Yosua 21:44 - Katɔti Ɔku Kedee

⁴⁴ Na Unwoti ɔ́ya na bákɛ atu bɔyɔ na kalɔ kammɔ ƒui kemmo aani kalɛ na ɔ́su bana bati kuuku úse. Na bana bekisine ƒui bátakana na bénye basiaku-ma. Ɔsika Unwoti ɔlati nékpo úte Israelƒuɔ.

Yosua 21:44 Referans Kwoze

Yosua 11:23

Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Hebriƒuɔ 4:9

Ɔmɛni ɔsu na lɛnwunameyi lɛmu lise lite Katɔti bekyuli.

Israelƒuɔ Bɔlɛ 23:31

“Na ndubo bɔya na bina lɛmii lise kalɔ lɛsiku Ɛpugyie kɔtu útédu Mediterenia Ɛpu kenye. Na ɔsɔ ɔsi ketele kemmo útédu Euƒrate Ketu kenye. Na ndubuti bekyuli bani nli kalɔ kammɔ kemmo lɛkya-mii enu kemmo, na bɛbɔku-ma bɛlɛku bina anumi.

Yosua 22:9

Amu na Ruben ku Gad kaba ku Manase kaba bekyuli kakɛ bamɛni bénwini bésie bana keliekɔ. Na bada Israelƒuɔ bakladi bákya Silo na Kanaan kalɔ lɛlɔ. Na ama bátɔlɔ bésie Gilead kalɔ kani na Unwoti úbo Mose ɔda ka badubɔƒɔ babla bana kadikɔ.

Yosua 22:4

Na aani kalɛ na ɔ́su úse ni, bina Unwoti Katɔti ɔ́ya na kaba kammɔ ƒui bákɛ atu bɔyɔ. Anwuɔsu bɛsɔ binwini na biteesie bitélie bina kalɔ lɛlɔ. Na bitélie kalɔ kani na Unwoti kabla ɔblane Mose úti úte-mii aani bina kadikɔ na Yordan ɔƒɛ katukɔ mmɔ.”

Yosua 1:15

úti útédu ka Unwoti úte-ma keliekɔ aani kalɛ na ɔ́bla úte-mii. Na si Unwoti ɔ́ya na Israelƒuɔ bakladi bammɔ bákɛ keliekɔ ni, uwi ɔmmɔ na bekpone bammɔ badubɔsɔ benwini besie bana keliekɔ kani na Unwoti kabla ɔblane Mose úte-ma na Yordan ɔƒɛ katukɔ kakɛ.”

Yosua 1:13

“Binyimo Unwoti kabla ɔblane Mose ɔda ɔni na úbo-mii ɔnini, ‘Bina Unwoti Katɔti úti kalɔ kakɛ kani na Yordan ɔƒɛ katukɔ mɛni úte-mii ka kenwini bina keliekɔ.’

Israelƒuɔ Bɔlɛ 33:14

Amu na Unwoti ɔ́su Mose ɔnini, “Ndubɔkpanku-mii, na ndubɔya na bikpo bɛdi lɛlɔ.”

Lɛkpa Ulu 21:10

Si bísie kekpo kadi na bina Unwoti Katɔti ɔ́ya na bɛ́di-ma lɛlɔ na bíƒie bekyuli badi

Yosua 23:1

Ɔ́ɔƒɔ uwi geen ka Unwoti ɔ́ya na Israelƒuɔ bákɛ bɔnwuna básiku bana bekisine enu kemmo. Ɔƒɛni lɛnɔ Yosua ɔ́ɔbi lɛlɔ na nwuna akwa lɛnɔ éesie anumi geen.

Yesaia 63:14

Kalɛ na bebuo baayu teesie ɔkwalɛ kesii kani nse-ma kpoo ni, lɛni na Unwoti ɔ́ya na bákɛ bɔnwuna ɔkɛnku nwuna Kɔyu kɔni mɔɔtɔnku-ma lɛlɔ na ɔ́ƒɔ lɛnyi lɛni muukeye geen.

Lɛkpa Ulu 2:36

Na ɔdanku ɔ́si Aroer ɔni ntɛ Arnon Kɔwɛ kenye ku lɛma lɛni nkya mmɔ ƒui úti útédu Gilead. Ɔma biala uuubo ɔni bútadi-ma lɛlɔ. Bula Unwoti Katɔti úti lɛma lɛmmɔ ƒui ɔ́kya-bu enu kemmo.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Yosua 11:8

Na Unwoti úti bekyuli bammɔ ɔ́kya Israelƒuɔ enu kemmo na bádu-ma kaduɛ na bani lɛnɔ nékeli ni, babi basiaku-ma bétédu Sidon Bonwu ku Misreƒot-Maim kemmo úti útédu Mispa Kɔwɛ kɔni nkya ɔƒɛ katukɔ. Na bádu-ma laa úti útédu ka bana akɔ ukyuli unwi muedi útebu.

Yosua 11:12

Na Yosua úkpo ɔdi lɛma lɛni nkya mmɔ ku bana baga ƒui lɛlɔ. Na ɔ́du ukyuli biala aani kalɛ kani na Mose ɔni ndi Unwoti kabla ɔblane úbo-nwu ɔda kalɛ.

Ala Alɛdi 2 13:16

Na Israelƒuɔ békeli bátɔlɔ na Katɔti úbunku Yudaƒuɔ bekpone bammɔ, na bádu bana bekisine kaduɛ bani mabla aani nkyuli mpim ɛlɔ.