1 CORINTIOS 1:2 - Lengua Sur (Enxet) Nuevo Testamento

² Ektáxésesek ko'o weykcha'áhak elyáxeg'a aptaha nak Dios énxet'ák apagkok apheykha nak xa tegma apwányam Corinto, yetlo sekxegexma egyáxeg Sóstenes, cham'a apkelánamákpoho énxet'ák ektaha axta kélteméseso apkelpagkanamap eñama Cristo Jesús, cham'a apkelwóneykencha'a axta nahan Dios yakwayam etnésásekxak énxet'ák apagkok, yetlo nahan ma'a apyókxoho énxet apheykha nak ekyókxoho yókxexma, ektaha nak apkelpeykesamo apwesey Jesucristo, negko'o Wese' egegkok, tén han Wese' apagkok xa énxet'ák nak.

1 CORINTIOS 1:2 Referans Kwoze

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

HEBREOS 13:12

Ekhawo ektahakxa axta anhan Jesús apmátegweykmo m'a nepyáwa tegma apwányam, yakwayam enxoho etnésesek apkelpagkanamap ma'a ektaha nak énxet'ák apagkok eñama m'a apyegkenma axta éma apagkok.

1 TESALONICENSES 4:7

Hakte axta hẽlwóneyha negko'o Dios yakwayam antehek ekmanyása nentémakxa, wánxa apkeltémo antehek wánxa nempagkanchásamáxche m'a Dios.

HEBREOS 10:10

Entemésesek axta negko'o Dios nelpagkanamaxche hakte apkelanak axta Jesucristo m'a Dios apmopmenyého, cham'a apmeyáseykpoho axta apagko' yakwayam emátog wánxa xama, meyke teyp.

2 CORINTIOS 4:5

Manxénáxchekxohok cha'a negko'o egagko' neltenneyncha'a, wánxa cha'a nenxéna m'a Jesucristo aptaha nak Wese' egegkok; nenxénchek eyke cha'a negko'o nentaha sẽlásenneykha kéxegke eñama negásekhayo m'a Jesús.

LOS HECHOS 9:14

Apwa'ak eyke kaxwo' Saulo s'e yetlo apxawé yakwayam enaklakxak sẽlpextétamakxa apyókxoho énxet apwóneykha nak xép apwesey, eñama apkeltémo m'a apkelámha apmonye'e nak appasmo apkelmaxnéseso Dios énxet'ák apagkok.”

APOCALIPSIS 19:16

Yetnegkek axta nahan kéltáxeso apchaklamap, tén han ma'a apyók ektéma nak se'e: “Wese' apwányam nepyeseksa m'a kelwese'e apkelwányam nak, apteme nahan Wese' nepyeseksa m'a kelwese'e nak.”

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

HEBREOS 2:11

Hakte apyókxoho énxet'ák apteme Apyap ma'a Dios, cham'a énxet'ák apkelpagkanamap nak, tén han ma'a ektaha nak apteméseso apkelpagkanamap. Ekeso eñamakxa memegkaktama nak Dios Apketche sẽltéma negko'o apkelyáxeg,

2 TIMOTEO 1:9

Ẽlwagkasek axta negko'o teyp Dios, ẽlwóneyha axta nahan yakwayam ampagkanchesaxchek neyseksa negha makham, háwe eñama m'a aksok nenlané axta negko'o, wánxa agkok, akke keñamak ma'a ektémakxa axta apmopmenyého elának Dios, tén han eñama m'a segásekhayo nak neyseksa negyepetcheyo Cristo Jesús. Dios, aptaha nak segásekhayo eyeynamókxa axta sekxo' apkeláneya keso náxop,

1 TIMOTEO 3:15

yakwayam enxoho ey'asagkohok xép ma'a nentémakxal'a nepyeseksa Dios énxet'ák apagkok, ektaha nak Dios megyetsapma énxet'ák apagkok, cham'a énxet'ák appasmoma nak apmasma m'a amya'a ekmámnaksoho nak, cham'a sekyeykhasa enxoho yakwánxa awatak xa.

2 TESALONICENSES 1:1

Ko'o Pablo, yetlo nahan selxegexma'a Silvano, tén han Timoteo. Apchakneykekxexa ẽlyáxeg tegma apwányam Tesalónica ektáxesásak ko'o s'e weykcha'áhak nak, cham'a ektaha nak apkelyepetcheyo Dios Egyap tén han Wese' egegkok Jesucristo.

1 TESALONICENSES 1:1

Ko'o Pablo, yetlo selxegexma'a Silvano, tén han Timoteo. Apchakneykekxexa ẽlyáxeg'a tegma apwányam Tesalónica ektáxesásak ko'o s'e weykcha'áhak nak, cham'a ektaha nak apkelyepetcheyo Dios Egyap tén han Wese' egegkok Jesucristo. Dios sat etnehek apméso naksa kéxegke m'a ektémakxa nak segemleykekxoho, tén han egkések meyke ektahakxa kélwáxok kéxegke.

EFESIOS 5:26

Apkelanak axta Cristo xa yakwayam enxoho etnésesek apkelpagkanamap ma'a ektaha nak Dios énxet'ák apagkok, aptemésesek axta anhan meyke ekyepetche xama aksok ekmanyása eñama m'a appeywa nak, tén han eñama m'a apkelyenyeso axta neygmen,

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

1 CORINTIOS 8:6

apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.

ROMANOS 10:12

Hawók ektémakxa nepyeseksa énxet'ák judíos ma'a ektémakxa nak han nepyeseksa énxet'ák metnaha nak judíos; hakte wánxa xama Wese' egegkok ma'a aptaha nak han Wese' apagkok apyókxoho énxet, eyeykhásesamhok cha'a apméso aksok eltakmela eleñama néten ma'a énxet ektaha nak apwóneykha apwesey.

LOS HECHOS 22:16

Ná exnekxoho kaxwo' xép. Etnamha, etegye yakpasama yegmen, yáxñásekxoho xa aptémakxa nak mey'asáxma, ewónmakha Wese' egegkok apwesey.’

LOS HECHOS 18:1

Apmahágkek axta Pablo tegma apwányam Corinto apkeñama m'a Atenas, natámen xa.

LOS HECHOS 15:9

Axta etnésesók apyeykhamap pók énxet Dios, ekhawo sentemésesamakxa nak han negko'o xa, hakte apchaxñásesek axta nahan apwáxók Dios xa énxet'ák nak eñama m'a melya'áseyam nak.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 9:21

Pelakkasek axta apkelwet'a m'a énxet'ák ektaha axta apháxenmo apkeltenneykha. Aptahak axta anhan apkelpakmeta s'e: —¿Háweya apmenxeneykencha'a axta énxet tegma apwányam Jerusalén xa, cham'a énxet ektaha nak apkelwóneykha apwesey Jesús? ¿Háweya apwa'a axta apmoko elmok énxet ektaha nak melya'áseyam Jesús apwesey xa, apmoko axta elmések ma'a apkelámha apmonye'e nak appasmo apkelmaxnéseso Dios énxet'ák apagkok?

2 TIMOTEO 2:22

Neytlakxa aksa aksok negyespagko nenteme nak egketkok, etne nahan ekpéwomo aptémakxa, tén han mey'áseyam, tén han apchásekhayo, tén han meyke ektahakxa apwáxok, yetlo m'a apyókxoho énxet'ák apkelwóneykha nak Wese' egegkok eñama eláxñeyo apwáxok.

GÁLATAS 1:2

Ektáxésesek ko'o weykcha'áhak apchakneykekxexa nak énxet yókxexma Galacia, yetlo nahan selxegexma'a ẽlyáxeg nentémo xamo' nak magya'áseyam apheyncha'a nak se'e sekhakxa nak.

LOS HECHOS 9:13

Xama axta apleg'a Ananías xa, aptahak axta s'e: “Wese', apxámok énxet'ák seltennaso ko'o aptémakxa m'a énxet nak, eltennáseykha nahan ekyókxoho aksok ekmaso apkelané Saulo m'a tegma apwányam Jerusalén apkenmexma m'a xép énxet'ák apagkok apkelpagkanamap nak.

ROMANOS 8:28

Negya'ásegkok negko'o apkelanésama cha'a ekyókxoho aksok Dios ma'a énxet'ák ektaha nak apkelásekhayo, yakwayam enxoho kapasmok, cham'a énxet'ák ektaha axta apkelwóneykha Dios, ekhawo m'a ektahakxa axta apmopmenyého.

1 CORINTIOS 10:32

Nágkóllanés aksa mey'asáxma kélyáxeg eñama m'a kéltahakxa enxoho; nágkólxekmósho kéltahakxa énxet'ák judíos, tén han ma'a énxet metnaha nak judíos, nágkólxekmósho nahan kéltahakxa m'a Dios énxet'ák apagkok nak.

1 CORINTIOS 12:27

Kéxegke kélteme kéleñama Cristo apyókxa, kélyókxoho nahan kélteme kéleñama xa Cristo apyókxa nak.

1 TIMOTEO 2:8

Emenyék ko'o etnahagkok nempeywa nelmaxnagko énxet apheykha nak ekyókxoho yókxexma, tén han elya'aksek néten apmék yetlo eyáxñeyo apwáxok nápakto' Dios, meyke m'a nenlo nak, tén han meyke m'a nelátegmomaxche nak.

2 TIMOTEO 2:19

Wánxa agkok, appekkenchek axta eyke Dios xama aksok ektaha nak ekyennakwákxexa, ekyetna nak eknaktáxésamaxche s'e: “Ekpelkohok cha'a Wese' egegkok ma'a énxet'ák ektahakxa enxoho apagkok”, “kéméxchek nahan ényók nentémakxa ekmaso apyókxoho énxet ektaha nak apkelwóneykha Wese' egegkok apwesey.”