Yosua 11:6 - Katɔti Ɔku Kedee

⁶ Amu na Unwoti ɔ́su Yosua ɔnini, “Tayia bekyuli bammɔ, ɔsika ndubɔya na bɛdu-ma ƒui asa na wedu kɔnaadi uwi ɔmɛni kemmo. Na lɛla lɛni na bɛdubo bɔbla ndi ka bikulo bana bapɔnkɔ bammɔ lɛgba nti. Na bɛkyula bana bapɔnkɔ kɛɛkɛ lɛmmɔ ƒui.”

Yosua 11:6 Referans Kwoze

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Samuel 2 8:4

Nsu Dawid ku nwuna bekpone bádi-ma lɛlɔ na béƒie bana bapɔnkɔ kɛɛkɛ apim unwi báƒɔ. Na bekpone mpim maatɛ bani mɔɔka kɛɛkɛ lɛnɔ béƒie-ma. Na béƒie bekpone mpim aavlanyɔ bani nkɛ lɛgba. Na bapɔnkɔ bani béƒie báƒɔ ni, bébo lɛna ƒui báƒɛ-ma lɛgba na kébu eti anyɔ kani.

Samuel 1 11:9

Mmɔ na básu batalane bani nébo mmɔ banini, “Bisie na bitásu Yabes Gilead banana bɛnini, ‘Asa na uteedu ɔƒiiwi kɔnaadi ni, bɔdubo bubekpo na bɔƒɔ-mii.’ ” Na ka batalane bammɔ lɛnɔ bénwini bátásu Yabes banana kenye kani na badanku ni, ebiti áda bana ƒui geen.

Litemi Batɛne 20:28

Na Aaron uwɔ Pinehas ɔni ndi Eleasar ubidi ndi ɔkpane. Na béye-nwu banii, “Bɔsɔ busie butékpoku bula banwa Benyaminƒuɔ, munuu butesie?” Amu na Unwoti údie kenye ɔnini, “Biteesie kɔnaadi na ndubo-ma buti bɔkya bina enu kemmo.”

Yosua 11:9

Na Yosua ɔ́bla-ma aani kalɛ na Unwoti úbo-ma ɔda kalɛ. Na ɔ́ƒɛ bapɔnkɔ bammɔ ƒui lɛgba na ɔkyula bana bapɔnkɔ kɛɛkɛ lɛmmɔ ƒui kede kede.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Yesaia 30:16

Nsu bíni na bɛ́su bɛnini, ‘Oowo! Bɔdubo bukeli ku bula bapɔnkɔ na bɔtɔlɔ bula bekisine kudɔ.’ Na bɛdubo bukeli sɔsɔ! Nsu bina bekisine bammɔ mmomu ndubo bukeli butulo-mii.

Agba 20:7

Bekyuli babuni beedie lɛgba lɛni mɔɔtina ka baadi bana litemi lɛlɔ geen. Na bana bebi bani nsia-ma kama ni, bekyuli badubute-ma kusɛ kusɛ.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 46:9

Ɔɔyá na kekpo biala kenye kaayɔ́ na kayawi kesii biala. Na ɔɔƒɛ kɔtaminta kɔmmɔ ku atula ƒui na ɔɔkyula ala ani ƒui na beeti teesienku kekpokɔ taatágyumana lɛlɔ.

Ala Alɛdi 2 20:16

Anwuɔsu binu lɛla lɛni na ɔlɛka bɛbla. Kɔnaadi ni, bekisine bekpone bammɔ badubo lɛlɔ bɔsiaku na babwɛ bavi kalɔ kakwiidi kani náka kámana Yeruel ɔma mmɔ. Amii lɛnɔ bisie na bitásiaku-ma na Sis ɔma kemmo si uwi ɔni na béti bákɔ baalɛ́ kɔwɛ kɔmmɔ kemmo.

Yosua 3:5

Ɔmmɔ kama Yosua ɔ́su bekyuli bammɔ ƒui ɔnini, “Ɔdi biala ɔbla lɛlɔ sɛɛn. Ɔsika kɔnaadi Unwoti ɔdubo akɔla bɔbla na bina akɔ.”

Lɛkpa Ulu 7:16

Si Unwoti Katɔti úbunku-mii na bíkpo bɛ́di bina bekisine lɛlɔ ni, bɛnu ka bɛ́yila lɛla biala udu. Na bitanu ukyuli biala kɔnyana. Na bɛnu kaduɛ kalɛ na ɔdi uleduo bukpoku taanu bɔdi kemmo na ɔkpa bana baƒiɔ bammɔ badi.

Yosua 11:5

Na baga bamɛni ku bana bekpone báklibi lɛlɔ na bátásala lisu na bábla keliekɔ na Merom Ketudɔ ka bekpoku Israelƒuɔ.

Yosua 11:7

Amu na Yosua ku nwuna bekpone bétéyu bekyuli bammɔ batu kɔnakunwi na Merom Ketudɔ mmɔ.

Litemi Batɛne 7:9

Usien ɔmmɔ ni, Unwoti údie lɛdi na ɔ́su Gideon ɔnini, “Ta na etékpoku Midianƒuɔ bammɔ na kesii kani na bakya mmɔ. Ɔsika ndubuti-ma lɛ́kya-a enu kemmo.

Esekiel 39:9

“ ‘Na si limeyi lɛmmɔ lídu ni, Israelƒuɔ badubo bana bekisine bani nebekpi-ma kudɔ mmɔ ekpola bɔla na bana lɛma lɛni kemmo na beli mmɔ. Na kɔtaminta ku atula lidu ku kekpo agyumanala ani bada mmɔ ku bana ligyii buti butaakya ogya. Na ɔmmɔ ɔdubɔbla bana ekyweni akwa maatɛ sɔɔn.

Nahum 2:13

Niniwe, Unwoti Katɔti Ɔyikune Ƒui ɔ́ta únye-ɔ lɛlɔ na ɔdubo ƒula bapɔnkɔ kɛɛkɛ lɛmmɔ ƒui bɔkyula ku ogya. Na bina bebi bani nási baakɔ́ aani bagyata bebi bina kalɛ kani ni, ɔdubɔya na bekpone badi bebo babadu-ma ƒui kede kede. Na bɛsɔ biladi bekyuli badi lɛlɔ iye bɛtala batu badi bɛkya-ma na bitaakya-ma liƒu lɛdi na kalɔ lɛlɔ kesii kadi.

Baga 2 6:16

Amu na Katɔti kenye udiene ɔmmɔ údie kenye ɔnini, “Tayia, ɔsika bekyuli bani nnye-bu kama betulo bani nnye-ma kama.”

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”