Yosua 3:11 - Katɔti Ɔku Kedee

¹¹ Bɛnu! Unwoti ɔni mɔɔdi kayawi ƒui lɛlɔ Bunyimi Adaka ɔdubɔgyu bɔtɔ-mii utéduo Yordan Ketu kemmo.

Yosua 3:11 Referans Kwoze

Sakaria 6:5

Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

Sakaria 4:14

Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”

Kɔgya 24:1

Kalɔ ku kana ala ani nkya-nya kemmo ƒui ni, adi Unwoti adi. Na kalɔ lɛlɔ bekyuli ƒui badi anwu badi.

Mika 4:13

“Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Seƒania 2:11

Ndubo-ma bukpo ku kɔnyi geen kalɛ na baƒiɔ bani ƒui nkya kalɔ lɛlɔ mɛni bayii bakya na basɔ baladi lɛla lɛdi belete bekyuli, mmomu kadi biala bekyuli ɔdi biala ɔdubɔkya lili kalɔ ute-mi na kesi kesii na belie.”

Yeremia 10:7

Awɔ ndi kadi bekyuli ƒui ɔga. Na awɔ na ɔlɛka ukyuli biala ɔbu. Ɔsika ukyuli ɔyawine ɔdi uuubo kalɔ kamɛni lɛlɔ kesii kadi na ɔ́da anu utulo-ɔ.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Yesaia 3:12

Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Hiob 41:11

Ami mɔɔdi kayawi kemodi kammɔ ƒui lɛlɔ kalɛ na mɔɔyɔ́, na ɔdi uuubo kayu kadi na uuye-mi.

Lɛkpa Ulu 9:3

Nsu ɔƒɛni amii ɔlati bɛdubo bɔnu ka bina Unwoti Katɔti ɔdubo bɔgyu bɔtɔ-mii anumi aani ogya ɔni mɔɔkyula ala kalɛ. Na ɔdubo-ma udu bɔyila na ɔdi-ma lɛlɔ uwi ɔni na bɛ́kpɛ bíde-ma kalɛ na bɛkɛ kuƒi na bɛbɔku-ma bɛlɛku bana lɛma. Na ɔdia na bɛyila-ma udu pla aani kalɛ úse kenye úse.

Kɔgya 97:5

Na abi ammɔ aabwɛ na Unwoti anumi aani kalɛ na kɔma kɔɔnani. Na Unwoti ɔni mɔɔdi kayawi ƒui lɛlɔ anumi na ala ammɔ aalɛ́.

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.