Yosua 11:4 - Katɔti Ɔku Kedee

⁴ Na baga bamɛni báta ku bana bekpone. Na bekpone bamɛni bumomo bɔdubɔbla aani ɛpu kɔnwinimi. Na bébo bapɔnkɔ ku bapɔnkɔ kɛɛkɛ pii.

Yosua 11:4 Referans Kwoze

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Samuel 1 13:5

Na uwi ɔmmɔ kani lɛlɔ ni, Ƒilistiƒuɔ básala lɛlɔ ka bekpoku Israelƒuɔ. Na bebo bapɔnkɔ kɛɛkɛ mpim ɛtɛ lɛni kemmo na bekpone mpim ɛku beli. Na ɔmmɔ kama ni, Ƒilistiƒuɔ bekpone pii bamba badi lɛnɔ bakya. Na bemomo geen aani ɛpu kɔnwinimi na ɛpu kɔtu ɔni na ukyuli ɔdi ulakana-ma bɔka. Na bana ƒui bátɔlɔ bésie Mikmas na bátada keliekɔ na mmɔ na Bet-Awen ɔƒɛ katukɔ kakɛ.

Ala Kalɔ Buse 32:12

Nsu awɔ násu-mi anini, ‘Ndubɔnu ka enu ku akɔkɔ éyi-ɔ. Na ndubɔya na ƒula bebi ku bawɔ bemomo aani ɛpu kɔnwinimi. Na ukyuli ɔdi ulakana-ma bɔka.’ ”

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.

Baga 1 4:20

Na Yudaƒuɔ ku Israelƒuɔ bemomo aani ɛpu kɔnwinimi na bádi na báni na bákɛ ebiti.

Samuel 2 17:11

“Anwuɔsu ami mina kasusu ndi ka aya na Israelƒuɔ ƒui ɔ́si Dan útédu Beer-Seba na kalɛ na bemomo aani ɛpu kɔnwinimi kenye ni, basala na awɔ atɔnku-ma esienku kekpo kammɔ.

Yosua 11:5

Na baga bamɛni ku bana bekpone báklibi lɛlɔ na bátásala lisu na bábla keliekɔ na Merom Ketudɔ ka bekpoku Israelƒuɔ.

Kɔgya 20:8

Bani anumi nsia ala ammɔ lɛlɔ ni, badubo kalɔ bubo na bebuli. Nsu abu ni, Unwoti Katɔti ɔdubo-bu katɔ bɔkɔliku na bunye kpakplaa.