1 CORINTIOS 1:10 - Lengua Sur (Enxet) Nuevo Testamento

¹⁰ Elyáxeg, yetlo sekxeyenma Jesucristo Wese' egegkok apwesey ko'o, eltamhok kaxhok mók kélpakmeyesma kélyókxoho kéxegke, yakwayam enxoho megkólexpanchesaxche. Kólteme megkólchexémáxkoho, yetlo kélhésamo mók elchetamso kélwáxok ma'a yakwánxa enxoho kóllána'.

1 CORINTIOS 1:10 Referans Kwoze

1 CORINTIOS 12:25

yakwayam enxoho megkalenmexaxche xa ekhéyak nak negyókxa, wánxa aksa kaxének cha'a awáxok ma'a mók.

ROMANOS 12:16

Kólhésho cha'a mók kélwáxok, nágkóleyxkoho aksa, wánxa agkok, kólhésaxkoho m'a énxet'ák meyke kéláyo nak. Nágkaxén aksa kélwáxok kéltaha kéxakko' ekha kélmowána.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

1 CORINTIOS 11:18

Entahak axta amya'a seltennáseykha s'e, kélaknákxeyk hek agkok kéxegke yakwayam keytek kélakneykekxa, yetneyk heyke kélexpanchesamaxche kélnepyeseksa kéxegke, mók xama aksa ektemesásak ko'o ekmámnaksoho xa amya'a nak.

FILIPENSES 1:27

Kóllenxánem aksa kóltehek kéltémakxa m'a ektémakxa nak ekpeywa tásek amya'a eñama nak Cristo. Emenyék ko'o axkágwatak amya'a ektémakxa kéllenxáneykmoho kéxegke kélwaskapma tén han meyke kélexpanchásamáxche. Emenyék nahan axkágwatak amya'a ektémakxa kélpasmomáxkoho kéxegke kéllenxáneykmoho kélyancháseykekxa m'a ektémakxa nak magya'áseyam eñama nak tásek amya'a, megkeyxek ma'a sekteyánegwákxoho enxoho kéxegke esenhan ma'a matyánegwákxoho enxoho.

ROMANOS 16:17

Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak,

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

1 CORINTIOS 4:16

Eltamhok ko'o kólyetlakxak kéxegke sektémakxa nak ko'o.

LOS HECHOS 4:32

Hawók axta mók elchetamso apwáxók énxet'ák apteme axta melya'áseyam, apxámok axta anhan ma'a. Axta nahan exeyenmak ektaha apxakko' apagkok ma'a ekyókxoho aksok apagkok nak, wánxa agkok, exénhok axta cha'a ektaha apagkok ma'a apyókxoho nak.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

1 TESALONICENSES 5:13

Kéméxchek cha'a kóltehek kéláyo tén han kólyáncheshok kélásekhayo xa énxet'ák nak eñama apkeláneyak ma'a apkeltamheykha nak. Kólteme meyke kéltémakxa xamo' kélnámokkok.

ROMANOS 12:1

Elyáxeg selásekhayo, eltamhok ko'o kaxénwakxohok kélwáxok kéxegke Dios segemleyam seltamho kóltemésesaxchek kéxegke kélmeyásamáxkoho kélagko' Dios, ektémol'a aksok kélméso Dios, meyke ekyepetche xama aksok ekmaso, cham'a ekleklamókxa nak apwáxok Dios. Cháxa ektémakxa nak ekmámnaksoho nelpeykesamo Dios xa, eyéméxko nak agmések Dios.

SAN JUAN 10:19

Xama axta apkelleg'a judíos xa aptahakxa axta appeywa Jesús, yeykháxchek axta makham mók apkelpakmeyesma.

1 SAN PEDRO 2:11

Elyáxeg selásekhayo, eltamhok ko'o megkólhok kamok kélwáxok ektémakxa nak aksok negyespagko nenteme nak énxet, cham'a sẽlenmexeykegkohol'a cha'a negko'o, kéxegke kéltaha nak kélheykha yakwatakxoho keso náxop ektémol'a énxet apheykha nak megkatnahakxa apkelókxa.

2 TIMOTEO 4:1

Ekmések ko'o sekpeywa exchep nápakto' Dios tén han nápakto' ma'a Cristo Jesús, cham'a peya nak ewatak yetlo apteme Wese' apwányam yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak; awanhek seltémo eltennaha exchep tásek amya'a, megyeyxek ma'a ekyetna enxoho elya'asakxaxma, esenhan ma'a méko enxoho elya'asakxaxma. Ellekwomho sat nahan énxet'ák, elpakhetches sat nahan ma'a énxet'ák eyesagkexa enxoho aptamhágkaxa, elwaskakkásekxoho sat nahan, elxekmós sat nahan yetlo mepekhésamap.

FILIPENSES 3:16

Kéméxchek negko'o agyetlók ektémakxa m'a aksok ekyetnama nak negko'o.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

SAN JUAN 7:43

Keñe axta apkexpáncháseykpo énxet, Jesús axta ñokxa apxénákpo.

SAN MARCOS 2:21

“Megkólwanchek kólyepetchesha apáwa aphápak kélyepetchásencha'a enxoho m'a apáwa nápakha aphaxnagkok nak, hakte ketchetsék etnekxak kélyenyesa enxoho m'a apáwa nápakha aphaxnagkok nak, keñe eyánchesagkohok apkelyeptamap ma'a apáwa aphápak nak.

SAN MATEO 9:16

“Megkólwanchek kólyepetchesha apáwa aphápak kélyepetchásencha'a enxoho m'a apáwa nápakha aphaxnagkok nak, hakte ketchetsék etnekxak kélyenyesa enxoho m'a apáwa nápakha aphaxnagkok nak, keñe eyánchesagkohok apkelyeptamap ma'a apáwa aphápak nak.

1 TIMOTEO 5:21

Ekmések ko'o sekpeywa exchep nápakto' Dios, tén han nápakto' Jesucristo, tén han nápakta'awo' ma'a Dios apkelásenneykha kélyeseykha nak, seltamho elának se'e seyánayakxa nak etnehek meyke apteméseso apyeykhamap pók elanok énxet, tén han seltamho exnéshok mók ma'a aptemésesakxa enxoho énxet.

2 TESALONICENSES 2:1

Elyáxeg, kaxwo' egmenyék negko'o óltennaksek kéxegke m'a yakwánxa nak katnehek apkexyekmo sat Wese' egegkok Jesucristo, tén han ma'a yakwánxa nak katnehek segáncháseykekxa Jesús, neltamhok negko'o

GÁLATAS 4:12

Elyáxeg, eltamhok ko'o kóltehek sektémakxa nak ko'o, hakte ekheyásexchekxók axta ko'o kéxegke. Axta heltawáseykegkohok ko'o kéxegke xama enxoho.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

ROMANOS 15:30

Elyáxeg, eltamhok ko'o helwahánhok kólwaskápekxohok helmaxnésesek kéxegke eñama nak ma'a Jesucristo, tén han eñama m'a negásekhayo segméso nak Espíritu.

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

ROMANOS 1:13

Elyáxeg, emenyék kólya'ásegwomhok kéxegke ekxeyenma cha'a ko'o ewáxok atnehek meyk'a kéxegke yakwayam alweta', makhemek eyke makham ekyetno aksok meheyhayo cha'a axog ko'o, ekwokmoho kaxwo' nak. Emenyék eykhe ko'o wanchásekxak aksok eltakmela eleñama nak néten kélnepyeseksa kéxegke, ekhawo ektahakxa axta seyancháseykekxa nepyeseksa m'a énxet'ák apheykha nak mók yókxexma.

1 CORINTIOS 1:11

Elyáxeg selásekhayo, ektemék ko'o seláneya kéxegke xa, hakte ekleg'ak axta ko'o amya'a ekyetna kélexpanchásamáxche kéxegke, axta seltennáseykha m'a ekheykha nak Cloé apxagkok.

1 CORINTIOS 3:3

hakte makhemek makham kélweyheneykekxoho kéxegke apkeltémakxa nak énxet keso náxop. Yetneyk makham kélnepyeseksa kéxegke kélnatha kélmók nak, tén han ma'a kélenmexamaxche nak, hakte kélyetlákxeyk makham kéxegke m'a apkeltémakxa nak énxet'ák keso náxop, kéltemegkek nahan cha'a m'a apkeltémakxa nak énxet.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

1 SAN PEDRO 5:10

Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.

SAN MARCOS 3:24

Apkexpancháseykpek agkok énxet'ák xama apkelókxa eñama apkelenmexamap, megkawegkók apheykha;