Yuda 1:24 - Katɔti Ɔku Kedee

²⁴ Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Yuda 1:24 Referans Kwoze

Timoteo 2 4:18

Blɔti ɔdubudie-mi na ɔgbankpi biala kemmo, na ɔdubo-mi bɔkpanku buɛɛ buɛɛ na liduo Katɔ Ɔga Ɔma. Bumwi na buute Katɔti ɔ́si ɔƒɛni úsela ƒui. Ɔsia lɛni.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Korintoƒuɔ 2 4:14

Na bɔgyi ka Katɔti ɔni ńagyila Yesu ɔ́lɛku bekpine akɔ ni, lɛni kani na ɔdubɔgyila abu lɛnɔ na uti abu ku-mii ƒui usienku Katɔti anumi.

Budie Taatina 14:5

Likpidi lɛɛɛma bekyuli bamɛni lɛlɔ, na ɔkɔ lɛla lɛdi lɛɛɛda-ma.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Romaƒuɔ 14:4

Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.

Kɔgya 21:6

Ƒula kusɛ kusɛ ɔsiaku-nwu uwi ƒui. Na áya na lɛlɔ lɛɛyɔ́-nwu geen na ƒula anumi.

Yuda 1:21

Bɛda lɛlɔ na bitaayɔ Katɔti uwi ɔni na binye bɛɛnu ulu ka Yesu Kristo wanu-mii kɔnyana na bɛkɛ ngba bɔni nsɔ naaadubo bɔsa kudii.

Koloseƒuɔ 3:4

Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Luka 9:26

Si ami ku mina ala ani mɔɔtina ƒui ékpo ukyuli ɔdi kɔƒa ni, anwu lɛnɔ ɔdubukpo ami Ukyuli Ɔyawine Ubi kɔƒa uwi ɔni na mebo na mina bukeye ku Katɔti ku nwuna batu kedee ƒui bukeye kemmo.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Kɔgya 43:4

Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

Yakobo 2:10

Ukyuli ɔni na ɔ́ta únye Katɔti ɔda bubo bɔmmɔ ɔdi lɛlɔ ni, ɔ́ta únye ɔda bubo bɔmmɔ ƒui lɛlɔ.

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Lewiƒuɔ Ɔda Bubo 14:11

Na ɔkpane ɔni mɔɔbla ɔdi ɔmmɔ ɔdubɔkpanku ukyuli ɔni na ɔɔbla ɔdi ɔmmɔ teete ku akpala ammɔ ƒui usienku Unwoti Adi Kevo kammɔ kayakun.