegké' aksa hélanok ko'o keso sekmáxko nak eñama Wese' egegkok. Yoho kawakxohok xép xa nenlegeykegkoho nak eñama m'a ektémakxa nak nenlegaso amya'a ektakmela, yetlo m'a apwaskápeykekxoho apmésamol'a cha'a exchep Dios.

1 TIMOTEO 2:6

Hakte apmeyáseykpók axta apagko' Jesucristo yakwayam emátog yakwayam etnehek segyanmaga eñama nelwagkásamáxche teyp negyókxoho nak, cham'a senxekmósama axta Dios ekwokmo axta ekhem yakweykenxa katnehek ma'a aptémakxa axta appeywa.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

2 CORINTIOS 12:12

Cha'a keñamak ekwetamaxche sektaha ko'o seykha amya'a apmámnaksoho m'a selenmáxexkoho axta seklegeykegkoho, tén han ma'a elánexko axta m'a aksok sempelakkaso nak agweta', tén han ma'a aksok magwetaya nak katnehek, cham'a kélwet'a axta kéxegke.

ROMANOS 15:19

tén han eñama elánamáxche m'a aksok magkenatcheso nak agweta', tén han ma'a sempelakkaso nak agweta', tén han eñama m'a Espíritu apkeñama Dios apmopwána nak. Cháxa ektahakxa axta seksawhawo ko'o selané sektamheykha seltenneykha amya'a segwagkasamo nak teyp eñama Cristo, axta eyeynawok ma'a Jerusalén, tén han ekyókxoho ma'a yókxexma nak, ekwokmoho yókxexma Iliria.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

APOCALIPSIS 12:17

Ekeso eñamakxa ektaknókoho agko' axta kelán'a m'a yéwa ekwányam nak, keñe axta elnápexko aksa m'a apkeleymomap nak atawan'ák natámen xa kelán'a nak, axta kelenmexak ma'a énxet'ák ektaha nak apkelyaheykekxoho apkeltémókxa nak antehek Dios tén han ma'a meyenseyam nak apkelxeyenma apwesey Jesús.

2 TESALONICENSES 1:10

cham'a ekhem apwakto sat Wese' egegkok yakwayam etnehek apcháyo m'a ektaha nak énxet'ák apagkok, cham'a yakwánxa sat nahan menyeksek elanok apyókxoho énxet apteme nak melya'áseyam, kawakxohok sat nahan kéxegkáxa, hakte axta kólya'áseykmok neltennáseykencha'a axta negko'o kéxegke.

GÁLATAS 3:5

Apmések agkok cha'a kéxegke Dios Espíritu, apkelanak agkok nahan cha'a aksok sempelakkaso nak agweta' kélnepyeseksa kéxegke, ¿yaksak ektaha apkelana nak cha'a xa? Háwe eñama kéllané kéxegke m'a eltémókxa nak antehek segánamakxa apkeláneya cha'a Dios xa, akke keñamak apkeláneya m'a kéltéma nak kéxegke megkólya'áseyam tásek amya'a kéllegaya axta.

LOS HECHOS 28:23

Apxámok axta énxet apkelwayam aphakxa Pablo ekwokmo m'a ekhem appagkanakxa axta, axto'o axta apchénawók apkeltennáseykha Pablo énxet'ák ma'a aptémakxa nak Wese' apwányam Dios ekweykmoho taxnam. Apkelenxanakmek axta apkeltamho melya'asók énxet'ák ma'a ektahakxa axta apkeltenneykha Pablo apxéna Jesús. Moisés segánamakxa apagkok axta apxénak apkeltenneyncha'a, tén han ma'a apnaktáxeseyak axta énxet'ák ektaha axta Dios appeywa apkellegaso.

LOS HECHOS 23:11

Mók axta'a axta entahak apxekmowáseykpekxoho Wese' egegkok Pablo. Aptahak axta apcháneya s'e: “Ewaskápekxoho Pablo, cháxa aptahakxa nak apkeltenneykha sekwesey s'e Jerusalén, sat nahan etnehek apkeltennáseykha sekwesey énxet'ák apheykha tegma apwányam Roma xa ektaha nak.”

LOS HECHOS 22:18

Ekwet'ak axta ko'o Wese' egegkok. Aptahak axta seyáneya s'e: ‘Epekhésha sat, etyep heykxa xa tegma apwányam Jerusalén, hakte megkahaxnaxkók sat apxéna enxoho exchep sekwesey xa.’

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

LOS HECHOS 18:5

Xama axta apkelwokmo Corinto Silas tén han Timoteo apkeleñama m'a Macedonia, wánxa axta aksa apkeltennáseykencha'a Pablo énxet'ák judíos ma'a amya'a eñama nak Dios. Aptakmelchások axta apkeltennaso aptaha Jesús Mesías.

SAN MARCOS 16:20

Apkelxegkek axta xa énxet'ák nak, yakwayam eltennaha tásek amya'a ekyókxoho yókxexma; appasmomchek axta anhan Wese' egegkok, ekmámnaksoho axta temék amya'a apkeltenneykha eñama ekpasmo apkelané m'a aksok sempelakkaso nak agweta'.

APOCALIPSIS 12:11

Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok.

APOCALIPSIS 6:9

Xama axta ekwokmo cinco apleklo yampápa kélapma Nekkések Apketkok, ekwet'ak axta ko'o m'a énxet'ák aptekyawa axta eñama apkellegaso Dios appeywa kóneg ma'a ekwatnamáxchexa axta cha'a aksok nawha'ák ekyanmaga mólya'asáxma.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

LOS HECHOS 11:21

Yetneyk axta Dios apmopwána nepyeseksa xa énxet'ák nak, cháxa ektahakxa axta apxáma énxet'ák apkexakha m'a nano' apcháyókxa axta. Aptamhákxeyk axta melya'áseyam Wese' egegkok Jesús.

LOS HECHOS 11:17

Apmések agkok nahan Espíritu Santo Dios xa énxet'ák nak ekhawo m'a segmésama axta anhan negko'o xa nenteme nak magya'áseyam Wese' egegkok Jesucristo, mowanchek ko'o alya'aksexma Dios.