1 CORINTIOS 1:1 - Lengua Sur (Enxet) Nuevo Testamento

¹ Ko'o Pablo, elwóneyha axta ko'o yakwayam atnehek Jesucristo seykha amya'a apagkok eñama Dios apmopmenyého.

1 CORINTIOS 1:1 Referans Kwoze

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

EFESIOS 1:1

Ko'o Pablo sekteme Jesucristo seykha amya'a apagkok eñama Dios apmopmenyého. Enxet'ák apheykha tegma apwányam Efeso ektáxesásak ko'o s'e weykcha'áhak nak, cham'a apkelánamákpoho nak Dios énxet'ák apagkok, cham'a melya'áseyam nak han Cristo Jesús.

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

COLOSENSES 1:1

Ko'o Pablo sekteme Jesucristo seykha amya'a apagkok eñama Dios apmopmenyého atnehek, egyáxeg Timoteo ko'o sekxegexma

LOS HECHOS 18:17

Keñe axta appasmékpo Sóstenes aptaha axta apkemha apmonye apchakneykekxexa énxet'ák judíos, kéltekpagáha axta anhan nápakta'awo' énxet'ák segyekpelchémo nak, axta eyke yenmexók Galión xa.

2 TIMOTEO 1:1

Ko'o Pablo, sekteme Jesucristo seykha amya'a apagkok. Dios apmopmenyého axta keñamak selapháseykencha'a ko'o, ekhawo m'a ektémakxa axta sempekkencháseykekxa appeywa Dios apxeyenma hegmések ekyennakte egnenyek ekyetna nak negko'o, eñama negyepetcheyo Cristo Jesús.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

1 TIMOTEO 1:1

Ko'o Pablo, sekteme Jesucristo seykha amya'a apagkok, sektaha nak han selapháseykha eñama apkeltémo Dios segwagkasamo nak teyp, tén han apkeltémo m'a Jesucristo Wese' egegkok, aptaha nak han negayókxa negko'o.

EFESIOS 4:11

Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

GÁLATAS 1:1

Ko'o Pablo sektaha nak seykha amya'a megkatnaha énxet seyápháseykha, tén han megkatnaha énxet selyéseykha, Jesucristo apagko' axta eyke selyéseykha ko'o, tén han ma'a Dios Egyap, aptaha axta apxátekháseyam ma'a Jesús.

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

2 CORINTIOS 12:12

Cha'a keñamak ekwetamaxche sektaha ko'o seykha amya'a apmámnaksoho m'a selenmáxexkoho axta seklegeykegkoho, tén han ma'a elánexko axta m'a aksok sempelakkaso nak agweta', tén han ma'a aksok magwetaya nak katnehek, cham'a kélwet'a axta kéxegke.

2 CORINTIOS 11:5

Megkaxének cha'a ko'o ewáxok heyeykhágwomhok ma'a seykha amya'a ekha kéláyo nak, ektaha axta axayók apkelánteyapma.

1 CORINTIOS 15:9

Ko'o eyke sekteme kóneg nepyeseksa énxet'ák seykha amya'a nak, megkapayhawok nahan altamhaxchek ko'o seykha amya'a, hakte ekmenxeneykha axta Dios énxet'ák apagkok.

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

ROMANOS 1:5

Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN LUCAS 6:13

Xama axta elsaka, apkelwóneyha axta Jesús apkeltámeséyak, doce axta apkelyesáha nepyeseksa xa énxet'ák nak, cháxa aptaha axta anhan seykha amya'a xa.

LOS HECHOS 1:15

Yáma wenaktémok axta, keñe axta apkeltennáseyncha'a Pedro apnámokkok ektaha axta melya'áseyam xamo', ciento veinte axta apyókxoho énxet. Aptahak axta apkeláneya s'e:

ROMANOS 1:10

Elmaxnakkek cha'a ko'o Dios seltamho hegkések yakwayam atnehek meyk'a kéxegke, cham'a ektaha enxoho apmopmenyého apagko'.

2 CORINTIOS 8:5

Apyeykhásekmók axta m'a negáneyakxa axta etnahagkok, hakte apkelmeyásekpók axta apancha'awók Dios, Wese' egegkok axta sekxo', keñe axta negko'o, ekhawo m'a ektémakxa nak Dios apmopmenyého.