Yosua 23:10 - Katɔti Ɔku Kedee

¹⁰ Bina kemmo ukyuli biala ɔkana na ɔya na bekisine apim unwi bekeli, ɔsika bina Unwoti Katɔti muukpó bina kekpo teete-mii aani kalɛ na ɔ́su úse.

Yosua 23:10 Referans Kwoze

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Lewiƒuɔ Ɔda Bubo 26:8

Bina nkyuli ɛlɔ bɛdubo bina bekisine eti anyɔ bɔbɔku na bina nkyuli eti anyɔ bɛdubo bana mpim leevu bɔbɔku. Na bɛdubɔdu-ma ƒui na bina kuwii kenye.

Lɛkpa Ulu 3:22

Anwuɔsu tayia-ma, ɔsika ƒula Unwoti Katɔti ɔdubukpo ƒula kekpo biala ute-ɔ.”

Israelƒuɔ Bɔlɛ 14:14

Unwoti ɔdubo bukpo bute-mii, amii ɔdi kani ndi ka binye kpoo bitaanu.”

Kɔgya 35:1

Unwoti, muuvele-ɔ geen nnii bekyuli bani muunye teetile-mi ni, awɔ lɛnɔ nye tile-ma. Na bani nsiaku-mi muukpóku-mi ni, awɔ lɛnɔ kpoku-ma.

Lɛkpa Ulu 20:4

Ɔsika bina Unwoti Katɔti ɔkya-mii akɔ na ɔdubɔya na bɛdi lɛlɔ.”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Yosua 23:3

Na amii alati bɛ́nu lɛla lɛni na bina Unwoti Katɔti úti ɔ́bla kadi bamba bekyuli ɔ́si amii ɔsu. Na bina Unwoti Katɔti nékpo bina kekpo ƒui úte-mii.

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Yosua 10:42

Na Yosua ɔ́di baga bamɛni ƒui ku bana kɔlɔ ƒui lɛlɔ uwi unwi pɛ kani kemmo. Ɔsika Israelƒuɔ Unwoti Katɔti nékpo úte-ma.

Litemi Batɛne 15:15

Na ka ɔ́nu ebuo ala utine ɔnungla likubi lɛdi ni, úti-ni na ɔ́du bekyuli apim unwi.

Samuel 2 23:8

Na Dawid basiakune kpakplaa bani ndi-nwu bayikune geen ndi Yoseb-Basebet ɔni ndi Tahkemonni na ɔdi bekpone batɔnkune bammɔ unengu. Na anwu nádu nkyuli eti leevu-ɛku na kekpo kenwi kemmo.

Litemi Batɛne 3:31

Ɔmmɔ kama Israelƒuɔ básɔ bákɛ litemi ɔtɛne bamba. Na anwu ndi Samgar na ɔti ndi Anat, na anwu lɛnɔ úkpo ɔ́ƒɔ Israelƒuɔ. Na úti ugyii ɔdadi ɔ́du Ƒilistiƒuɔ nkyuli eti leevu-anyɔ (600).

Lɛkpa Ulu 20:3

“Israel bananabi, bise atu na binu. Ɔmwi kadi ni, bísela bitékpo. Bitayia bina bekisine bammɔ na enu ataƒɛ-mii na ɔtɔtɔ utagyu-mii.

Lɛkpa Ulu 28:7

Na Unwoti ɔdubɔdi bina bekisine lɛlɔ ute-mii si bata banii bebekpoku-mii. Bekisine bammɔ badubɔsia ulu unwi bebo, nsu badubɔsia lilu maatɛ lɛlɔ bekeli.

Lɛkpa Ulu 32:20

Na ɔ́su ɔnii ɔsɔ ulebunku-ma lɛnɔ. Na ɔdubunye bɔnu lɛla lɛni malɛku-ma. “Bekyuli bamɛni báyii ulu na bana ablala eeese siin.

Yosua 23:11

Ɔmɛni ɔsu bɛnu kaduɛ geen na biti bɔyɔ bite bina Unwoti Katɔti.

Ala Alɛdi 1 5:22

Na bádu bekisine bammɔ kaduɛ. Ɔsika Katɔti ɔlati muukpó kekpo kammɔ. Na kaba bekyuli bammɔ bamu beli ɔmii ɔmmɔ lɛlɔ útédu ka kekpo kéƒie-ma katɔlɔku.

Yesaia 30:17

Na ukisine unwi ɔdubo bina nkyuli eti leevu bɔbɔku. Na bana ɛlɔ muedi badubɔbɔku bina ƒui batɔlɔku. Na kawɔlɔkɔ ni, bina ɛlɛɛ kani ndubo bubu na bɛbla kɔnyana aani kalɛ na beekú lɛkpa linwi pɛ teenyene kɔbi kɔdi lili.”

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Lewiƒuɔ Ɔda Bubo 26:7

Bɛdubo bina bekisine bɔbɔku útédu ka bɛ́du-ma ku bina kuwii.

Ala Alɛdi 1 5:20

Na béti bana anu básia Katɔti lɛlɔ. Na bákpali-nwu ka ute-ma kebunku. Na Katɔti lɛnɔ únu-ma bɔkpali. Na békpo bádi Hagarƒuɔ bammɔ ku bakladi bammɔ lɛlɔ.