Yosua 23:12 - Katɔti Ɔku Kedee

¹² “Nsu si bɛ́lɛ bina Unwoti kama na bíti lɛlɔ bɛ́sala ku kadi bamba bekyuli bani nébu mmɔ akɔ na biiti lɛlɔ ni,

Yosua 23:12 Referans Kwoze

Lɛkpa Ulu 7:3

Na bitaya na amii ku kadi bamba bammɔ bekyuli biti lɛlɔ. Biteti bina bebi beleku bitete-ma iye biti bana belekubi bite bina bananabi.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Esekiel 18:24

“Nsu si bekyuli bekpidi bése kalɔ ku ngba bukpidi bulie na baabla ala ani muusé lɛlɔ ni, ɔmmɔ ɔdubɔya na belie ngba? Oowo! Mmomu bana lɛbuni lɛni na bábla bávi ƒui lɛdubo bɔyii na bayiƒala-nya. Na ɔmmɔ ɔsu badubo-ma bɔdu na bana ekpidi ɔsu.

Yohane 1 2:9

Na ukyuli biala ɔni masu ɔnii ɔkya bukeye kemmo nsu uukisi nwuna ɔƒɔtaadine ɔkpana ni, ɔmu ɔkya lɛdisa kemmo.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Yohane 6:66

Na ɔmɛni kama ni, nwuna basiakune pii bénwini kama na básɔ bátasiaku-nwu.

Mateo 12:45

Ɔmɛni ɔsu ni, ɔɔsɔ teenwini teesie na utákpanku ayu ekpidi maatɛ ani ntulo-nwu, na bebo bebelie mmɔ. Na kawɔlɔkɔ ni, ukyuli ɔmmɔ ablala eebie teetulo kalɛ na ése kudeedi muedi. Ɔmɛni ndububo kaba kekpidi kamɛni lɛlɔ.”

Yesaia 1:4

O kadi bekyuli bekpidi, bana ekpidi énwini etila na aayu-ma unu. Badi alaekpidi bablane kasala, bebi bekpidi bani muusé lɛlɔ! Béni na bédie Unwoti atu, na béni Israel Ɔlatidi Kedee ɔmmɔ, na bénwini kama bákya-nwu.

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Kɔgya 36:3

Alaekpidi ku ɔkɔ ala sɔɔn na baatɛmi. Na bédeyi bálɛ lɛnunda ulu lɛlɔ na basɔ balábla lɛbuni lɛdi.

Baga 1 11:4

Na uwi ɔni na Salomo ɔ́bi lɛlɔ ni, nwuna beleku bamɛni bénwini-nwu kayi. Na úsie ɔɔkpá benwoti babambadi. Ɔni na nwuna kayi ƒui kasɔ kaaasia nwuna Unwoti Katɔti lɛlɔ aani kalɛ na ɔti Dawid kayi kése.

Baga 1 11:2

Na beleku bammɔ bási kadi bani bekyuli akɔ na Unwoti ɔ́su Israelƒuɔ ɔnini, “Amii ku kadi bammɔ bekyuli biteti lɛlɔ, ɔsika badubɔtɔlɔ-mii batákya bana lɛƒiɔkpa kemmo.” Nsu ɔmɛni ƒui kama kadi kammɔ beleku bɔyɔ bɔkya Salomo kayi geen.

Ala Kalɔ Buse 34:3

Ɔ́si ɔmmɔ lɛlɔ ni, Yakob ubidi Dina litemi lɛ́da Sekem kayi geen. Na ka ɔɔyɔ́-nwu ɔsu ni, ɔɔtɛmiku-nwu kpɛtɛ kpɛtɛ.

Ala Kalɔ Buse 2:24

Ɔmɛni ɔsu na ɔnana ɔdubɔmami ɔti ku uni lɛlɔ na uti lɛlɔ utámana ulekudi lɛlɔ. Na bana inyɔ badubɔbla ɔlɔna unwi.

Lɛkpa Ulu 7:4

Na si bɛ́ya na bábla lɛni ni, bekyuli bammɔ badubɔkpanku bina bebi na batátaakpa baƒiɔ na benwini kama bakya bana Unwoti. Na ɔmɛni ɔdubɔya na Katɔti uti kɔnyi ɔkya-mii na ɔyila-mii udu kɔnakunwi.

Yosua 23:11

Ɔmɛni ɔsu bɛnu kaduɛ geen na biti bɔyɔ bite bina Unwoti Katɔti.

Litemi Batɛne 3:6

Na kadi bekyuli bamɛni ku Israelƒuɔ beeti lɛlɔ, na Israelƒuɔ baakpá bana baƒiɔ.

Lɛkpa Ulu 6:15

Na si bɛ́yu atuɔkplu na bɛkya bɛɛkpá baƒiɔ bammɔ badi ni, Katɔti kɔnyi kɔdubo-mii lɛlɔ aani ogya na ɔdubɔkyula-mii na ɔyila bina udu ƒui ɔlɛku kalɔ kammɔ lɛlɔ. Ɔsika Bina Katɔti ɔdi Katɔti ɔni muukpó kogyulo.

Litemi Batɛne 14:3

Na ɔti ku uni béye-nwu banini, “Uleku ɔdi uuubo na ɔɔdia bɔnu na ɔmanku-ɔ na bula ɔtɔ kemmo? Iye ɔdi uuubo na bula kadi akɔ? Bi ɔsu na Ƒilistiƒuɔ bani neeekulo ago mɛni kudɔ na adubusie etéti uleku?” Nsu Simson únye ɔti lɛlɔ na ɔ́su-nwu ɔnini, “Tévele-nwu te-mi. Ɔsika anwu námanku-mi.”