Yosua 24:8 - Katɔti Ɔku Kedee

⁸ “Amu na líti-mii líboku Amoriƒuɔ bani nlie Yordan Ketu ɔƒɛ katukɔ. Na báta bébekpoku-mii na líti-ma lɛ́kya bina enu kemmo na lɛ́yila-ma udu na bina anumi. Na bíti bana kalɔ bɛbla bina kadikɔ.

Yosua 24:8 Referans Kwoze

Nehemia 9:22

“Na áya békpo bádi bagadine ku lɛma pii lɛlɔ ku kɔlɔ kɔni ani alati libo ɔmii. Na békpo bádi Ɔga Sihon ɔni mɔɔdi Hesbon kalɔ lɛlɔ. Na básɔ békpo bádi Ɔga Basan ɔni mɔɔdi Og kalɔ lɛlɔ.

Yosua 13:10

ku lɛma lɛni ndi Amoriƒuɔ ɔga ɔni baalɔ Sihon ɔni nádi lɛga na Hesbon úti útédu Amonƒuɔ ɔmii lɛlɔ.

Lɛkpa Ulu 2:32

Amu na Ɔga Sihon ɔ́ta ku nwuna bekyuli ka bebekpoku-bu na ɔma ɔni baalɔ banii Yahas.

Israelƒuɔ Bɔlɛ 23:23

Na mina ɔtu ɔdubo bɔgyu bɔtɔ-mii, na ɔtɔnku-mii utéduoku Amoriƒuɔ ku Hetiƒuɔ ku Perisiƒuɔ ku Kanaanƒuɔ ku Hewiƒuɔ ku Yebusiƒuɔ kalɔ kemmo. Na ndubo-ma bɔbɔku budie mmɔ.

Amos 2:9

“Israel, Amoriƒuɔ lɛnɔ benye mmɔ uwi ɔni na bíduo Kanaan. Bekyuli bammɔ badi bekyuli bani na bákuku aani egyii enengudi ani na ebo ɔkplu geen. Nsu lɛ́bɔku-ma lídie mmɔ ƒui lidu ku lidu.

Amos 2:10

“Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.