Yuda 1:9 - Katɔti Ɔku Kedee

⁹ Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”

Yuda 1:9 Referans Kwoze

Sakaria 3:2

Nsu Unwoti ɔ́su-nwu ɔnini, “Satan, awɔ ɔdi mmomu nátatɛ. Mina ɔma unengudi ɔƒunadi ndi Yerusalem. Na ukyuli ɔmɛni ni, budie na bédie-nwu aani ugyii bálɛku ogya livongu kemmo.”

Petro 2 2:11

Nsu Katɔti batu muedi bani mbo ɔyikun ku ɔkplu betulo bekyuli bamɛni ni, balakana Katɔti anumi bunye na bedumi kayaa bayikune bamɛni.

Budie Taatina 12:7

Amu na kekpo kálɛ na katɔ. Na Katɔti ɔtu unengudi ɔni ndi Mikael ɔ́tɔnku Katɔti batu bakladi na báta, na ama ku liƒu kɔlakpi kɔmmɔ ku kuna batu lɛnɔ békpo.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Lɛkpa Ulu 34:6

Na Unwoti ɔ́va-nwu na kɔwɛ kɔni nkya Moab na ɔma ɔni nde Bet-Peor. Na úti úbedu ɔmwi limeyi lɛmɛni lɛlɔ ni, ukyuli biala ɔɔɔgyi kesii kani báva-nwu.

Daniel 10:21

Nsu kudeedi ni, ndubo-ɔ bɔsu lɛla lɛni na bénweni bákya Litemi Geen Ɔku ɔmmɔ kemmo. Na litemi lɛmmɔ lɛɛtina ka ukyuli ɔdi uuubo na unye-mi kama si ɔɔɔdi Mikael ɔni ndi Israel kadi ɔtu kani.”

Daniel 10:13

Nsu Persia kadi ɔtu úkpoku-mi emeyi aavlanyɔ-unwi. Na ɔmmɔ kama Mikael, batu bayikune bammɔ akɔ unegudi, úbo na úbedie-mi na Persiaƒuɔ baga enu kemmo.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Tesalonikaƒuɔ 1 4:16

Uwi ɔmmɔ kemmo ni, bɔdubunu Blɔti bubo kɔku ku kudu kubendi. Bɔdubunu Katɔti ɔtu unengudi lɛdi. Na Katɔti kakpɛɛ kadubɔku. Na Blɔti ɔlati ɔdubɔda ɔlɛ kayaa. Na bekyuli bani náƒɔ Kristo bádi asa na békpi ni, badubɔka bɔta buli ngba.

Marko 15:29

Bekyuli bani návi ƒui bákunku bana eli na bédumi Yesu básu banini, “Ɛhɛɛn! Awɔ násu ka adubɔƒɛ bula kakpakɔ kenengudi na asɔ atu-ka emeyi atɛ kama!

Israelƒuɔ Bɔlɛ 22:28

“Na bitetemi enyekpi na bina Katɔti lɛlɔ. Na ɔdi utewida bina batɔnkune.

Ala Alɛdi 1 12:17

Amu na Dawid úsie útásiaku-ma na ɔ́su-ma ɔnini, “Si atubɔyɔ kemmo na bɛkɛ bibo ka bibebunku-mi ni, nnye kagyumana ka lɛƒɔ-mii libunku lɛlɔ. Nsu si bubo na bíbo bɛnii bibedie-mi bite mina bekisine ɔni na mina enu ese sɛɛn na ńtabla likpidi lɛdi bɔdi ni, na muuvele bula bati Katɔti nnii, ɔtɛku-mii litemi lɛmmɔ.”