Yuda 1:12 - Katɔti Ɔku Kedee

¹² Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Yuda 1:12 Referans Kwoze

Mateo 15:13

Yesu údie kenye ɔnini, “Mina ɔti ɔni nkya katɔ ɔdubɔgyu kugyii biala na útalɛ ɔvaakun.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Agba 25:14

Ukyuli ɔni muusé kenye kekpludi na ulábla taasia lɛni ni, use aani ulɔyɔ ku ɔƒɛƒɛɛ ɔni naaakana ɔnantu bɔna.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Luka 8:6

Adi álɛ ébo atakpɛ lɛlɔ. Na ka ákwɛ ni, átakɛ ntu ku lɛti buni. Anwuɔsu ákwii na ékpi.

Esekiel 34:2

“Esekiel, ɔyawine ubi, Israel batɔnkune bese aani baƒonu badane bani mɔɔnu mina baƒonu bani ndi Israel kadi bekyuli lɛlɔ. Nsu mɔɔwia ka lɛdu bɔtɔnkune bamɛni kɔtɔ na lɛsu-ma nnini, ‘Ami Unwoti Katɔti mɔɔsu amii Israel baƒonu badane nnii bɛdubo udu bɔyii na amii ɔdi ɔsa! Bɛɛnu amii alati lɛlɔ na bíni mina baƒonu lɛlɔ bɔnu.

Yakobo 5:5

Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.

Timoteo 1 5:6

Nsu ukpinele ɔni mɔɔbla lɛyalɛ ni, uuubo ngba na Katɔti anumi ina ka uli ngba.

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Luka 12:45

Nsu si kabla ɔblane ɔmmɔ ɔ́su ɔnii, ‘Mina Unwoti úsela útákya ulu na uwi utu,’ ɔsu na úse kalɔ ɔɔdi na ɔɔní ntɛ teekpi na uubó kabla bablane bakladi bani ndi banana ku beleku ƒui na ɔɔbla-ma kalala ni,

Marko 4:6

Nsu ka ɔƒɛ ɔ́sia ni, áyɛyɛ na ékpi. Ɔsika ana lidu lítakɛ adila ɔ́si atabi ammɔ ɔsu.

Mateo 13:6

Anwuɔsu uwi ɔni na ɔƒɛ ɔ́lɛ ni, ana ƒui áyɛyɛ na ékpi, ɔsika ana lidu lítanyi kalɔ.

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Esekiel 34:18

Bina badi bɛɛkun livo lɛbuni geen na bɛɛnya taavi lɛkladi lɛlɔ si uwi ɔni na bɛ́wɔlɔ. Na bina badi bɛɛní ntu bɔbuni, na si bɛ́wɔlɔ na bɛkya bɔkladi lɛgba na bɔbla aba aba.

Esekiel 17:9

“Na ɔƒɛni ni, Esekiel, su-mi ƒula kasusu. Aabu ka kugyii kabuli kamɛni kadubo ngba bulie? Munuu kɔdigbo aasɛ udeedi ɔmmɔ ɔdubo-ku bɔgyu budie mmɔ na ude ebi ammɔ udie-ku lɛlɔ na evete ani ƒui na ɔdaku budie mmɔ ayɛyɛ? Ɔsika kɔdigbo aasɛ ɔmmɔ ɔdubɔkana na ɔdu-ku kpɛtɛ kpɛtɛ ɔni na ɔɔɔdi bekpone pii badi na ɔdubo busie butétiku.

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Ala Alɛdi 2 7:20

ndubo-mii bɔbɔku budie kalɔ kani na líte-mii mɛni kemmo na aani kalɛ na baagyú lɛla lɛdi teedie nina kenyekɔ na lidie kakpakɔ kani na lɛ́su ka bekyuli badubo-mi butaakpa mmɔ atu na lɛda-ka liwi na bekyuli ƒui na kesi kesii beti kenye kammɔ babla aani lɛƒiankula na baataakya-ka lɛlɔ lɛma.

Kɔgya 37:2

Ɔsika uwi klukui ɔdi kama ni, Unwoti Katɔti ɔdubɔya na bamɛnɛ-ma bewi kalɔ aani livo na bakwii aani alakpi.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Lewiƒuɔ Ɔda Bubo 14:43

“Na si ɔni na básɔku kaduli kammɔ báklibi na lɛla lɛmmɔ lɛ́sɔ líbasia lɛwoduku lɛmmɔ lɛlɔ ni,

Hiob 8:17

Na kuubó kuna ligyiitu taabala atakpɛ ani nkya mmɔ taamana.