Yosua 24:21 - Katɔti Ɔku Kedee

²¹ Amu na Israelƒuɔ básu Yosua banini, “Kudii! Unwoti lɛti na bɔdubɔsiaku.”

Yosua 24:21 Referans Kwoze

Yesaia 44:5

Na badubɔkun lɛmɛnɛ na ɔdi ɔsu ɔnii, ‘Unwoti ɔdi na ndi.’ Na ɔbambadi ɔsu ka ‘Yakob kaba ubi na ndi.’ Na ɔbambadi unweni ɔsia nwuna kɔnu lɛlɔ ɔnii, ‘Unwoti mbo-mi.’ Na bana ƒui badubɔsu ka Israelƒuɔ na badi na Unwoti mbo-ma na ɔɔɔdi baƒiɔ.

Israelƒuɔ Bɔlɛ 20:19

Na básu Mose banini, “Si Unwoti úbo litemi lɛdi na wasu-bu ni, na ɔsu-ɔ na asu-bu. Na bulayɔ ka Unwoti ɔlati ɔtɛmi ute-bu. Si ɔɔɔdi lɛni bula ƒui bɔdubo bukpi.”

Israelƒuɔ Bɔlɛ 19:8

Amu na bana ƒui bédie kenye banini, “Bɔdubɔbla lɛla biala na Unwoti ɔ́su-bu.” Anwuɔsu Mose únwini útásu Unwoti kenye kani bekyuli bammɔ bédie.

Lɛkpa Ulu 26:17

Na ɔmwi ni, bɛ́lɛ ugyii ka Unwoti ndi bina Katɔti, na bíse kenye ka bɛdubunu-nwu litemi na bɛdubɔdi nwuna ɔda bubo ƒui lɛlɔ, na lɛla biala wasu-mii ni, bɛdubuti-ni.

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Israelƒuɔ Bɔlɛ 24:3

Amu na Mose únwini úsie bekyuli bammɔ kudɔ na útásu-ma Unwoti ɔda ɔni na úbo-ma ƒui. Amu ka ɔ́su-ma ɔ́wɔlɔ ni, bekyuli bammɔ ƒui bédie kenye banini, “Búnu lɛla biala na Unwoti ɔ́su, na bɔdubo ɔda bubo bɔmmɔ ƒui lɛlɔ bɔdi.”

Yosua 24:20

Na si bíni Unwoti na bitásiaku kadi bamba baƒiɔ ni, ɔdubɔya na ɔgbankpi ubo-mii lɛlɔ na ɔyila-mii udu ina ka ɔ́yɔ-mii litemi dii.”

Yosua 24:22

Ɔmmɔ kama Yosua ɔ́sɔ ɔ́su-ma ɔnini, “Amii alati bɛdi kenye bediene bite lɛlɔ ka amii náƒuna ka bɛdubɔsiaku Unwoti.” Amu na Israelƒuɔ básu banini, “Ɛɛn, bɔdi kenye bediene bute ɔmɛni.”