Yosua 15:8 - Katɔti Ɔku Kedee

⁸ Na ɔkɛ Hinom Kɔwɛ kemmo na Yebusiƒuɔ ɔma ɔni ndi Yerusalem. Na ɔkɛ kɔbi kɔni nkya Hinom Kɔwɛ kɔni nkya ɔƒɛ kanukɔ na Reƒaiƒuɔ Kɔwɛ na katɔ kakɛ úti útédu eli kakɛ.

Yosua 15:8 Referans Kwoze

Yosua 18:16

Na údeyi ɔkɛ kɔbi kɔni ntɛ Hinom úsie utédu Reƒaiƒuɔ Kɔwɛ kemmo na katɔ kakɛ. Na údeyi ɔkɛ Hinom utédu kɔwɛ úsie Yebusiƒuɔ kada ntɛ, na ɔ́kanti ɔkɛ En-Rogel.

Yosua 15:63

Na Yebusiƒuɔ bani nli Yerusalem ama ni, Yudaƒuɔ bátakana na babɔku-ma. Anwuɔsu Yebusiƒuɔ ku Yudaƒuɔ baamu beli Yerusalem bébedu ɔmwi limeyi lɛmɛni.

Litemi Batɛne 19:10

Nsu ɔnana ɔmɛni úni ɔnii ɔsɔ ulatɛ. Ɔmɛni ɔsu anwu ku ulekudi ku kabla bablane ku nwuna bebuo ala betine inyɔ báta na béti anumi bátina Yebus ɔni baalɔ banii Yerusalem.

Yosua 18:28

ku Sela ku Ha-Eleƒ ku Yerusalem kesii kani na Yebusiƒuɔ bélie, ku Gibeat ku Kiriat-Yearim. Lɛdi lɛma leevu-ine ku nina akpaklɔ. Na ɔmɛni ndi kalɔ kani na béte Benyamin kaba bekyuli.

Baga 2 23:10

Na Ɔga Yosia ɔ́sɔ úbie Toƒet ɔni nnkya Hinom Kɔwɛ kalɛ na ukyuli biala ɔ́sɔ ulákɛ kuƒi na uti ubidi ulekubi iye ɔnanabi utábla bɔkyula akpala ute Molek baƒiɔ lɛnɔ.

Litemi Batɛne 1:21

Nsu Benyamin kɔdua bekyuli ama bátakana Yebusiƒuɔ bɔbɔku bɔlɛku Yerusalem mmɔ, anwuɔsu ama ku Benyamin kɔdua bekyuli bamu belie mmɔ úbedu ɔmwi kadi.

Yeremia 19:14

Ɔmmɔ kama ni, lɛ́gyu lísie Toƒet kesii kani na ńtásu bekyuli bammɔ lɛla lɛni na Unwoti ɔ́su. Na lɛ́vi lísie kakpakɔ kaduli kemmo na ńtákɔ lɛsa líte bekyuli bammɔ nnini,

Yeremia 19:6

Anwuɔsu binye kagyumana! Limeyi lɛdi lɛdubo ɔni na basɔ baaadubo mɛni bɔlɔ banii Toƒet iye Hinom Kɔwɛ. Mmomu badubɔlɔ mɛni banii Bekyuli Kadukɔ Kɔwɛ!

Yeremia 19:2

Na bisie Hinom Kɔwɛ kemmo na kesii kani baalɔ banii kavɔ abwɛdi ɔban kenye na asu bekyuli bammɔ anii ami nnini,

Yesaia 17:5

Na kalɔ kammɔ kadubɔbla aani kemo kani na umonsene údie atu, uwi ɔni na báaƒɛ edula abunidi ƒui, ani nnye ku ebi sɛɛn bédie-ka kemmo. Lɛni geen na ɔdubuse aani Raƒaƒuɔ Kɔwɛ kemo kani kemmo na bávi bála lɛmuyɔ ƒui.

Ala Alɛdi 2 28:3

Ɔ́bla akpala úte ala bamba na kesii kani baalɔ banii Ben-Hinom Kɔwɛ kemmo. Na ɔni na utulo ƒui ndi ɔni na ɔsiaku kadi bamba ɔbladu kama na úti ubidi ɔnanabi ɔ́kyula ɔ́kpa. Na ɔmmɔ ɔdi lɛla lɛni muusé Katɔti lɛlɔ geen. Anwuɔsu na ɔ́bɔku-ma ɔ́lɛku Israel kɔlɔ kemmo.

Samuel 2 5:22

Uwi ɔdi kama ni, Ƒilistiƒuɔ básɔ bébo bébegyingya bákya Reƒaiƒuɔ Kɔwɛ kemmo mmɔ.

Samuel 2 5:18

Na uwi ɔni na Dawid ɔ́bɛ ɔkya mmɔ ni, únu ka Ƒilistiƒuɔ bésie bétégyingya bakya Reƒaiƒuɔ Kɔwɛ kemmo.

Litemi Batɛne 1:8

Amu na Yuda kɔdua bekyuli báta na bétékpoku Yerusalemƒuɔ, na béƒie-nwu báƒɔ. Na bádu-ma ƒui ku kuwii, na bátu ogya bakya ɔma ɔmmɔ.

Ala Alɛdi 1 11:4

Amu na anwu ku nwuna bekpone bésie banii bétékpoku-ma. Nsu Yebusiƒuɔ básu Dawid banini, “Bilakana mɛni buduo.”

Nehemia 11:30

ku Sanoa ku Adulam ku akpaklɔ ani náka ámana-ma ku Lakis ku bana mmo bɔni nde-ma ku Aseka ku nwuna akpaklɔ. Na bekyuli bani nási Yuda belie Beer-Seba ɔmii kada kakɛ útédu Hinom Kɔwɛ kakɛ.