Yosua 12:1 - Katɔti Ɔku Kedee

¹ Israelƒuɔ békpo bádi baga inyɔ badi lɛlɔ. Na béti bana kɔlɔ kɔni nwi Yordan Ketu úti úsie ɔƒɛ katukɔ na ɔ́si Arnon Kɔwɛ útédu Hermon.

Yosua 12:1 Referans Kwoze

Litemi Batɛne 11:18

“Ɔmmɔ kama básia ketele ulu ɔni ntɛ úsie Edom ku Moab kalɔ, na bakɛ baaka taamana úti útédu ka bédu Moab ɔƒɛ katukɔ kakɛ, na bétélie mmɔ na Arnon Ketudɔ. Na béteduo Moab kalɔ kemmo, ɔsika Arnon ndi bana ɔmii.

Yosua 1:15

úti útédu ka Unwoti úte-ma keliekɔ aani kalɛ na ɔ́bla úte-mii. Na si Unwoti ɔ́ya na Israelƒuɔ bakladi bammɔ bákɛ keliekɔ ni, uwi ɔmmɔ na bekpone bammɔ badubɔsɔ benwini besie bana keliekɔ kani na Unwoti kabla ɔblane Mose úte-ma na Yordan ɔƒɛ katukɔ kakɛ.”

Bumomo Bɔka 21:24

Na Israelƒuɔ bádu-ma kaduɛ. Ɔmmɔ ɔsu béti bana kalɔ ɔ́si Arnon útédu Yabok. Na ɔmmɔ ɔdi Amonƒuɔ kakɛ. Ɔsika Amonƒuɔ bágyumana bana ɔmii kaduɛ.

Bumomo Bɔka 21:13

Na ka básɔ bási mmɔ ni, bakɛ lɛgya lɛgya na betédu Aron ketele kalɔ kakwiidi kani nkɛ utédu Amoriƒuɔ ɔmii lɛlɔ. Na Arnon ndi Moabƒuɔ ɔmii ɔni nkya Moabƒuɔ ku Amoriƒuɔ ntɛ.

Yesaia 16:2

Moabƒuɔ beleku bese aani baasɛ bani na bábɔku bálɛku ayu kemmo na batɛ Arnon Ketu kaviakɔ mmɔ.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.

Yosua 22:4

Na aani kalɛ na ɔ́su úse ni, bina Unwoti Katɔti ɔ́ya na kaba kammɔ ƒui bákɛ atu bɔyɔ. Anwuɔsu bɛsɔ binwini na biteesie bitélie bina kalɔ lɛlɔ. Na bitélie kalɔ kani na Unwoti kabla ɔblane Mose úti úte-mii aani bina kadikɔ na Yordan ɔƒɛ katukɔ mmɔ.”

Yosua 11:17

Na ɔ́sɔ ɔ́ƒɔ ɔ́siku Halak abi lɛlɔ ɔ́kɔ úsie Seir úti útédu Baal-Gad ku Lebanon Kɔwɛ na Hermon abi kaƒɔna lɛlɔ ƒui. Na Yosua ku kɔlɔ kɔmɛni baga békpo bétu uwi na úƒie-ma na ɔ́du-ma ƒui kede kede.

Yosua 11:3

Na ɔ́tala batu bamba na Kanaanƒuɔ bani nlie Yordan Ketu ɔƒɛ katukɔ ku kanukɔ ku Amoriƒuɔ ku Hetiƒuɔ ku Perisiƒuɔ ku Yebusiƒuɔ bani nlie abi eli ku Hewiƒuɔ bani nlie Harmon Kɔbi kaƒɔna na kada kakɛ na Mispa kalɔ lɛlɔ ka bebo na bebebunku-ma na bekpoku Israelƒuɔ.

Lɛkpa Ulu 4:48

Na kalɔ kamɛni kadanku ɔ́si Aroer ɔni ntɛ Aron Kɔwɛ kenye úti útédu Sion Kɔbi kɔni baalɔ banii Hermon

Lɛkpa Ulu 2:24

Amu na Katɔti ɔ́su-bu ɔnini, “Bɛklibi lɛlɔ na bítávia Arnon Kɔwɛ. Ɔsika líti Hesbon Ɔga Sihon ɔni ndi Amorini kalɔ lɛ́kya-mii enu kemmo. Bise kalɔ bitaadi kalɔ kammɔ lɛlɔ na biteekpoku-ma.

Bumomo Bɔka 32:19

Na abu bulawia kadikɔ kadi bulásiku-ma kudɔ na Yordan ɔvi ɔmmɔ. Ɔsika abu bɔ́ɔkɛ bula kadikɔ na Yordan ɔƒɛ katukɔ kakɛ.”

Bumomo Bɔka 32:33

Anwuɔsu Mose úti Amoriƒuɔ Ɔga Sihon ku Basanƒuɔ Ɔga Og lɛgakadikɔ kalɔ ku lɛma lɛni nkya amadɔ mmɔ ƒui úte Gad ku Ruben kaba ku Yoseƒ ubidi Manase kaba bekyuli.

Yosua 13:8

Na kalɔ kani nkya késie Yordan Ketu ɔƒɛ katukɔ kakɛ ni, Mose ɔni ndi Unwoti kabla ɔblane úle kalɔ kammɔ úte Ruben kaba ku Gad kaba ku Manase kaba bekyuli kakɛ kani nébu.

Kɔgya 89:12

Kayawi kemodi ɔ́si ɔƒɛnyi unwi útédu ɔkladi ƒui awɔ nédie-ka. Lɛlɔ lɛɛyɔ́ Tabor ku Hermon abi na eedie ƒula bumwi keyi.

Kɔgya 136:21

Na bana kɔlɔ ni, ɔ́ya na kúnwini bula kese. Ɔsika ɔɔyɔ́-bu uwi ndi uwi.

Bumomo Bɔka 21:21

Amu na Israelƒuɔ bátala batu bákya Amoriƒuɔ Ɔga Sihon ka,

Bumomo Bɔka 32:32

Na nwuna ɔda bubo lɛlɔ ni, bɔdubɔtu akpagya na bɔvia Yordan Ketu busie Kanaan kalɔ lɛlɔ butékpo. Kalɛ na bula kadikɔ kani nkya Yordan ɔƒɛ katukɔ kabla bula kadi.”

Lɛkpa Ulu 2:32

Amu na Ɔga Sihon ɔ́ta ku nwuna bekyuli ka bebekpoku-bu na ɔma ɔni baalɔ banii Yahas.

Lɛkpa Ulu 3:1

Ɔmmɔ kama búnwini na bútásia ulu ɔni ntɛ úsie Basan kalɔ kemmo. Na Ɔga Og ɔni mɔɔdi Basan kalɔ kammɔ lɛlɔ ku nwuna bekpone ƒui báta ka bebekpoku-bu na ɔma ɔni nde Edrei.

Lɛkpa Ulu 4:44

Ɔmɛni ndi ɔda bubo bɔni na Mose údie ɔ́tina Israelƒuɔ ka basia-mu kama.

Lɛkpa Ulu 4:46

Uwi ɔmmɔ na bébo beli kɔwɛ kɔni nde ɔma ɔni baalɔ Bet-Peor na Yordan Ketu ɔƒɛ katukɔ kakɛ. Na kalɔ kammɔ kadi Ɔga Sihon ɔni ndi Amoriƒuɔ ɔga na uli Hesbon ɔma kemmo. Mose ku Israelƒuɔ békpo bádi ɔga ɔmɛni lɛlɔ.

Baga 1 4:19

Na Uri ubidi Geber mɔɔnu Gilead kalɔ lɛlɔ ku Sihon ɔni ndi Amoriƒuɔ ɔga ku Og ɔni ndi Basanƒuɔ ɔga kɔlɔ lɛlɔ. Na anwu kani ndi aban ɔgadine na mmɔ ƒui.