Yosua 7:25 - Katɔti Ɔku Kedee

²⁵ Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.

Yosua 7:25 Referans Kwoze

Yosua 6:18

Nsu Yosua úbo-ma ɔda ɔnini, “Ɔdi uteti ala ani badubo bubele mmɔ ɔdi utakya lɛlɔ. Na si ɔdi ɔ́bla lɛdi ni, ɔdubuti lɛbibo ku ɔgbankpi uboku Israelƒuɔ akɔ.

Ala Alɛdi 1 2:7

Na Karmi bebi ndi Akar ɔni néti lɛsɛ úboku Israelƒuɔ lɛlɔ na útéti Katɔti ala ani útalɛka ukyuli ɔdi uti.

Lɛkpa Ulu 17:5

na biti ukyuli ɔmmɔ udu bɛlɛku bisienku bina ɔma kabanye na bibo-nwu atabi bɛdu.

Lewiƒuɔ Ɔda Bubo 24:14

“Biti ɔnana ɔni nétemi anyikpi mmɔ bɛlɛku bina kakyakɔ. Na bekyuli bani ƒui nénu nwuna enyekpi etemila ammɔ beti bana enu basia-nwu kuli na Israelƒuɔ ƒui bebo-nwu atabi badu.”

Lewiƒuɔ Ɔda Bubo 20:2

“Su Israel kadi bekyuli ƒui anini, ‘Ɔnana biala na ɔdi Israelni iye baƒɔ bani nkya-mii akɔ na ɔdi úti ubidi ɔdi úte ɔnii bakpa bete Molek baƒiɔ ni, ɔlɛka bebo-nwu atabi badu.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Galatiƒuɔ 5:12

Na bekyuli bani muuƒú-mii kasusu mɛni ama ni, ndubɔyɔ ka besie anumi utédu ka bekulo lɛlɔ bedie bina akɔ ƒui.

Yosua 7:15

Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”

Lɛkpa Ulu 21:21

Na si bawɔne bammɔ básu ɔmɛni báwɔlɔ ni, ɔma ɔmmɔ bekyuli bebo-nwu atabi bádu. Na ulu ɔmɛni lɛlɔ na bɛdubɔda bekyuli bekpidi bidie bina akɔ. Na ɔmɛni ɔdubɔya na Israelƒuɔ kadi ƒui benu lɛla lɛmɛni, na ukyuli biala ɔdubɔyia na ɔti lɛlɔ bɔda.

Lɛkpa Ulu 13:10

Bibo-nwu atabi bɛdu. Ɔsika ɔɔyɔ́ ka ɔtɔlɔ-mii na ɔda bina kasusu udie bina Unwoti Katɔti lɛlɔ anwu ɔni nédie-mii ɔ́lɛku Egyipteƒuɔ kalɔ lɛlɔ kesii kani nka bénye-mii lɛlɔ na bɛkya bɛɛbla bekyuli bamba kabla.

Lewiƒuɔ Ɔda Bubo 21:9

“ ‘Na si ɔkpane ɔdi ubidi ulekubi úbile lɛlɔ na úti lɛlɔ ɔ́bla ɔyalɛ ni, úwi ɔti anumi kalɔ, anwuɔsu ɔlɛka bakya-nwu ogya kemmo bakyula.

Lewiƒuɔ Ɔda Bubo 20:14

“ ‘Si ɔnana ɔdi úti ubi ku uni ni, ɔlɛka bakyula-ma na likpidi lɛmmɔ udu lɛyii udu na lilakya-mii akɔ.

Ala Kalɔ Buse 38:24

Ɔbla aani abuli atɛ kama ni, bekyuli badi bábasu Yuda banini, “Bɔ́nu ka ƒ'ubidi ule Tamar ɔ́ƒiɔ, ɔsika úti lɛlɔ ɔ́bla ɔyalɛ. Na ɔmmɔ ɔsu ɔda kaƒɔ ɔƒɛni.” Mmɔ na Yuda ɔ́su-ma ɔnini, “Bɛlɛku-nwu biboku na bɛkyula-nwu na ukpi.”

Ala Kalɔ Buse 34:30

Mmɔ na Yakob ɔ́su Simeon ku Lewi ɔnini, “Bíti lɛbibo bonwu bíboku-mi lɛlɔ. Na bíti lɛla libudi bibawɛɛ-mi lɛlɔ. Na ndubo buteenwenyi na Kanaanƒuɔ ku Perisiƒuɔ kadi bekyuli kudɔ na kalɔ kamɛni lɛlɔ. Bɛɛnu ka buuumomo na si básala lɛlɔ na báta kekpo na mina lɛlɔ ni, badubɔyila mina kaduli bekyuli ku ala ƒui udu.”

Samuel 1 14:29

Amu ka Yonatan únu kenye kammɔ ni, ɔ́su ɔnini, “Mina ɔti ɔ́kya bula bekyuli ɔgbankpi kemmo. Awɔ ɔlati ánu áti ka ɔyikun bamba úduo-mi lɛlɔ kemmo ka lɛ́di uwɔ ɔmmɔ ɔsu.

Lɛkpa Ulu 13:11

Na ɔmɛni ndubɔya na Israelƒuɔ ƒui benu lɛla lɛni nálɛ mɛni na liƒu lɛda ukyuli biala. Na ɔdi biala uleti lɛlɔ ulakya udu ukpidi ɔmmɔ kemmo kudii.

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.