Yosua 13:7 - Katɔti Ɔku Kedee

⁷ Na ele kɔlɔ kɔmmɔ ete Israel kaba yaalenwi bakladi bani nebu. Na ele kɔdi ete Manase kaba kakɛ kakladi. Na bana ɔdi biala ɔkɛ nwuna kadikɔ.”

Yosua 13:7 Referans Kwoze

Bumomo Bɔka 33:54

Bɛtu egulabi na bɛnu kalɔ kammɔ bule. Na kaba kani bekyuli mmomo ni, bite-ma kadikɔ na kemomo. Na bani nse blii suɛ ni, bite ama lɛnɔ blii suɛ. Na lɛla lɛni nédu ɔdi biala na kalɛ na bɛ́tu egulabi ammɔ bɛ́nu kenye ni, mmɔ ndubɔbla bana kadikɔ. Na si atu egulabi ammɔ kesii kani nésie kaba biala kakɛ ni, ti-ka ute kaba kammɔ. Na ele-ka na kaba bati bammɔ kenye.

Yosua 13:6

“Na bani ƒui nli abi lɛlɔ ɔ́si Lebanon útédu Misreƒot-Maim na badi Sidomƒuɔ ni, ami Unwoti ɔlati ndubo-ma bɔbɔku bute Israelƒuɔ. Na lɛla lɛni kani na ɔlɛka abla ndi ka ele kɔlɔ kɔmmɔ ete Israelƒuɔ aani kalɛ kani na líbo-ɔ ɔda nnii bla.

Yosua 13:8

Na kalɔ kani nkya késie Yordan Ketu ɔƒɛ katukɔ kakɛ ni, Mose ɔni ndi Unwoti kabla ɔblane úle kalɔ kammɔ úte Ruben kaba ku Gad kaba ku Manase kaba bekyuli kakɛ kani nébu.

Kɔgya 78:55

Ɔ́bɔku kadi bamba bekyuli ɔ́lɛku bana anumi. Na úti bana kɔlɔ ku kuliekɔ úle úte-ma aani bana kadikɔ na bélie mmɔ.

Kɔgya 105:44

Na úti bekyuli bamba kɔlɔ úte-ma. Na mmo bɔni kadi bamba bekyuli bése ku bana akɛla ƒui énwini bana ɔdi.

Esekiel 45:1

Unwoti ɔnini, “Si uwi ɔni na béti Israel kalɔ kammɔ béle béte adua leevu-anyɔ ammɔ ni, ɔlɛka bidie kesii kadi bise sɛsɛɛ bite-mi. Na likpo kedee lɛmɛni bune ɔlɛka bɔbla lɛma inyɔ ntɛ eluku bɔkɔku maane na nwuna bɔbɛbɛ ɔbla eluku aku.

Bumomo Bɔka 34:13

Ɔmmɔ ɔsu Mose úbo Israelƒuɔ ɔda ɔnini, “Bɛtu egulabi bɛnu kalɔ kammɔ bule na bile-ka lɛni kani bite kaba yaalenwi ku kakɛ bekyuli bammɔ,

Yosua 14:2

Na bátu egulabi bánu kalɛ na badubuti bele kɔlɔ kɔmmɔ bete-ma aani kalɛ na Unwoti úbo Mose ɔda ɔnii ule kɔlɔ kammɔ ute Israelƒuɔ kaba yaalenwi ku kakɛ kani nébu.