Yosua 15:13 - Katɔti Ɔku Kedee

¹³ Kalɛ kani na Unwoti úbo Yosua ɔda ni, lɛni na Yosua úte Kaleb ɔni ndi Yeƒune ubidi kalɔ na kakɛ kani na Yuda kaba bebi belie-ka kemmo. Na Hebron na baalɔ banii Kiriat Arba. Na Arba ndi Anak ɔti kuuku.

Yosua 15:13 Referans Kwoze

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Ala Kalɔ Buse 23:2

Na úkpi na Kiriat-Arba, ɔni lɛnɔ basɔ baalɔ Hebron, na Kanaan kalɔ lɛlɔ. Mmɔ na Abraham útéwulo-nwu.

Bumomo Bɔka 13:6

Yuda kaba kemmo ukyuli ndi Yeƒune ubidi Kaleb.

Yosua 21:11

Na béte-ma ɔma ku kalɔ kani na bebuo kadikɔ kakya na baalɔ-nwu banii Kiriat-Arba iye Arba na basɔ baalɔ-nwu Hebron. Na Arba ɔmɛni ndi Anak ɔti kuuku.

Litemi Batɛne 1:10

Na bésie anumi bétékpoku Kanaanƒuɔ bani nlie Hebron, kesii kani na bátaalɔ banii Kiriat-Arba, na básɔ bésie bétékpoku Sesai ku Ahiman ku Talmai kadi bekyuli, na bádi-ma lɛlɔ.

Samuel 1 25:3

Ɔnana ɔmmɔ baalɔ Nabal, na ulekudi baalɔ Abigail. Uleku ɔmmɔ ɔɔdia bɔnu geen na ubo kasusu. Nsu ɔgyani ɔ́si ɔnana ɔni na baalɔ Kaleb kɔdua kemmo na ulábu lɛla lɛdi na ubo ulikplu lɛnɔ.

Samuel 1 30:14

Búbekpoku Keretiƒuɔ ku Yuda kalɛkɛ lɛma ku Kaleb kalɔ bekyuli, na bɔ́kyula Siklag.”

Ala Alɛdi 1 6:56

Nsu mmo ku akpaklɔ ani nde ɔma unengudi ɔmmɔ ni, béti béte Yeƒune ubidi Kaleb.

Ala Kalɔ Buse 13:18

Anwuɔsu Abram ɔ́ta mmɔ ku nwuna ala ƒui na úsie kesii kani na Mamre egyii enengudi enye na Hebron kalɔ lɛlɔ. Na mmɔ na ɔ́tu lɛkpabi úte Katɔti.

Yosua 11:21

Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

Yosua 20:7

Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.

Litemi Batɛne 1:20

Béti Hebron kalɔ béte Kaleb aani kalɛ na Mose úbo-ma ɔda úse, ɔsika Kaleb ɔmmɔ nékpoku Anak bebi ɛtɛ kaba bekyuli bani nélie mmɔ na ɔ́bɔku-ma ɔ́lɛku mmɔ.

Samuel 1 30:31

ku Hebron. Na úmene ala kesii kani ƒui na anwu Dawid ku nwuna badi bélie bávi ƒui.

Samuel 2 2:1

Na uwi ɔdi kama ni, Dawid úye Unwoti ɔnini, “Aayɔ́ ka lisie na ntélie Yuda kalɔ lɛlɔ ɔma ɔdi kemmo?” Amu na Unwoti údie kenye na ɔ́su-nwu ɔnini, “Lɛ́tuna, teesie.” Dawid ɔ́sɔ úye-nwu ɔnini, “Unwoti, na ɔma ɔmani kemmo na aayɔ́ ka ntélie?” Mmɔ na Unwoti ɔ́su-nwu ɔnini, “Teesie Hebron ɔma kemmo.”

Ala Alɛdi 2 11:10

Sora ku Aiyalon ku Hebron. Na uwi ɔni na ɔ́tu ɔmana lɛma lɛmɛni ɔ́wɔlɔ na Yuda ku Benyamin kalɛkɛ ni,