1 CORINTIOS 1:11 - Lengua Sur (Enxet) Nuevo Testamento

¹¹ Elyáxeg selásekhayo, ektemék ko'o seláneya kéxegke xa, hakte ekleg'ak axta ko'o amya'a ekyetna kélexpanchásamáxche kéxegke, axta seltennáseykha m'a ekheykha nak Cloé apxagkok.

1 CORINTIOS 1:11 Referans Kwoze

1 TIMOTEO 6:4

énxet eyeymáxkoho apwáxok xa aptéma nak, mey'ásegkok nahan aksok. Mopmenyék nahan eyensók apkelátegmomap pók exének ektémakxa m'a amya'a kélpeykáseykekxa nak ektémakxa. Cháxa keñamak ekteyapma cha'a nelyásekáseykha xa, tén han ma'a nexpanchásamáxche nak, tén han ma'a negwanyeykha egmók nak, tén han ma'a negaye nak hentemésesamhoxma énxet,

GÁLATAS 5:26

Mantehek hana neleymáxkoho, tásek nahan mantekkesek nelenmexamaxche, tén han mantehek nennathaheyak egmók.

1 CORINTIOS 3:3

hakte makhemek makham kélweyheneykekxoho kéxegke apkeltémakxa nak énxet keso náxop. Yetneyk makham kélnepyeseksa kéxegke kélnatha kélmók nak, tén han ma'a kélenmexamaxche nak, hakte kélyetlákxeyk makham kéxegke m'a apkeltémakxa nak énxet'ák keso náxop, kéltemegkek nahan cha'a m'a apkeltémakxa nak énxet.

GÁLATAS 5:20

etnehek nahan cha'a apkelpeykesamo m'a aksok kéleykmáseso nak, etnahagkok nahan cha'a m'a apkeltémakxal'a kelyohóxma. Melwátésemek nahan aptaknagko pók, tén han apkelenmexamap, tén han apnatha pók. Ñohok nahan cha'a ellók, etekkesesek cha'a apkelenmexamap énxet, tén han etekkesek cha'a apkexpanchásamap énxet, etnahagkok nahan cha'a apkelánesamakpoho mók nekha.

GÁLATAS 5:15

Kólawho kéxegke, hakte kéltemék agkok kélenmexamaxche tén han kélnaktawásencha'a enxoho kélnámokkok, kélnaktawásamáxkoho kélagko' sat kóltehek kéxegke.

2 CORINTIOS 12:20

Hakte eyekak ko'o alwetágwakxak megkóltaha kéxegke m'a sekmámenyého nak ótak kóltehek kéxegke, eyekak nahan ko'o xa helwetak kéxegke atnehek ko'o m'a megkólamenyého nak helwetak atnehek. Eyekak ko'o keytek kélnepyeseksa kéxegke kélenmexamaxche, kélnatha kélmók, kélló, kélmeyókasamáxkoho kélagko' kéllané aksok, kélxeyenma aksa kélmók, kélwanyeykha kélmók, eyeymáxkoho kélwáxok, tén han megkóltakmelchesamo kéltamheykha.

FILIPENSES 2:14

Kóllána ekyókxoho aksok yetlo meyke kélpakmeteykha, tén han meyke kélxamáseyak kélpeywa,

1 CORINTIOS 11:18

Entahak axta amya'a seltennáseykha s'e, kélaknákxeyk hek agkok kéxegke yakwayam keytek kélakneykekxa, yetneyk heyke kélexpanchesamaxche kélnepyeseksa kéxegke, mók xama aksa ektemesásak ko'o ekmámnaksoho xa amya'a nak.

1 CORINTIOS 1:10

Elyáxeg, yetlo sekxeyenma Jesucristo Wese' egegkok apwesey ko'o, eltamhok kaxhok mók kélpakmeyesma kélyókxoho kéxegke, yakwayam enxoho megkólexpanchesaxche. Kólteme megkólchexémáxkoho, yetlo kélhésamo mók elchetamso kélwáxok ma'a yakwánxa enxoho kóllána'.

1 CORINTIOS 1:12

Eyke ekmokók ko'o altennaksek kéxegke kéltéma cha'a kélpeywa kélnápakha s'e: “ko'o sekteme Pablo apkelxekmóso”; keñe nápakha etnehek cha'a apkelpeywa s'e: “ko'o eyke sekteme Apolos apkelxekmóso”; keñe etnehek nahan cha'a nápakha s'e: “ko'o eyke sekteme Pedro apkelxekmóso”; keñe etnehek nahan nápakha apkelpeywa s'e: “ko'o eyke sekteme Cristo apkelxekmóso”.

TITO 3:9

Wánxa agkok, néwhánekxoho aksa exchep ektémakxa nak elenmexamaxche apkelpakmeyesma énxet'ák ektaha nak amya'a ekyéháxma, nágyeyxho nahan ma'a amya'a kéltenneykha naksal'a apkelxénamap ẽlyepmeyp nano', tén han ma'a ektémakxa nak apkexpanchásamap énxet'ák, tén han ma'a ektémakxa nak elenmexamaxche apkelpakmeyesma énxet exének ektémakxa m'a Moisés segánamakxa apagkok nak. Cháxa aksok ektaha nak mékoho xa, méko nahan negásenneykxexa.