Yosua 7:7 - Katɔti Ɔku Kedee

⁷ Amu na Yosua ɔ́kpali Katɔti na ɔ́su ɔnini, “O Unwoti Katɔti Ɔni Ntulo Ƒui, báyila-bu udu! Na bi ɔsu na átaya na bɔsɔ bɔkya Yordan Ketu ɔvi ɔni nye mmomu?

Yosua 7:7 Referans Kwoze

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Baga 2 3:10

Amu na Ɔga Yehoram údie lɛdi momoomo ɔsu ɔnini, “Bi na ɔdi! Buti na Unwoti úti bula baga ɛtɛ bamɛni ɔ́sala úboku mɛni ɔnii uuti-bu ubakya Moabƒuɔ ɔga enu kemmo?”

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Kɔgya 116:11

Ina uwi ɔni na kayi kaakpulu-mi na ɔ́bla-mi dɛye dɛye ni, lɛ́su nnini, “Ɔkɔ banyine kani na bekyuli ƒui badi.”

Bumomo Bɔka 14:3

Na bi ɔsu na Unwoti úti-bu úboku kalɔ kamɛni kemmo na bubekpi na kewii kenye? Bula bekisine badubo bula beleku ku bebi buƒie bɔtɔlɔku. Ɔɔɔdia-bu uuutulo ka bɔsɔ bunwini buteesie Egyipte mmomu?”

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”

Israelƒuɔ Bɔlɛ 16:3

“Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Bumomo Bɔka 14:16

‘Unwoti útakana nwuna linyese lɛlɔ bɔdi na ɔkpanku bekyuli bamɛni usienku kalɔ kani kenye na ɔ́su-ma use mmɔ lɛlɔ. Ɔmmɔ ɔsu na ɔ́du-ma ɔ́kya ketele kalɔ kakwiidi kemmo mmɔ.’

Yosua 7:6

Amu na lɛla lɛni nálɛ mɛni ɔsu ni, ɔ́bla Yosua ku Israelƒuɔ benengu kalɛ kadi. Na báni bana lɛwu bábuɛ na báyu bébi kalɔ na Unwoti Bunyimi Adaka anumi. Na bébi kalɔ mmɔ úti útédu useyi uwi. Na béti ɔtumu bewi lili úti ɔɔtina kalɛ baadu kɔnyana.

Yosua 7:8

Unwoti nsɔ naaati lɛla lɛni lɛsu muedi ɔni na bula bekpone békeli na bátakana bunye bɔsiaku bula bekisine mɛni.

Litemi Batɛne 20:23

Na Israelƒuɔ bésie Unwoti anumi na bétéwulo bakya-nwu laa útédu useyi uwi. Na béye Unwoti banii, “Bɔsɔ busie na butékpoku bula banwani Benyamin kɔdua?” Amu na Unwoti údie kenye ɔnini, “Ɛɛn, biteesie bitékpoku-ma.”

Samuel 1 4:3

Ka bekpone bakladi bénwini bébo bana kakyakɔ ni, bana benengu bammɔ béye banini, “Bi ɔsu na Unwoti ɔ́ya na Ƒilistiƒuɔ bádi-bu lɛlɔ ɔmwi? Bɛya na butágyu Unwoti Bunyimi Adaka bɔsiku Silo buboku, na buti bɔdanku kekpokɔ mmɔ. Na ɔdubɔƒɔ ute-bu na bula bekisine ɔsu.”